Juan 16:23 - U Maganda A Baheta Ni Jesu-Cristo

²³ Ti aldiwan itod ay awan moy dán kailangan a magtanung nikán. Kagiyán ko nikam u tatahoden: Anya man u agidan moy tu Ama tu pamamag-itan nu ngahan ko ay iyatád na.

Juan 16:23 Iomraidhean Croise

Mateo 21:22

Sakay anya man u agidan moy tu panalangin ay maalap moy, ni naniwala kam.”

Mateo 7:7

Ni mangaged kam tu Diyos ay atádden na kam. Ni magehyok kam ay metan moy. Ni tumoktok kam tu pintuwan ay bukasan na para nikam.

Juan 14:20

Tu káddemát ni itona a odas ay matukuyan moy a hodák tu Ama. Sakay hikam ay hod kam be nikán, sakay hikán ay hodák be nikam.

Juan 14:22

Tinanung siya ni Judas (Bakán a ti Judas Iscariote), “Panginoon, bakin a hikame la u pángpakilalaan mo tu sadile mo, awan mo ipakilala tu agum a tolay ti munduway?”

Juan 14:5

Kinagi ni Tomas nikuna, “Panginoon, awan me tukoy ni hádya ka angayan, kodya me a matukuyan u dilan?”

Juan 15:7

Ni manatile kam nikán, sakay u upos ko ay manatile be nikam, ay iyatád ko u ánya man a agidán moy.

Juan 16:19

Tukoy ni Jesus a gusto de a magtanung, kanya kinagi na nide, “Namágtanungan kam beman tungkul tu kinagi ko a ‘Sabadit dálla a panahun ay awanák moy dán ketan, sakay káttapos nu sabadit a panahun ay ketanák moy a huway?’

Juan 16:26

Ti itod be a aldew ay mismo hikam u mangaged tu Ama tu pamamag-itan nu ngahan ko. Awan dán kailangan a hikán pa u mangaged tu Ama a para nikam.

Juan 16:30

Tukoy me a tukoy mo u atanan a bagay, sakay awan ka dán kailangan a tanungán nu deyaman. Kanya maniwala kame a gábwat ka tu Diyos.”

Efeso 2:18

Dipo ni Cristo ay pari-pareho kitamon a makaadene tu Ama tu pamamag-itan nu mággeessa a Banal a Ispirito.

1 Juan 2:1

Anak ko hide, insulat ko iye hide nikam tánni awan kam magkasala. Pero ni magkasala man u deyaman ay te mángsuhog nikitam, u Ama. Siya ay ti Jesu-Cristo, u Matuwid.