Juan 21:12 - U Maganda A Baheta Ni Jesu-Cristo

¹² Kinagi ni Jesus nide, “Magaramusal kitam pa.” Pero maski ni essa tu disepulus hide ay awan ti nagtanung ni Jesus ni ti deya siya. Tukoy de a siya u Panginoon.

Juan 21:12 Iomraidhean Croise

Mateo 22:46

Ni essa man nide ay awan ti makatábbeg nikuna. Sakay sapul hod awan dán ti nangahas a magtanung nikuna.

Markos 9:32

Pero awan de naintendiyan u kinagi ni Jesus, sakay magalangan be hide a magtanung nikuna.

Lukas 9:45

Pero awan di maintendiyan u kinagi na dipo awan pálla impakapospos nu Diyos nide u kahulugan ni itod. Sakay manteng be hide a magtanung ni ánya u gusto a kagiyán nu kinagi na.

Juan 16:19

Tukoy ni Jesus a gusto de a magtanung, kanya kinagi na nide, “Namágtanungan kam beman tungkul tu kinagi ko a ‘Sabadit dálla a panahun ay awanák moy dán ketan, sakay káttapos nu sabadit a panahun ay ketanák moy a huway?’

Juan 21:11

Kanya simmakay ti Pedro tu abang sakay hinela na tu digdig u pante a putat ti dáddakkál a ikan, a datos ay ti limma pulo ay ti tállo a atanan. Pero maski ni sa konna hod a kakpal u ikan ay awan nasida u pante.

Juan 21:15

Nikuna a matapos dán hide a magaramusal ay kinagi ni Jesus ni Simon Pedro, “Simon a anak ni Juan, mahalák mu beman a higit tu págmahal de?” Timmábbeg ti Pedro, “On, Panginoon, tukoy mo a mahal taka.” Kinagi ni Jesus, “Pakanán mo u tupa ko hide.”

Juan 4:27

Nadid, ti odasan itod ay dimmemát u disepulus hide ni Jesus. Nagtaka hide nikuna a mademáttan de a mákpágguhon siya tu essa a bábbey. Pero awan hide nagtanung tu bábbey ni ánya i kailangan naay, sakay awan be hide nagtanung ni Jesus ni bakin a mákpágguhon siya tu bábbey.

Gimet 10:41

bakán a tu atanan a tolay nan nikame la a pinile nu Diyos bilang patunay. Hikame u kaguman na a kimman sakay umminom nikuna nabiyag siya a huway.