Juan 16:33 - U Maganda A Baheta Ni Jesu-Cristo

³³ Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Juan 16:33 Iomraidhean Croise

Mateo 9:2

Káddemát di hod ay intugán nu sasangan a tolay u essa a tolay a awan makaahikad ni Jesus. U tolay ay nágkatdug tu essa a ayod. Nikuna netan ni Jesus a te pánnampalataya hide nikuna ay kinagi na tu tolay a awan makaahikad “Anak, magsaya ka dipo pinatawad ta ka dán tu kasalanan mo.”

Lukas 19:38

Kinagi de, “Puriyán u Hare a mágdadedemát tu ngahan nu Panginoon! Puriyan u Diyos dipo te kapayapaan ti langet!”

Lukas 2:14

“Puriyán u Diyos a katoy ti langet, Sakay tehhod dán a kapayapaan tu tolay hide a kinasayaan na a katoy ti lutaáy!”

Juan 12:31

Dummemát dán u odas a hatulan u mundu. Sakay palayasán ti Satanas a maghare tu mundu.

Juan 14:1

Nadid ay kinagi ni Jesus nide, “Diyan kam mabalisa. Magtiwala kam tu Diyos sakay magtiwala kam be nikán.

Juan 14:27

Nadid, u iwahak ko nikam ay kapayapaan. Mismo a u kapayapaan ko u iyatád ko nikam ikapayapaanan iye ay awan meatád nu mundo. Kanya diyan kamon mabalisa sakay diyan kamon manteng.

Juan 16:11

Sakay male be hide tungkul tu pághatul nu Diyos dipo ti Satanas a mángdipalongo he ti munduwáy ay nahatulan dán a awan dán ti karapatan a maghare.

Gimet 14:22

Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”

Gimet 23:11

Ti gibi labiyan itod ay pimmeta u Panginoon ni Pablo sakay kinagi na nikuna, “Begsákkan mo isip muwe! Nagpatunay ka tungkul nikán ti Jerusalemáy; konna be hina u gimitán mo ti Roma.”

Gimet 27:22

I mepayo kuwáy nikam nadid ay begsákkan moy isip moye dipo awan ti matay maski essa nikam. Kanya la ay mahukat i barkuwáy.

Gimet 27:25

Kanya begsákkán moy isip moye, kakaguman ko hide! Dipo maniwalaák tu Diyos a mangyare u atanan ayun tu kinagi na nikán.

Gimet 9:31

Kanya sapul hod ay nagin tahimik u kalagayan nu mánnampalataya hide tu buo a Judea, Galilea sakay Samaria. Hide ay bimmegsák ti pánnampalataya sakay kimmakpal tu tulung nu Banal a Ispirito sakay nabiyag a te ánteng tu Panginoon.

2 Corinto 1:3

Puriyán tam u Diyos sakay Ama nu Panginoon tam a ti Jesu-Cristo, siya u maháhhabagán a Ama. Siya u Diyos a pinaggábwatan nu atanan tulung.

2 Corinto 13:11

Hanggan dálla he, kákkapatkákka, paalam dán nikam. Sikapán moy a lumagu kam sakay sunudán moy u payo ko hide; magkaessa kam, sakay mabiyag a tehhod a kapayapaan. Ni konna hod, u Diyos nu págmahal sakay kapayapaan ay makaguman moy.

2 Corinto 2:14

Pero magpasalamaták tu Diyos dipo siya u mángdipalongo tu págserbi me ni Cristo kaya lagi kame a magtagumpay. Hádya kami man a umangay ay gamitán kame nu Diyos para ipakilala ti Cristo tu tolay hide iye ay mehalimbawa tu kákkalat nu masáppot a ahob.

2 Corinto 4:7

Kumán kame la a pággasákkan a banga dipo awan kame ti kakayanan, pero intiwala na nikame i kayamanan iye a Ispirituwal dipo gustu na a ipatengge au awan masukat a kapangyariyan ay gábwat nikuna bakán me a kao.

2 Corinto 6:4

Nan impeta me tu atanan a gimitán me a tagapagserbi kame nu Diyos: tu pamamag-itan nu págtiis tu atanan kalase nu kahirapan, kalungkutan, sakay kagipitan.

2 Corinto 7:4

Grabi ti kadakál u págtiwala ko nikam, lagi takam a ipagmadakál! Maski makpal kame a tiniis, u mabate ko ay kasayaan a awan ti kapareho.

