Juan 15:5 - U Maganda A Baheta Ni Jesu-Cristo

⁵ Hikán u ponan nu ubas sakay hikam u pinget hide. U tolay a manatile nikán sakay manatiliyák be nikuna ay siya u magbunga ti makpal. Dipo awan kam ti magimet ni hiwalay kam nikán.

Juan 15:5 Iomraidhean Croise

Mateo 13:21

Pero dipo kapareho siya nu essa a mula a awan ti gimot a madisalad ay awan siya makatággád tu hirap nu seste dipo tu pánniwala na ay alisto siya a ummadág tu pánniwala na.

Juan 12:24

Tandaan moy: maliban a matákneg tu luta u essa a butil nu pahay sakay matay ay manatile itod a mággeessa. Pero ni memula ay magbunga itod ti makpal.

Juan 15:16

Bakán a hikam u nangpile nikán, nan hikán u nangpile nikam, tán maglakad kam sakay magbunga tu bunga hide a manatile a hanggan-hanggan. Ni konna hod, ánya man u agidán moy tu Ama tu ngahan ko ay iyatád na nikam.

Juan 5:19

Kinagi nide ni Jesus, “Dapat moy a matukuyan a awan ti gimitán u Anak tu sadile na la nan u gimitán na la ay u ketan na a gimitán nu Ama. U gággimitán nu Ama ay siya la be u gággimitán nu Anak.

Juan 9:33

Ni awan gabwat tu Diyos i tolayan itona ay awan na magimet i makataka-taka an itod.”

Gimet 4:12

Awan dan ti iba a makapangatád ti kaligtasan, dipo awan ti iba a pinaangay he u Diyos ti lutaáy para iligtas u tolay hide nan ti Jesus la.”

Roma 12:5

konna labe nikitam a manampalataya. Makpal kitam, pero nabuo kitam tu eessa a bággi ni Cristo, sakay balang essa ay parte nu kada essa.

Roma 6:22

Pero napalaya kamon tu kasalanan sakay alipin kamon nu Diyos. Sakay u natanggap moy ay kabanalan sakay biyag a awan ti kahád.

Roma 7:4

Konna labe hod kákkapatkákka ko hide. Natay kamon tu Kautusan tu pamamag-itan nu kákkatay ni Cristo. Nabiyag a huway. Sakay hikam ay kao na dán tánni magbunga kam ti mágkaganda a gimet para tu ikasaya nu Diyos.

1 Corinto 10:16

Awan beman u káinom tam tu baso a ipáppasalamat tam ay pákbahagi tam tu dige ni Cristo? U kákkan tam tu tinapay a tináppeng-táppeng tam ay pákbahagi be tu bággi na?

1 Corinto 12:12

U bággi ay eessa pero makpal a parte; maski ni binuo nu iba-iba a parte, ay eessa pade iye a bággi konna bihod ti Cristo; makpal u mánnampalataya nikuna pero eessa la ti Cristo a nákpagkaessaan de.

1 Corinto 12:27

Nadid, hikam u bággi ni Cristo. Sakay u bawat essa ay parte nu bággi na.

2 Corinto 13:8

Dipo awan me maare a kontraán u tatahoden; nan u gimitán mila ay u tatahoden.

2 Corinto 9:10

U Diyos a mangatád ti bine tu mágmula sakay makan ay siya be u mangatád sakay mangpasagana tu atanan a kao moy para maslalo kampa a makatulung tu agum.

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

Efeso 5:9

Dipo ni u essa a tolay ay nademlagan dán ay ketan tu gimet na u maganda, tama sakay tatahoden.

Filipos 1:11

Nakwa ay maputat u biyag moy tu mágkaganda a ugale a kaluub ni Jesu-Cristo, tán maparangalan sakay mapapuriyan u Diyos.

Filipos 4:13

Magimet ku iye a atanan dipo tu begsák a inyatád nikán ni Cristo.

Filipos 4:17

Kinagi ko iye, bakán a dipo gusto ko a tumanggap a pirme tu tulung moy hide, nan u gusto ko ay tumanggap kam ti makpal a gantimpala dipo matáttulungán kam.

Colosas 1:10

Para ti konna hod, mabiyag kam a karapat-dapat sakay makasaya tu Panginoon: sakay makagimet kam ti mágkaganda a gimet sakay lumawak u pákkatukoy moy tu Diyos.

Colosas 1:6

Kimmalat iye ti buuwáy a mundu tán mangatád ti págpapala, konna tu nangyare nikam sapul nikuna a nasaneg moy sakay naintendiyan u tatahoden tungkul tu kagbi nu Diyos.

Santiagu 1:17

Atanan a mágkaganda a bagay ay inyatád nu Diyos a nanggimet tu aldew, bulan, biton ay tu langet. Sakay maskin magbagu iye a atanan ay awan siya magbabagu nikitam maskin nikan.

1 Pedro 2:4

Kanya umadene kam nikuna; siya u mangatád ti biyag sakay siya u konna tu bito a inadiyan nu tolay hide pero pinile nu Diyos a pinakamahalaga tu pangileng na.

2 Pedro 3:18

Pero lumagu kam tu kagbi nu Diyos sakay tu pákkatukoy moy tu Panginoon tam sakay Tagapagligtas a ti Jesu-Cristo. Puriyán siya nadid sakay magpakahanggan! Amen.