Juan 3:18 - U Maganda A Baheta Ni Jesu-Cristo

¹⁸ U maniwala nikuna ay awan mahatulan a maparusaan, pero u awan maniwala nikuna ay nahatulan dán, dipo siya ay awan maniwala tu kaessa-essa a Anak nu Diyos.

Juan 3:18 Iomraidhean Croise

Markos 16:16

U sumampalataya sakay magpabawtismo ay maligtas, pero u umád a sumampalataya ay maparusaan.

Juan 1:12

Pero u atanan a timmanggap sakay naniwala nikuna ay inatádden na hide ti karapatan a magin anak nu Diyos.

Juan 1:18

Maski nikan ay awan palla ti naketa tu Diyos Ama, pero impakilala siya nikitam nu Diyos Anak, u kaessa-essa a Anak a minahal nu Ama.

Juan 20:31

Pero i libruwan iye ay nesulat para maniwala kam a ti Jesus u Cristo a Anak nu Diyos. Ni maniwala kam nikuna, ay magkahod kam ti biyag a awan ti kahád.

Juan 3:16

Dipo mahal a tahod nu Diyos u tolay hide ti munduway, kanya inyatád na u kaessa-essa na a Anak, para ni ti deya man u sumampalataya nikuna ay awan matay nan magkahod ti biyag a awan ti kahád.

Juan 3:36

U maniwala tu Anak nu Diyos ay tehhod a biyag a awan ti kahád. Pero u awan sumunud nikuna ay awan magkahod ti biyag a awan ti kahád. Mágyan palla nikuna u iyamut nu Diyos.”

Juan 5:24

“Tatahoden u kagiyán ko nikam,” kinagi pa ni Jesus, “U mágsaneg tu upos ko sakay manalig tu nangpaangay he nikán ay tehhod a biyag a awan ti kahád. Awan dán siya mahatulan nan neagton dán siya gabwat tu kamatayan patamo tu biyag a awan ti kahád.

Juan 6:40

Dipo kagustuwan nu Ama ko a u atanan ay tumengge sakay maniwala tu Anak ay magkahod ti biyag a awan ti kahád, sakay biyagán ko hide a huway tu katapusan a aldew.”

Juan 6:47

Kagiyan ko nikam u tatahoden: U maniwala nikán ay tehhod a biyag a awan ti kahád.

Roma 5:1

Kanya nadid ay imbilang kitamon nu Diyos a awan ti kasalanan dipo tu pánnampalataya tam tu Panginoon tam a ti Jesu-Cristo, kanya tehhod kitamon a maganda a rilasyon tu atubang nu Diyos.

Roma 8:1

Kanya nadid, ay awan dán mahatulan ti kaparusaan u katoy ni Cristo Jesus.

Roma 8:34

Awan be ti makahatul nikitam a dapat kitam a maparusaan dipo ti Cristo Jesus dán a mismo u hinatulan a matay para nikitam. Sakay bakán la a ina; nan biniyag siya a huway sakay nadid ay hod dán siya tu kawanan nu Diyos sakay siya u mamagitan para nikitam.

Hebreo 12:25

Kanya magingat kam, sakay diyan moy adiyan u Diyos a magupos nikitam. Dipo u awan hide nágsaneg tu nagupos hide tu itod ti lutaáy ay awan nakaligtas tu parusa! Nadid, kodya kitam makaligtas ni umád kitam a mágsaneg tu magupos a gábwat ti langet?

Hebreo 2:3

Konna bi hod, awan kitam makaiwas tu parusa ni awan tam pahalagaan u dakila a kaligtasan. U Panginoon u dipalongo a nángkagi ti kaligtasanan iye, sakay u nakasaneg hide nikuna u magpatunay nikitam a tutuhanan iye.

Hebreo 3:19

Kaya tukoy tam a awan hide makasáddap tu páppágyanan na sakay makaimang dipo tu awan de pánniwala.

1 Juan 3:23

Sa iye u utus na: Maniwala kitam tu Anak na a ti Jesu-Cristo sakay magmahalan kitam konna tu inyutus nikitam ni Cristo.

1 Juan 4:9

Impeta dán nu Diyos u págmahal na nikitam nikuna pinaangay na u kaessa-essa na a Anak ti munduwáy tánni magkahod kitam ti biyag a awan ti kahád tu pamamag-itan na.

1 Juan 5:10

Ni ti deyaman u sumampalataya tu Anak nu Diyos ay maniwala ti iye a patunay. Ni ti deyaman u awan sumampalataya tu patunay nu Diyos ay ginimet na a mabule u Diyos. Dipo awan siya maniwala tu págpatunay na tungkul tu Anak na.

1 Juan 5:12

Ni ti deyaman u nákpagkaessa tu Anak nu Diyos ay tehhod a biyag a awan ti kahád pero u awan hide nákpagkaessa tu nu Anak nu Diyos ay awan ti biyag a awan ti kahád.