Juan 13:8 - U Maganda A Baheta Ni Jesu-Cristo

⁸ Kinagi ni Pedro nikuna, “Umád ko! Awan maare a hiko i maguges ti tikád kuwáy hide.” Timmábbeg ti Jesus, “Ni umád mo a ugisan taka ay awan ka dán mebilang a disepulus ko.”

Juan 13:8 Iomraidhean Croise

Mateo 16:22

Inakit siya ni Pedro tu essa a suluk sakay pinagkagiyan ti konna he: “Panginoon, dyan nakwa payagen nu Diyos a mangyari ina! Awan dapat a mangyare iye niko.”

Mateo 21:29

‘Umad ko,’ tábbeg na. Pero nagbago u isip na sakay umangay labe.

Mateo 26:33

Timmábbeg ti Pedro, “Maski ginanan ka nu atanan ay awan ta ka ginanan.”

Mateo 26:35

Pero kinagi ni Pedro, “Maski ni bunuwanák de ay awan ta ka ipamen.” Sakay kona labe hod u kinagi nu agum a disepulus na hide.

Juan 13:6

Tu káadene ni Jesus tu kán Simon Pedro ay kinagi nikuna ni Simon, “Panginoon, bakin hiko pa i magugisay ti tika-tikád kuwáy?”

Juan 13:9

Kanya kinagi ni Pedro, “Ni konna hod, Panginoon ay bakán la i tikád kuwáy i ugisan muway nan pate dán i kamát kuwáy hide sakay ulo kuwáy!”

Juan 3:5

Kinagi ni Jesus, “Kagiyan ko niko u tatahoden: Awan ti maski ni deya man u makasáddáp tu kaharian nu Diyos ni awan siya meenak tu pamamag-itan nu dinom sakay tu Banal a Ispirito.

Gimet 22:16

Awan kadán ti dapat a uhayán? Tumaknág ka dán sakay magpabawtismo sakay dumulaw tu ngahan nu Panginoon tán mapatawad ka tu kasalanan mo hide.’ ”

1 Corinto 6:11

Konna hina u agum nikam tu itod. Pero nalinis kamon tu kasalanan moy hide sakay netalaga kamon tu Diyos. Napatawad kamon tu ngahan nu Panginoon tam a ti Jesu-Cristo sakay tu Banal a Ispirito nu Diyos.

Efeso 5:26

Ginimet na iye para hikitam a mánnampalataya hide ay magin banal tu atubang nu Diyos dipo hikitam ay imbilang na a nalinisan dán tu pamamag-itan nu pánniwala tam tu upos na kanya hikitam ay nabawtismuwan dán tu dinom.

Colosas 2:18

Dyan kam maniwala tu mángpeta hide tu liwat de a págpakumbaba sakay magsamba tu anghel hide. Ipagmadakál de a mas higit hide nikam dipo tu pangitain de hide pero u tatahoden ay magmadakál la hide magmadakál la hide dipo tu makamundu de a isip.

Colosas 2:23

Ti bigla ileng, kumán ngane a maganda u págsamba tu anghel hide, u male a gággimitán a págpakababa sakay págpasaket tu bággi de. Pero iye hide ay awan ti metulung para mapigilan u mágkadukás a kagustuwan nu pilas.

Tito 3:5

ay inligtas na kitam, bakán a dipo tu mágkaganda tam hide a gimet nan tu kagbi na la nikitam. Inligtas kitamon nu Diyos a kuman a neenak kitam a huway tu pamamag-itan nu Banal a Ispirito, dipo siya u nanglinis sakay nangatád ti bigu a biyag nikitam.

Hebreo 10:22

kanya umadene kitam tu Diyos a tehhod a katapatan sakay matibay a pánnampalataya nikuna, dipo nalinis dán nu dige ni Cristo u isip tam a kumán a na ugisan dán u bággi tam tu malinis a dinom.

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.

Pahayag 7:14

Timmábbegák, “Awan ku ben tukoy. Hiko i makatukuyay.” Kaya kinagi na nikán, “Hide u nagtagumpay tu mahigpit a hirap. Mapudew dán nadid u badu de kumán a linabaan tu dige nu Tupa.