Juan 14:12 - U Maganda A Baheta Ni Jesu-Cristo

¹² Kagiyán ko nikam u tatahoden: U deyaman a maniwala nikán ay makagimet be tu gággimitán ko, sakay mas pa ti iye u magimet na dipo angayák dán tu Ama.

Juan 14:12 Iomraidhean Croise

Mateo 21:21

Timmábbeg ti Jesus, “Pakatandaan moy iye: ni te pánnampalataya kam tu Diyos sakay awan kam magalinlangan ay magimet moy be u ginimet ko tu kayo nu igos a iye. Bakán la a iye u magimet moy! Ni kagiyan moy tu buked a iye, ‘Lumakad ka hina; lumukso ka tu diget,’ ay mangyari u kinagi moy.

Markos 11:13

Tu pákkatannaw na tu kayo a igus ay inadeniyan na a inileng ni te bunga. Pero awan siya ti netan nan puro a duun, dipo awan palla págbunga ni igus ti itod.

Markos 16:17

U sumampalataya hide ay atádden ti kapangyariyan a maggimet ti makataka-taka a bagay: tu ngahan ko ay magpalayas hide ti mágkadukás a ispirito sakay makapagupos hide ti iba-iba a upos.

Juan 14:28

Nasaneg moy dán u kinagi ko tu itod a lumakadák pero soliyák labe nikam. Ni mahalák moy ay masaya kam tu káangay ko tu Ama, dipo mas dakila u Ama nan hikán.

Juan 16:7

Pero kagiyan ko nikam u tatahoden a para tu kapiyyaan moy u kállakad ko, dipo awan he umangay u Banal a Ispiritu a tagagiyya nikam, ni awanák lumakad. Pero ni lumakadák ay paangayán ku he siya nikam.

Juan 4:37

Kanya tama la u kakagiyan a, ‘Iba u magmula sakay iba be u mag-ane.’

Juan 5:20

Dipo mahal nu Ama u Anak, kaya ipeta na tu Anak u atanan a gimitán na. Mas pa ti iye u ipeta nikuna nu Ama a gimitan na, a pagtakaan moy ti husto.

Juan 7:33

Kinagi ni Jesus, “Awanák moy dán makaguman ti malay, sakay káttapos ay soliyák dán tu nangpaangay he nikán.

Juan 7:39

U dinom a gustu he a kagiyán ni Jesus ay u Banal a Ispirito, a adene dán a matanggap nu maniwala hide nikuna. Awan palla ingkaluub u Banal a Ispirito ti panahunay a itod, dipo awan palla immangay ti Jesus ti langet.

Gimet 10:46

Natukuyan de iye dipo nasaneg de a nagupos tu iba-iba a upos sakay nagpure tu Diyos u Hentil hide. Kanya kinagi ni Pedro,

Gimet 16:18

Aldew-aldew ay gággimitán na itod nide kanya nágngál ti Pablo. Inatubang na u bábbey sakay kinagi na tu madukás a ispirito, “Tu ngahan ni Jesu-Cristo, utusan taka a lumakad ti bábbiyan itona!” Kanya ti itod be ay lummakad u madukás a ispirito.

Gimet 19:12

Maski panyo oni badu a ginamit ni Pablo ay iyangay de tu tehhod hide a saket. Nagpiyya hide maski u madukás hide a ispirito a magpahirap nide ay lumakad.

Gimet 2:33

Pinággetnod siya tu kawanan nu Diyos sakay natanggap na u nepananto a Banal a Ispirito tu Ama. Iye u inyatád na nikame konna tu áelingán sakay masássaneg moy nadid.

Gimet 2:41

Makpal u naniwala tu mensahe na sakay nagpabawtismo hide a agad. Ti itod a aldew ay mga tállo a libu a tolay u nedagdag tu mánnampalataya hide.

Gimet 4:16

Kinagi de, “Ánya gimitán tamay nadid nide? Tukoy dán nu atanan a taga-Jerusalem hide u ginimet de a makataka-taka a bagay kaya awan tamon iye mepamen.

Gimet 4:33

Tu begsák nu kapangyariyan nu Diyos ay tulos-tulos la a magpatunay u apostol hide tungkul tu kákkabiyag a huway nu Panginoon Jesus. Kanya pinagpala nu Diyos u atanan a mánnampalataya.

Gimet 4:4

Pero maskin konna he u nangyare nide ay makpal u simmampalataya tu págtoldu de. Ummabut ti limma a libu u simmampalataya hide a lállake.

Gimet 5:15

Inyangay nu tolay hide tu karsada u te saket hide sakay pinágkatdug de hide tu katre sakay u agum ay ti abák, tánni tu káttaleb ni Pedro ay malenduman hide nu anino na.

Gimet 6:7

Tulos-tulos a kimmalat u Upos nu Diyos sakay u mánnampalataya hide ay pakáppal a pakáppal ti Jerusalem. Sakay u saserdote hide ay makpal a simmampalataya.

Gimet 8:7

Maski u mágkadukás hide a Ispirito ay lummakad tu tolay hide a hinayup, sakay makán pakhawán a paluwas. Sakay makpal a lopog sakay pilay u nagpiyya.

Gimet 9:34

Kinagi nikuna ni Pedro, “Eneas, pinagpiyya ka dán ni Jesu-Cristo. Tumaknág ka sakay isáddi mo i abák muwe!” Pagdaka a immikat ti Eneas.

Gimet 9:40

Pinaluwas ni Pedro u atanan a katolayan sakay limmuhud a nagdasal. Káttapos ay ummatubang siya tu bangkay sakay kinagi na, “Tabita, umikat ka dán!” Bimmulag ti Tabita sakay pákketa na ni Pedro ay immetnod siya.

Roma 15:19

Sakay tu pamamag-itan nu makataka-taka hide a bagay tu kapangyariyan nu Banal a Ispirito. Kanya nebaheta ko u Maganda a Baheta tungkul ni Cristo sapul ti Jerusalem hanggan ti Ilirico.