Juan 20:30 - U Maganda A Baheta Ni Jesu-Cristo

³⁰ Nadid ay ginimet ni Jesus u makpal a makataka-taka tu atubang nu disepulus na hide. Pero awan hide nesulat ti libruwáy a iye.

Juan 20:30 Iomraidhean Croise

Juan 2:11

I nangyariyan iye ti Cana tu prubinsiya ni Galilea u kadipalonguwan a makataka-taka a ginimet ni Jesus. Sakay ti iye a ginimet na ay impeta na u kapangyariyan na, sakay naniwala nikuna u disepulus na hide.

Juan 21:25

Makpal pa a bagay u ginimet ni Jesus. Pero ni nesulat i atananan iye, ay kulang u buo a mundu para pangdattonan tu libro hide a mesulat.

Juan 6:2

Timmagubet nikuna u makpal a tolay dipo netan de u makataka-taka hide a ginimet na, u págpapiyya na tu te saket hide.

Roma 15:4

U atanan a nesulat tu Kasulatan tu itod pa a panahun ay nesulat para tolduwan na kitam. Sakay tu pamamag-itan nu Kasulatan ay magin matatag kitam tu pánniwala sakay magkahod kitam ti pag-asa.

1 Corinto 10:11

Nangyare iye nide, tánni magin adal tu atanan a tolay, sakay nesulat iye tánni matolduwan kitam a inabut dán nu dimodyan a panahun a diyan tam ahigán u mágkadukás de a ginimet.

1 Juan 5:13

Insulat ko iye nikam tánni matukuyan moy a u simmampalataya hide tu Anak nu Diyos ay tehhod a biyag a awan ti kahád.