Juan 16:22 - U Maganda A Baheta Ni Jesu-Cristo

²² Konna kam bi hod. Malungkut kam nadid, pero masaya kam tu aldew a mamágketa kitam a huway. Sakay awan ti maskin ti deya a makaagew tu kasayaan moy.

Juan 16:22 Iomraidhean Croise

Mateo 28:8

Kanya nagalisto hide a hinumektat tu lábbang. Naghalo u bábbatiyan de, anteng sakay grabe a saya. Nagginan hide a immangay tu disepulus hide para ibaheta u nangyare.

Lukas 10:42

pero eessa la i talagaay a kailangan. Pinile ni Maria u tama a bagay a awan mamawan nikuna.”

Lukas 16:25

Pero kinagi ni Abraham, ‘Anak isipán mo a nagpakasawa ka tu biyag mo ti luta atod. Sakay ti Lazaro ay nagtiis ti hirap. Pero nadid ay masaya dán u biyag na he sakay hiko damman ay mághahirapán ka hina.

Lukas 19:26

‘Tandaan moy iye: ni deya u tapat tu neatád nikuna ay madagdagan pa itod ti makpal. Pero ni deya man, u awan tapat ay maski u badit a katoy nikuna ay mawan pa itod nikuna.’

Lukas 24:41

Nikuna awan padi hide makapaniwala dipo tu saya sakay tu hákned de ay tinanung hide ni Jesus, “Te makan kam beman hina?”

Juan 14:1

Nadid ay kinagi ni Jesus nide, “Diyan kam mabalisa. Magtiwala kam tu Diyos sakay magtiwala kam be nikán.

Juan 14:19

Sabadit dálla a panahun ay awanák dán ketan nu taga-mundo hide, pero ketanák moy. Sakay dipo biyagák, hikam be ay mabiyag.

Juan 14:27

Nadid, u iwahak ko nikam ay kapayapaan. Mismo a u kapayapaan ko u iyatád ko nikam ikapayapaanan iye ay awan meatád nu mundo. Kanya diyan kamon mabalisa sakay diyan kamon manteng.

Juan 16:16

Sabadit dálla a odas ay awanák moy dán ketan a huway, sakay káttapos nu sabadit a panahun ay ketanák moy a huway.”

Juan 16:20

Tatahoden, magsanget kam sakay maglungkut tu mangyare nikán, pero masaya u taga-mundu hide. Mágkalungkut kam, pero u kalungkutan moy ay mapalitan ti kasayaan.

Juan 16:6

Malungkut kam nadid, dipo tu kinagi ko nikam.

Juan 21:7

Kinagi nu disepulus a mahal ni Jesus ni Pedro, “U Panginoon itod!” Nikuna a masaneg iye ni Pedro ay insulot na u damit na a ineklas na, simmegbu siya tu dinom, sakay nagnangoy a patamo tu digdig.

Juan 4:14

pero u uminom tu dinom a iyatád ko ay awan dán mauwa-uwaw. Dipo u dinom a iyatád ko ay konna tu essa a hábwayan a awan makakatiyan. Sakay u tolay a tumanggap ti iye ay magkahod ti biyag a awan ti kahád.”

Gimet 13:52

U disepulus hide ti Antioquia ay tunay ti saya sakay naputat hide tu Banal a Ispirito.

Gimet 16:25

Pero nikuna bállog dán ni gibi ay nagdasal di Pablo sakay ti Silas sakay nágkansiyon hide ti papure sakay págsamba tu Diyos. U agum a pireso ay mágsaneg nide.

Gimet 2:46

Mamágpisan hide tu templo kada aldew, sakay mamágkaguman hide tu bila-bilay de a magpira-piraso tu tinapay, masaya hide a mamággatubang a kuman a maluwag tu isip de,

Gimet 5:41

Tunay ti saya a limmakad u apostol hide tu atubang nu Sanedrin dipo pinagustuwan nu Diyos a magdanas hide ti págseste alang-alang ni Jesus.

2 Corinto 6:10

Maski maglungkut kame, ay tehhod kame padi a kasayaan; maski ni mahirap, pero mapayaman be u agum; lubu-lubus, pero u tatahoden kao me u atanan a bagay.

2 Tesalonica 2:16

Paha-pahaán kam nakwa nu Panginoon tam a ti Jesu-Cristo sakay u Diyos tam a Ama a magmahal nikitam. Sakay tu pamamag-itan nu kagbi na, ay inatadden na kitam ti awan magbabagu a begsák ni isip sakay matibay a pag-asa.

Hebreo 10:34

Nákpagtiis kam tu pághirap nu nágkepireso hide. Sakay tinanggap moy a te kasayaan nikuna a inagew de u ari-ariyan moy, dipo tukoy moy a tehhod kam a mas maganda sakay awan mawan a ari-ariyan u nelaan nikam.

Hebreo 6:18

Awan magbabagu oni magbule-bule u Diyos ti duwwaan iye a bagay: U pananto na sakay u sinumpaan na. Kanya hikitam a nagpasakup tu Diyos ay matibay u isip tam a umasa tu inpananto na.

1 Pedro 1:8

Maski ni awan moy siya netan ay minahal moy dán siya. Sakay maski ni awan moy palla siya netan hanggan nadid ay naniwala kamon nikuna. Kaya awan masukat u kasayaan moy sakay awan mepaliwanag tu pamamag-itan nu pággupos.