Juan 14:10 - U Maganda A Baheta Ni Jesu-Cristo

¹⁰ Awan ka beman maniwala a hikán ay hod tu Ama sakay u Ama ay hod nikán? U kákkagiyán ko nikam ay awan gábwat nikán nan tu Ama a hod nikán. U bagay hide a gággimitán ko ay siya be u maggimet dipo siya ay hod nikán.

Juan 14:10 Iomraidhean Croise

Juan 10:30

Hikán sakay u Ama ay eessa kame.”

Juan 10:38

Pero ni ginimet ko u ipagimet hide nu Ama ko, maski ni umád moy a maniwala nikán, maniwala kam tu ginimet ko hide para maintendiyan moy a u Ama ay katoy nikán sakay hikán be ay katoy tu Ama.”

Juan 11:26

U deyaman a biyag sakay maniwala nikán ay awan matay hanggan-hanggan. Maniwala ka beman ti iye, Marta?”

Juan 12:49

Dipo u itáttoldu ko ay bakán a gábwat tu sadile ku la nan gábwat tu Ama a nangpaangay he nikán. Siya u nagutus tu kagiyán ko.

Juan 14:11

Maniwala kam tu kinagi ko, a hikán ay hod tu Ama sakay u Ama ay hod nikán. Ni umád moy a maniwala ti kinagi kuwan iye ay maniwala kam dipo tu ginággimet ko hide.

Juan 14:20

Tu káddemát ni itona a odas ay matukuyan moy a hodák tu Ama. Sakay hikam ay hod kam be nikán, sakay hikán ay hodák be nikam.

Juan 14:24

U awan mangmahal nikán ay awan sumunud tu upos ko. Sakay u upos a nasaneg moy ay awan gábwat nikán nan gábwat tu Ama a nangpaangay he nikán.

Juan 17:8

Dipo intoldu ko nide u atanan a intoldu mo nikán sakay tinanggap di iye. Siguradu hide a talaga gábwaták niko sakay maniwala hide a pinaangayák mu he.

Juan 3:2

Essa a gibi ay immangay siya tu kán Jesus sakay kinagi na, “Maisto, tukoy me a hiko ay essa a tagapagtoldu a gábwat tu Diyos, ta awan ti makagimet tu makataka-taka hide a ginimet mo, liban la ni hod nikuna u Diyos.”

Juan 5:17

Pero kinagi ni Jesus nide, “Tulos-tulos u trabaho nama ko hanggan nadid, konnaák la bi hod.”

Juan 5:19

Kinagi nide ni Jesus, “Dapat moy a matukuyan a awan ti gimitán u Anak tu sadile na la nan u gimitán na la ay u ketan na a gimitán nu Ama. U gággimitán nu Ama ay siya la be u gággimitán nu Anak.

Juan 7:16

Kanya kinagi ni Jesus nide, “U itáttoldu ko ay bakán a gábwat nikán, nan gábwat tu nángpaangay he nikán.

Juan 8:28

Kanya kinagi ni Jesus, “Ni ilangkawák moy dán a Anak nu Tolay ay hod moy palla a matukuyan a hikán ngane u Cristo. Sakay matukuyan moy be u atanan a bagay a ginimet ko sakay u kinagi ko ay ayun tu ipagimet sakay ipekagi nikan nu Ama.

Juan 8:38

Kagiyán ko nikam u bagay hide a ketan ko Nama ko, sakay hikam be gimitán moy be u natukuyan moy nama moy.”

Juan 8:40

Pero gustuwák moy a bunuwán, maski ni kagiyán ko la nikam u tatahoden a nasaneg ko a gábwat tu Diyos. Pero ti Abraham awan siya ti ginimet a konna tu madukas a gusto moy a gimitan nikan.

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

2 Corinto 5:19

Gusto ni iye a kagiyán, a tu pamamag-itan ni Cristo, ay pinagsole nu Diyos u tolay hide nikuna, imbilang na hide a amigu na, sakay nilimon na dán u kasalanan de hide. Impagkatiwala na nikame u págbahagi ti iye a baheta.

Colosas 1:19

Dipo netakda dán nu Diyos a he dán tu anak na u atanan a pagka-Diyos na.

Colosas 2:9

Kaya diyan kam padaya dipo u buo a pagka-Diyos ay katoy ni Cristo maskin nagin tolay siya.

1 Juan 5:7

Kanya tehhod a tállo a makapagpatunay a ti Jesu-Cristo ay Anak nu Diyos: