Juan 6:5 - U Maganda A Baheta Ni Jesu-Cristo

⁵ Nikuna a natannaw ni Jesus u makpal a tolay a paadene nikuna ay tinanung na ti Felipe, “Hádya kitam a makabale ti makan para makakan i tolayan iye hide?”

Juan 6:5 Iomraidhean Croise

Mateo 15:33

Nagtanung u disepulus na “Anya be ipakan tamay nide? Atoy kitam tu parang, makpal pa be hide.”

Markos 6:32

Kanya simmakay hide tu abang, sakay immangay hide tu tahimik a lugar.

Lukas 9:10

Kássole nu disepulus hide ni Jesus ay imbaheta de nikuna u atanan a ginimet de. Káttapos ay limmakad ti Jesus kaguman na u disepulus na hide a immangay tu banuwan a Betsaida.

Juan 1:43

Nadid, tu sumunud a aldew ay naisip ni Jesus a umangay ti Galilea. Káddemát na hod ay netan na ti Felipe kanya kinagi na nikuna, “Mákkuyog ka nikán.”

Juan 1:44

(Ti Felipe ay taga-Betsaida, a konna di Andres sakay ti Pedro.)

Juan 1:45

Nadid ay inehyok ni Felipe ti Nataniel sakay kinagi na nikuna, “Netan mi dán u tolay a kinagi ni Moises a insulat na tu Kautusan, sakay konna be tu insulat nu prupeta hide. Siya ay ti Jesus a taga-Nazaret a anak ni Jose.”

Juan 1:46

Kinagi nikuna ni Nataniel, “Tehhod beman a maganda a maggábwat ti Nazaret?” Timmábbeg ti Felipe, “Kadon he ta ilingán mo.”

Juan 1:48

Tinanung siya ni Nataniel, “Kodyaák mo a natukuyan?” Timmábbeg ti Jesus, “Bagu ka a inangay ni Felipe ay netan taka dán a te sidum tu ponan nu kayo a igus.”

Juan 4:35

Awan moy beman kakagiyan, ‘Áppat dalla a bulan ay sákgapas dán?’ Kagiyán ko nikam, makáttáng dán u mula hide maare dán a aniyán.