Galacia 1:4

Inyalay ni Cristo u sadile na dipo tu kasalanan tam, sigun tu kaluuben nu Diyos Ama tam. Ginimet na iye para meligtas kitam tu kadukássan a kasalukuyan a maghare ti munduwan iye.

Galacia 6:14

Nakwa awan iye mangyare nikán. U ipagmadakál kula ay u kákkatay nu Panginoon tam a ti Jesu-Cristo. Dipo tu kamatayan ni Cristo tu kudus ay awan dán ti halaga para nikán u bagay hide ti munduwáy, sakay hikán ay awan dámbe ti halaga para ti munduwáy.

Filipos 4:7

Ni ginimet moy iye, atádden kam nu Diyos ti kapayapaan a siya u mangbantay tu puso sakay tu isip moy dipo tu pákpagkaessa moy ni Cristo Jesus. I kapayapaanan iye ay awan kaya a maabut nu isip nu tolay.

Colosas 1:20

Sakay tu pamamag-itan nu Anak na, ay ginusto nu Diyos a u atanan nu nilalang ti langet ay ti lutaáy ay mákpagkasundu nikuna. Iye ay tu pamamag-itan nu digi ni Cristo a nebuhus tu kákkatay na tu kudus.

1 Tesalonica 3:4

Kinákkagi ku dán nikam, nikuna a katoy kami palla hina a talaga a magdanas kitam ti hirap. Kaya konna ngani hod nadid u nangyare konna tu tukoy moy dán.

1 Tesalonica 3:7

Dipo tu nabaheta me a matibay u pánnampalataya moy ni Cristo, kákkapatkákka, ay nasaya kame maski makpal kame a kabalisaan sakay kahirapan.

2 Tesalonica 3:16

U Panginoon tam a naggábwatan nu kapayapaan ay siya nakwa u mangatád nikam ti kapayapaan tu atanan a pagkakataun. Nakwa ay pirme kam a aguman nu Panginoon.

2 Timoteo 3:12

U atanan a masoh a mabiyag ti tama bilang essa a tagasunud ni Jesu-Cristo ay talaga a dumanas ti hirap.

Hebreo 11:25

Ginusto na pa a mákpaghirap tu tolay hide nu Diyos, nan magtamasa ti kasayaan a awan la magmalay a maggábwat tu kasalanan.

Hebreo 7:2

Inyatád nikuna ni Abraham u ikapo nu atanan a naalap na tu gera. (U purumero a kahulugan nu ngahan ni Melquisedek ay, “Hare a Matuwid.” Sakay hare be siya ni Salem, a u gusto na a kagiyán ay “Hare ni kapayapaan.”)

1 Pedro 5:9

Labanan moy siya sakay magpakatatag kam tu pánnampalataya moy tu Diyos. Dipo tukoy moy labe a bakán la a hikam i magdanasay ti konna he a hirap, nan pate u kákkapatkákka moy hide tu buo a mundu.

1 Juan 2:13

Magsulaták nikam a ama hide, ta nakilala moy siya a tu sapul ay átna dán siya. Magsulaták be nikam, áolito hide sakay mámmadiket, dipo natalo moy dán ti Satanas.

1 Juan 4:4

Anak ko hide, kao kamon nu Diyos sakay napagtagumpayan moy dán u liwat hide a prupeta. Dipo u Ispirito a katoy nikam ay mas makapangyariyan nan u ispirito a katoy ti munduway.

1 Juan 5:4

dipo napagtagumpayan dán nu atanan a anak nu Diyos u mágkadukás a gimet ti munduway. Nagtagumpay kitam dipo tu pánnampalataya tam ni Jesu-Cristo.

Pahayag 12:11

Tinalo de u Diyablo tu pamamag-itan nu dige nu Tupa, sakay tu upos nu Diyos a impahayag de sakay awan hide nanghinayang tu biyag de maski hanggan tu kákkatay.

Pahayag 3:21

U magtagumpay ay paetnudán ko a kasadát nu trono ko. Konna nikán a nagtagumpay, kaya nadid ay mággetnudák tu sadát nama ko tu trono na.

Pahayag 7:14

Timmábbegák, “Awan ku ben tukoy. Hiko i makatukuyay.” Kaya kinagi na nikán, “Hide u nagtagumpay tu mahigpit a hirap. Mapudew dán nadid u badu de kumán a linabaan tu dige nu Tupa.