Juan 15:24 - U Maganda A Baheta Ni Jesu-Cristo

²⁴ Ni awanák naggimet tu atubang de ti makataka-taka a awan magimet nu ti deyaman, maare de a kagiyan a awan hide ti kasalanan. Pero nadid te kasalanan hide, ta maski ni netan de u ginimet ko a makataka-taka, ay naiyamut hide nikame ay tu Ama ko.

Juan 15:24 Iomraidhean Croise

Mateo 11:5

Ikagi moy a maketa dán u buhák. Makalakad u pilay. Nagpiyya u te ketong. Makasaneg dán u bángngág. Nabiyag u patay sakay natolduwan dán u pobre hide tu maganda a baheta.

Mateo 21:32

Dipo immangay nikam ti Juan sakay intoldo na u matuwid a biyag sakay awan moy siya pinaniwalaan. Pero pinaniwalaan siya nu madukás hide a tagakolekta ti buwes sakay tu belyas hide. Netan moy iye, pero awan kam padi nagsisi sakay naniwala nikuna.”

Mateo 9:33

Kanya pinalayas ni Jesus u demonyo sakay pagdaka a nakaupos u tolay. Minagtaka u tolay hide sakay kinagi de “Sapul tu itod ay awan padla iye nangyare ti Israel.”

Markos 2:12

Tummaknág ngani u paralitiko samantala umaeleng u atanan a tolay. Agad na a tinawed u kákkatdugen na sakay lummakad, kanya atanan a katoy hod ay nagtaka. Nagpure hide tu Diyos sakay kinagi de, “Awan kami padla naketa ti konna he maskin nikasangan”!

Lukas 24:19

Tinanung na hide, “Ánya beman itod hide a pangyayare?” Timmábbeg hide, “Tungkul tu nangyare ni Jesus a taga-Nazaret, essa a prupeta a makapangyariyan tu gimet sakay tu pagtoldu na, magin tu atubang nu Diyos sakay tu tolay hide.

Juan 10:32

Pero kinagi nide ni Jesus, “Impeta ko nikam u makpal a mágkaganda a gimet a impagimet nikán nu Ama. Hádya ti iye hide u dahilan para batikalánnák moy?”

Juan 10:37

Ni awan ko gimitán u ipagimet nu Ama, diyan kam maniwala nikán.

Juan 12:10

Kanya pinalano be nu pinuno nu Saserdote hide a ipabuno ti Lazaro,

Juan 12:45

Sakay u naketa nikán ay naketa dám be tu nangpaangay he nikán.

Juan 14:9

Timmábbeg ti Jesus nikuna, “Awanák mu pad beman tukoy, Felipe, nalayák moy dán a kakaguman? U naketa nikán ay netan na dám be u Ama. Bakin a kagiyán mo a ipeta ko nikam u Ama?

Juan 15:21

Dustaán dikam dipo maniwala kam nikán sakay dipo awan de tukoy u nangpaangay he nikán.

Juan 15:22

Ni awanák he immangay a nagupos nide ay awan nakwa napatunayan a nagkasala hide. Pero nadid ay awan dán hide ti merason tu kasalanan de.

Juan 15:23

U maiyamut nikán ay maiyamut be tu Ama ko.

Juan 16:9

Male hide tungkul tu kasalanan, dipo awan hide naniwala nikán.

Juan 3:2

Essa a gibi ay immangay siya tu kán Jesus sakay kinagi na, “Maisto, tukoy me a hiko ay essa a tagapagtoldu a gábwat tu Diyos, ta awan ti makagimet tu makataka-taka hide a ginimet mo, liban la ni hod nikuna u Diyos.”

Juan 5:36

Pero tehhod a mángpatunay tungkul nikán a mas higit tu patunay ni Juan, u gimet hide a ipagimet nikán nu Ama, sakay siya be u gággimitán ko. Ina u mangpatunay a pinaangayák na he.

Juan 6:36

Pero konna tu kinagi ko nikam, umád moy a maniwala nikán maskin netan moy dán u makataka-taka hide a ginimet ko.

Juan 7:31

Sakay makpal a tolay u naniwala nikuna. Kinagi de, “Siya dán u Tagapagligtas, dipo awan ti agum a makagimet tu makataka-taka hide a ginimet na.”

Juan 9:32

Sapul ti sapul ay awan kitam palla ti nasaneg a nakapagpapiyya ti tolay a neenak a buhák.

Juan 9:41

Timmábbeg ti Jesus, “Ni buhák kam ay awan kam nakwa ti kasalanan. Pero kinagi moy a maketa kam, kanya manatile palla u kasalanan nikam.”

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

Gimet 2:22

“Hikam a taga-Israel hide ay mágsaneg kam nikán! Ti Jesus a taga-Nazaret ay pinaangay nu Diyos nikam, sakay pinatunayan iye nu Diyos tu pamamag-itan nu himala hide sakay tu makataka-taka hide a ginimet na tu pamamag-itan ni Jesus. Mismo hikam u nakatukoy ti pangyayariyan iye dipo nangyare iye he nikam.

Roma 1:30

Mangsida hide tu kapareho de, maiyamut hide tu Diyos, awan hide ti galang sakay tunay hide ti kapalaluwan, palagi a magehyok ti madukás sakay awan sumunud tu dáddakál di hide.

2 Timoteo 3:4

Bakán la a ina, magin traidor hide, awan de isipán ni ánya u bunga nu gimitán de, mapagmataas hide, sakay u gugusto de ay u kagustuwan nu pilas bakán a u bagay hide a makasaya tu Diyos.

Santiagu 4:4

Hikam a awan tapat tu Diyos! Awan moy beman tukoy a ni pahalagaan tam u bagay hide ti munduway ay kadima tam u Diyos? Kanya u ti deyaman a sumunud tu madukás a gimet nu tolay ti munduway ay kadima nu Diyos.