Juan 17:5 - U Maganda A Baheta Ni Jesu-Cristo

⁵ Kanya nadid, Ama ay atáddinák mo ti karangalan a konna tu karangalan ko nikuna a hodák palla niko tu itod bagu a lalangán i munduway.

Juan 17:5 Iomraidhean Croise

Mateo 25:34

Sakay kagiyan ko tu atoy hide tu kawanan ko, ‘Kamon he, hikam a pinagpala nu Ama ko! Mágyan kam tu kaharian a inhanda para nikam sapul pa nikuna ginimet u mundo.

Juan 1:18

Maski nikan ay awan palla ti naketa tu Diyos Ama, pero impakilala siya nikitam nu Diyos Anak, u kaessa-essa a Anak a minahal nu Ama.

Juan 10:30

Hikán sakay u Ama ay eessa kame.”

Juan 14:9

Timmábbeg ti Jesus nikuna, “Awanák mu pad beman tukoy, Felipe, nalayák moy dán a kakaguman? U naketa nikán ay netan na dám be u Ama. Bakin a kagiyán mo a ipeta ko nikam u Ama?

Juan 17:1

Nadid, tu pákkakagi ni Jesus ti iye hide a bagay ay timmangad siya ti langet sakay kinagi na, “Ama, dimmemát dán u odas. Parangalan mu dán u Anak mo, para parangalan nakabe.

Juan 17:24

Ama, gusto ko a makaguman tu angayan ko u tolay hide a inyatád mo nikán, tán ketan di be u karangalan a inyatád mo nikán, dipo mahalák mo bagu pa a nilalang i munduway.

Juan 3:13

Awan ti maski ni ti deya man u nakaangay ti langet liban nikán a Anak nu tolay a gábwat ti langet.”

Juan 8:58

Timmábbeg ti Jesus, “Kagiyan ko nikam u tatahoden: Bagu pa a neenak ti Abraham ay atnaák dán.”

Filipos 2:6

Maskin tunay siya a Diyos ay awan na impilit a manatile a kapantay nu Diyos.

Hebreo 1:10

Sakay kinagi na pa, “Tu sapul ay hiko Panginoon u nanglalang tu mundu, sakay gimet nu kamát mo u langet.

Hebreo 1:3

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

1 Pedro 1:20

Bagu a linalang nu Diyos i munduway ay inlaan na dán ti Jesus para mangtubus nikitam tu kasalanan tam. Kanya nadid a dimodyan a aldew ay immangay he siya ti lutaáy tánni iligtas na kitam.

1 Pedro 1:21

Dipo ni Cristo ay naniwala kamon tu Diyos a nangbiyag a huway nikuna, sakay nangatád nikuna ti kapangyariyan. Kanya u pánniwala moy sakay u pag-asa moy ay katoy tu Diyos.

1 Juan 1:2

Nikuna a mehayag dán siya a makapangatád ti biyag ay netan mi siya, pinatunayan me sakay inpangaral me nikam a hod nikuna u biyag a awan ti kahád. Sapul pa tu sapul ay kaguman dán siya nu Diyos Ama sakay pimmeta siya nikame.

Pahayag 13:8

Sakay u atanan a tolay a katoy ti lutaáy ay sumamba nikuna, puwera la tu tolay hide a nakasulat u ngahan de tu libro nu biyag sapul pa nikuna a lalangán i munduway. I libruwan iye ay táttawed nu Tupa a binuno.

Pahayag 3:21

U magtagumpay ay paetnudán ko a kasadát nu trono ko. Konna nikán a nagtagumpay, kaya nadid ay mággetnudák tu sadát nama ko tu trono na.