Juan 3:16 - U Maganda A Baheta Ni Jesu-Cristo

¹⁶ Dipo mahal a tahod nu Diyos u tolay hide ti munduway, kanya inyatád na u kaessa-essa na a Anak, para ni ti deya man u sumampalataya nikuna ay awan matay nan magkahod ti biyag a awan ti kahád.

Juan 3:16 Iomraidhean Croise

Mateo 9:13

Angay moy intendiyán u kinagi nu Panginoon tu kasulatan na ‘Gusto ko a kagbiyan moy u tolay hide, bakán a u alay moy.’ Dipo awanák ummangay ti munduwáy para kagiyan u malinis hide a tolay a magsisi nan u makasalanan hide.”

Markos 12:6

Hanggan a awan dán ti nabuhay nan u eessa na dálla a anak a pinakamamahal na. Kanya pinaangay na u anak na tu uma na. Ta u akala na ay igalang de siya.

Lukas 2:14

“Puriyán u Diyos a katoy ti langet, Sakay tehhod dán a kapayapaan tu tolay hide a kinasayaan na a katoy ti lutaáy!”

Juan 1:14

Nagin tolay u Upos sakay nákpágyan siya nikitam. Netan me u kapangyariyan na sakay kadakilaan na, bilang kaessa-essa a anak nu Ama. Hod nikuna u págmahal sakay u katapatan, sakay atanan nu kinákkagi na ay tatahoden.

Juan 1:18

Maski nikan ay awan palla ti naketa tu Diyos Ama, pero impakilala siya nikitam nu Diyos Anak, u kaessa-essa a Anak a minahal nu Ama.

Juan 1:29

Nadid, tu essa a aldew ay netan ni Juan ti Jesus a paadene nikuna, kanya kinagi na tu tolay hide, “Atoy dán u Tupa nu Diyos a iyalay para mangibut tu kasalanan nu tolay ti munduway!

Juan 10:28

Atádden ko hide ti biyag a awan ti kahád, sakay awan hide mepahamak. Awan ti makaagew nide tu kamát ko.

Juan 3:15

para ni ti deya man u sumampalataya nikán ay magkahod ti biyag a awan ti kahád.

Juan 3:18

U maniwala nikuna ay awan mahatulan a maparusaan, pero u awan maniwala nikuna ay nahatulan dán, dipo siya ay awan maniwala tu kaessa-essa a Anak nu Diyos.

Juan 3:36

U maniwala tu Anak nu Diyos ay tehhod a biyag a awan ti kahád. Pero u awan sumunud nikuna ay awan magkahod ti biyag a awan ti kahád. Mágyan palla nikuna u iyamut nu Diyos.”

Juan 6:40

Dipo kagustuwan nu Ama ko a u atanan ay tumengge sakay maniwala tu Anak ay magkahod ti biyag a awan ti kahád, sakay biyagán ko hide a huway tu katapusan a aldew.”

Roma 5:10

Tu itod ay kadima kitam nu Diyos, pero nadid ay tinanggap na kitamon a kaibigan na tu pamamag-itan nu kákkatay nu Anak na. Kanya nadid a tehhod kitamon a maganda a relasyon tu Diyos siguradu dán a iligtas na kitam tu pamamag-itan nu biyag ni Cristo.

Roma 5:8

Pero impeta nikitam nu Diyos u págmahal na ti konna he a paraan: Maske tu itod nikuna a makasalanan kitam palla, natay ti Cristo para nikitam.

Roma 8:32

Ni u sadile na a Anak ay awan na inkemot ni awan inyatád na nikitam, siguradu a iyatád nabe nikitam u atanan a bagay.

Efeso 2:4

Pero kinagbiyan kitam nu Diyos sakay minahal na kitam ti husto.

2 Tesalonica 2:16

Paha-pahaán kam nakwa nu Panginoon tam a ti Jesu-Cristo sakay u Diyos tam a Ama a magmahal nikitam. Sakay tu pamamag-itan nu kagbi na, ay inatadden na kitam ti awan magbabagu a begsák ni isip sakay matibay a pag-asa.

Tito 3:4

Pero nikuna nehayag dán nikitam u págmahal sakay kagbi nu Diyos a tagapagligtas tam,

Hebreo 2:9

Pero tukoy tam ti Jesus, maski ni nebaba ti sabadit a panahun tu anghel hide, ay naatádden ti karangalan sakay kaluwalhatian dipo tu kákkatay na. Dipo tu habag nu Diyos nikitam ay ingkaluub na a matay ti Jesus para nikitam a atanan.

1 Juan 3:1

Isipán moy la ni sakodya ti kadakál u págmahal nikitam nu Ama. Dinulawan na kitam a anak na, a itona ngane u tatahoden. Iye u dahilan ni bakin awan kitam kilala nu makamundo hide a tolay dipo awan de tenggiyán u Diyos.

1 Juan 4:19

Magmahal kitam dipo u Diyos u dipalongo a nagmahal nikitam.

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.