Juan 19:6 - U Maganda A Baheta Ni Jesu-Cristo

⁶ Nikuna a ketan siya nu pupuno hide a Saserdote sakay tu guwardiya hide ay pimmákhaw hide, “Ipako siya tu kudus! Ipako siya tu kudus!” Pero timmábbeg ti Pilato, “Hikam dálla u mangalap nikuna a mángpako tu kudus, dipo ni hikán la ay awanák ti ketan a kasalanan na.”

Juan 19:6 Iomraidhean Croise

Mateo 26:58

Tummagubet nikuna ti Pedro pero adeyo u agwat de. Káddemát na tu bilay ni Caifas ay simmáddap siya tu sural sakay naggetnud a kaguman u guwardiya hide tánni metan na ni anya u mangyari.

Mateo 27:22

Tinanong hide ni Pilato, “Ni konna hod, anya u gimitán ko ni Jesus a nadulawan a Cristo?” Timmábbeg u atanan, “Ipako siya tu kudus!”

Mateo 27:24

Nikuna a netan iye ni Pilato a awan siya ti magimet sakay makay magkagulo pa u tolay hide ay nagpaalap siya ti dinom sakay nagguges tu kamát na tu atubang nu tolay hide. “Awanák ti pananagutan ti kákkatay ni tolayan iye. Bahala kamon!” kagi ni Pilato.

Lukas 23:4

Sakay kinagi ni Pilato tu puno nu saserdote hide sakay tu tolay hide, “Awanák ti ketan a kasalanan ni tolayan iye.”

Juan 18:3

Kanya immangay hod ti Judas, kaguman na u makpal a sundalo a Romano sakay u guwardiya hide tu templo a pinaangay hod nu puno nu Saserdote hide sakay Pariseo. Tehhod hide a tawed a simbuwan sakay te mga armas hide.

Juan 18:31

Kinagi ni Pilato nide, “Hatulan moy dán siya tu sadile moy a Kautusan.” Timmábbeg u puno nu Judio hide, “Pero awan kame ti kapangyariyan a humatul ti kamatayan maskin ti deya.”

Juan 18:38

Tinanung siya ni Pilato, “Ánya beman u tatahoden?” Tu pákkakagi he ni Pilato ay limmuwas siya sakay kinagi na tu Judio hide, “Awanak ti ketan a kasalanan ni tolayan iye.

Juan 19:15

Pero nagpákhawan u Judio hide, “Bunuwán siya! Ipako siya tu kudus!” Kinagi ni Pilato nide, “Ipako ko beman tu kudus u hare moy?” Timmábbeg u puno nu Saserdote hide, “Awan kame ti iba a hare nan u hare tam ti Roma!”

Juan 19:4

Kanya limmuwas a huway ti Pilato sakay kinagi na tu tolay hide, “Mágsaneg kam! Ta iyatubang ko siya nikam. Gusto ko a matukuyan moy a awanák ti netan a kasalanan na!”

Gimet 2:23

Sapul pa tu sapul ay tukoy dán nu Diyos a ti Jesus ay iyatád na nikam, kanya ayun tu karunungan na ay pinayagen na a impepako moy sakay pinabuno tu makasalanan hide a tolay.

Gimet 7:52

Ti deya beman a prupeta i awanay pinahirapan nu nunu moy hide? Binunu de u nánghula tu káddemát nu Banal a intokyon moy be sakay impabuno.