Juan 20:1 - U Maganda A Baheta Ni Jesu-Cristo

¹ Nadid, tu dimadimang nu Simba, madidiklám palla ay immangay dán ti Maria Magdalena tu páglábbángngan. Káddemát na hod ay netan na a nabukasan dán u takáp nu páglábbángngan a bito.

Juan 20:1 Iomraidhean Croise

Mateo 27:56

Kaguman nide ti Maria Magdalena, ti Maria a ina ni Santiago sakay ni Jose, a kabanga ni Zebedeo.

Mateo 27:60

Inyangay na iye tu sadili na a páglábbangan a awan palla nalay a impagimet na tu pader a bito. Káttapos, ingulong na tu pintuan u essa a dakal a bito sakay limmakad.

Mateo 27:64

Pabantayan mo ped ti husto u lábbang hanggan tu katállo a aldew. Makay umangay u disepulus na hide sakay takawan de u bangkay. Sakay kagiyan de tu tolay hide a siya ay huway a nabiyag. Mahirap dán makay u panlinlang an iye ay magin mas madukás pa nan tu dipalongo.”

Mateo 27:66

Kaya immangay hide sakay dináttonan de ti senyal u pintuwan a bito sakay pinabantay de u lábbang tánni masigudo de a awan iye maahikad ni ti deya man.

Mateo 28:1

Kállipas nu Aldew nu Káimang, nikuna dimadimang palla a tahod tu dipalongo a aldew nu simba ay ummangay tu naglábbangan de ni Jesus ti Maria Magdalena sakay u essa pa a Maria.

Mateo 28:2

Káddemát de hod ay bigla a naglinog ti mabegsák dipo ummogsad gábwat ti langet u essa a anghel nu Panginoon. Ingulong na u bito a nakatakáp tu lábbang sakay immetnud tu dibbew na.

Markos 15:46

Namale ti Jose ti mapudew a damit a lino a pangbalut na tu bangkay. Nikuna a me-ogsad na u bangkay ni Jesus ay binalutan na tu damit sakay tulos na a inlábbáng tu kuweba a páglábbangngan de. Impagulung na u dakál a bito a nangtakáp de tu pintuwan nu páglábbángngan de.

Markos 16:9

[Dimadimang palla tu Aldew nu simba ay nabiyag a huway ti Jesus. Dipalongo na a pimmetaan ay ti Maria Magdalena. Siya u bábbey a inibutan na ti pitto a madukás a ispirito.

Juan 11:38

Káddemát di Jesus tu páglábbángngan ay nalungkut dámman siya a tahod. U pinánglábbángngan de ni Lazaro ay kuweba a te takláb a dakál a bito.

Juan 11:41

Kanya inibutan de u bito. Timmangad ti Jesus ti langet sakay kinagi na, “Amáng, magpasalamaták niko dipo sinanigák mo.

Juan 19:25

Nadid, mágtaknág u ina ni Jesus tu sadát nu kudus na sakay u wadi na a bábbey a ti Maria a kabanga ni Cleofas, sakay katoy bi hod ti Maria a Magdalena.

Juan 20:26

Kállipas nu walo a aldew ay huway a naipun u disepulus hide ni Jesus tu disalad nu bilay. Kaguman di dán hod ti Tomas. Pero maski ni nakakandadu u pintuwan hide ay dimmemát ti Jesus sakay timmaknág tu bállog de, sakay kinagi na, “Magkahod kam ti kapayapaan.”

Gimet 20:7

Tu purumero a aldew nu sasimba ay napisan-pisan kame para tu pángtappeng-tappeng ti tinapay. Nangaral ti Pablo nide hanggan tu bállog nu gibi dipo palakad siya tu kadimadimangan.

1 Corinto 16:2

Kada dipalongo a aldew nu sasimba ay mangsáddi dán u balang essa ayun tu kitaán na, sakay ipunán itod para awan dán kailangan a magaged ti tulung káddemát ko hina.

Pahayag 1:10

Sakay mentras a heyák hod, netaun be a aldew tu itod nu pággipun-ipun para sumamba tu Pangioon Jesus, hikan ay inggiya nu Ispiritu nu Diyos sakay nasaneg ko tu áadággen ko u mabegsák a boses a kumán a tánnog ni trumpeta.