Juan 16:20 - U Maganda A Baheta Ni Jesu-Cristo

²⁰ Tatahoden, magsanget kam sakay maglungkut tu mangyare nikán, pero masaya u taga-mundu hide. Mágkalungkut kam, pero u kalungkutan moy ay mapalitan ti kasayaan.

Juan 16:20 Iomraidhean Croise

Mateo 21:38

Pero nikuna netan nu magtrabaho hide u anak ay namagguhon hide, ‘Iye u tagapagmana. Kamon dán! Bunuwán tamon tán makao tam u mana na.’

Mateo 5:4

Pinagpala nu Diyos u malungkut hide, dipu hide u pahapahaán nu Diyos.

Markos 14:72

Nagtarakket dámman u tandang. Kanya naala-ala ni Pedro u kinagi ni Jesus nikuna a, “Bagu a magtarakket u manok ti pumenduwwa ay pumentálluwák mo a ipamen.” Kanya nágsasangitán siya ti husto.

Markos 16:10

Immangay siya tu disepulus hide ni Jesus, para ibaheta na nide u netan na. Nedemáttan na hide a maglungkut sakay mágsasangitán.

Lukas 22:45

Káttapos na a nagdasal ay nagsole siya tu disepulus na hide. Dinemáttán na hide a tidug dipo tu grabi a lungkut de.

Lukas 22:62

Kanya limmuwas ti Pedro sakay nágsasangitán.

Lukas 23:27

Makpal a tolay u umononod ni Jesus, kaguman be u sangan a bábbey a makánsangitán dipo tu habag di nikuna.

Lukas 24:17

Tinanung hide ni Jesus, “Ánya ben i págguhunan moye?” Kaya ummimang hide ti sa badit tu páglakad de a malungkut a tahod.

Lukas 24:21

Áasaan mi pa be a siya u mángligtas tu lahe hide ni Israel. Sakay bakán la a ina, katállo na dán nadid a aldew sapul a mangyare itod.

Lukas 6:21

Pinagpala u magaláp hide nadid, dipo bássugán kam nu Diyos! Pinagpala u mágsanget hide nadid, Dipo magkahod kam ti kasayaan!

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Juan 16:6

Malungkut kam nadid, dipo tu kinagi ko nikam.

Juan 20:20

Tu pákkakagi na ti iye ay impeta na u talingo na hide tu kamát na sakay tu hawes na. Tunay u saya nu disepulus hide nikuna a ketan de u Panginoon.

Gimet 5:41

Tunay ti saya a limmakad u apostol hide tu atubang nu Sanedrin dipo pinagustuwan nu Diyos a magdanas hide ti págseste alang-alang ni Jesus.

Roma 5:11

Sakay bakán la sa ina, masaya kitam tu rilasyon tam tu Diyos, dipo tu ginimet nu Panginoon tam a ti Jesu-Cristo. Dipo nikuna ay tinanggap kitam nu Diyos a kaibigan na.

2 Corinto 6:10

Maski maglungkut kame, ay tehhod kame padi a kasayaan; maski ni mahirap, pero mapayaman be u agum; lubu-lubus, pero u tatahoden kao me u atanan a bagay.

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

1 Tesalonica 1:6

U kakkabiyag me sakay u Panginoon tam a ti Jesu-Cristo u inaheg moy. Sakay nikuna a tanggapan moy u Maganda a Baheta ay nagdanas kam ti makpal a kahirapan, pero maski konna paman hod ay katoy padi nikam u kasayaan a inpagkaluub nu Banal a Ispirito.

Santiagu 1:2

Kákkapatkákka ko hide, magsaya kam ni makadanas kam ti iba-iba a pagsubuk,

Judas 1:24

Puriyán tam nadid u kaessa-essa a Diyos tam a Tagapagligtas! Siya u mangtáttawed nikitam tánni awan kitam magkasala sakay siya u makapáng-adene nikitam tu atubang na a awan ti kapintasan sakay makapangatád ti kasayaan.

Pahayag 11:10

Magsaya a tahod u atanan a tolay ti munduwáy dipo tu kákkatay ni duwwaan iye. Mamággatádden hide ti rigalo dipo tu kasayaan de, dipo i duwwaan iye a prupeta u nangatád nide ti dakál a kahirapan.

Pahayag 18:7

Ni kodya siya a nagpakasaya sakay nagmataas tu itod, ay ipabate moy be nikuna u katapat ni iye hide a kahirapan sakay kalungkutan. Dipo u pirme na a kákkagiyán ay ‘Tanyagák a Raina! Awanák bilo, sakay awanák makadadanas ti kalungkutan maski nikan!’