Juan 5:40 - U Maganda A Baheta Ni Jesu-Cristo

⁴⁰ pero umád moy a umadene nikán para maalap moy nakwa u biyag a awan ti kahád.”

Juan 5:40 Iomraidhean Croise

Mateo 22:3

Inutusan na u utusan na hide para akitan u naimbitaan hide pero umád de a mákpágkasayaan.

Mateo 23:37

Kinagi pa ni Jesus, “Jerusalem, Jerusalem! Pinabuno mo u propeta hide sakay bábbudasán moy u pinaangay nu Diyos nikam! Sangan a beses ko a sinikap a alagaan u mágyan niko, konna tu paglákáp nu essa a inahin tu sepsep na hide pero inadiyán mo.

Juan 1:11

Immangay siya tu sadile na a banuwan, pero awan siya tinanggap nu kalugaran na hide.

Juan 10:10

Dumemát u mágtakaw para magtakaw, mamuno sakay mangsida. Pero dimmemátták para magkahod u tolay hide ti biyag a masagana sakay malaya.

Juan 3:19

Nahatulan hide dipo ummangay dán ti munduway u Anak nu Diyos bilang demlag tu mundu, pero mas ginusto pa nu tolay hide a manatile tu kadiklámman nan tu demlag, dipo madukás u gággimitán de hide.

Juan 5:39

Mággaadalán kam tu Kasulatan, ta akala moy a tu pamamag-itan ni iye ay magkahod kam ti biyag a awan ti kahád. U Kasulatan a mismo u mangpatunay tungkul nikán,

Juan 5:41

Sakay kinagi pa ni Jesus, “Awan ko hangadán u papure nu tolay hide.

Juan 5:44

Kodya kam a maniwala nikán, ni u papure la nu bawat essa u gusto moy, sakay bakán a u papure a gábwat tu eessa a Diyos?

Juan 6:27

U makan ay masida, kanya diyan moy iye sikapan a ehyukan. U sikapan moy a ehyukan ay u makan a awan masisida sakay makapangatad ti biyag a awan ti kahad. Hikán a Anak nu Tolay u makapangatad ti biyag a hanggan-hanggan, dipo hikán u inatádden nu Ama ko ti kapangyariyan.”

Juan 6:37

Pero maski ni ti deya u iyatád nu Ama ko sakay pasakup nikán ay awan ko siya palayasán.

Juan 6:40

Dipo kagustuwan nu Ama ko a u atanan ay tumengge sakay maniwala tu Anak ay magkahod ti biyag a awan ti kahád, sakay biyagán ko hide a huway tu katapusan a aldew.”

Roma 6:23

Dipo u bayad nu kasalanan ay kamatayan, pero u kaluub nu Diyos ay biyag a awan ti kahád tu pamamag-itan ni Cristo-Jesus a Panginoon tam.

Pahayag 22:17

Kinagi nu Banal a Ispirito sakay u Bábbey a ikasal, “Karon he!” Sakay atanan a makasaneg ti iye ay magkagi be a, “Karon he!” Umadene u atanan a mauwaw; mangalap u masoh tu dinom a makapangatád ti biyag, awan iye ti bayad.