Juan 4:15 - U Maganda A Baheta Ni Jesu-Cristo

¹⁵ Timmábbeg u bábbey, “Atáddinák mu pay, Panginoon tu dinom a kinagi mo para awanák dán mauwa-uwaw tán awanák dán he angay sumagáb.”

Juan 4:15 Iomraidhean Croise

Juan 4:16

Nadid, kinagi ni Jesus nikuna, “Sole ka dán sakay kuyugán mo he u kabanga mo.”

Juan 6:26

Timmábbeg ti Jesus nide, “U tatahoden, ehyukánnák moy bakán a dipo tu netan moy a makataka-taka, nan dipo nakakan kam tu tinapay sakay nabássog.

Juan 6:34

Kinagi nu tolay hide, “Panginoon, sapul nadid ay lagi mo kame a atádden ti makanan itod.”

Juan 6:35

Kinagi ni Jesus nide, “Hikán u tinapay a mangatád ti biyag. U deyaman a umadene sakay maniwala nikán ay awan magaláp oni mauwaw a hanggan-hanggan.

Roma 6:23

Dipo u bayad nu kasalanan ay kamatayan, pero u kaluub nu Diyos ay biyag a awan ti kahád tu pamamag-itan ni Cristo-Jesus a Panginoon tam.

Roma 8:5

Dipo u mabiyag hide ayun tu hilig nu pilas ay gugusto de u bagay hide a ayun tu pilas, pero u mabiyag ayun tu pággiya nu Ispirito ay magsumikap a maggimet tu bagay hide a ayun tu kagustuwan nu Banal a Ispirito.

1 Corinto 2:14

Dipo u tolay a awan u Ispirito nu Diyos nikuna ay umád a tumanggap tu kaluub hide a gábwat tu Ispirito nu Diyos. Para nide, awan iye ti kabuluhan sakay awan de maintendiyan, dipo awan nide u Ispirito nu Diyos a mangdemlag tu isip de.

Santiagu 4:3

Sakay maskin magaged kam tu Diyos ay awan nakam atádden dipo madukás u katoy tu isip moy sakay gusto moy la a masunud u mágkadukás moy hide a kagustuwan.

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.