Juan 13:21 - U Maganda A Baheta Ni Jesu-Cristo

²¹ Tu pákkakagi he ni Jesus ay nabalisa siya, “Kagiyan ko nikam u tatahoden: U essa nikam u mángtokyon nikán.”

Juan 13:21 Iomraidhean Croise

Mateo 26:21

Alay de a kuman, kinagi ni Jesus “Kagiyan ko nikam: essa nikam u mángtokyon nikán.”

Mateo 26:38

Kinagi na nide, “U puso ko ay maglungkot a tahod halos a ikatay ko! He kam pala he sakay mákpagpuyat nikán!”

Markos 14:18

Mentaras a kuman hide ay kinagi ni Jesus: “Tandaan moy iye: te essa he nikam a katubang ko a kuman u mángtokyon nikán.”

Markos 3:5

Maiyamut sakay malungkut ti Jesus a immileng tu tolay hide a katoy tu palebut na, dipo tu kaigáttan nu ulo de. Káttapos ay kinagi na tu te saket, “Iyolnat mo i kamát muwe.” Inyolnat be nu lállake u kamát na sakay nagpiyya iye.

Juan 11:33

Nahabag ti Jesus tu pákketa na a magsanget ti Maria sakay u Judio hide a kaguman na. Kanya nalungkut siya a tahod.

Juan 11:35

Sakay nagsanget ti Jesus.

Juan 11:38

Káddemát di Jesus tu páglábbángngan ay nalungkut dámman siya a tahod. U pinánglábbángngan de ni Lazaro ay kuweba a te takláb a dakál a bito.

Juan 12:27

Kinagi ni Jesus, “Mabalisaák nadid. Kagiyán ku beman tu Ama a iligtasák na tu mággade-adene a pághirap? Awan, dipo iye u dahilan ni bakin katoyák he.”

Juan 13:18

Awan ko makagi iye para nikam a atanan, dipo tukoy ko u pinile ko hide pero kailangan a matupad u kinagi tu Kasulatan a, ‘Intokyunák nu tolay a páppakanán ko.’

Juan 13:2

Ti gibiyan itod ay nangapon di Jesus sakay tu disepulus na hide. Nemula dán ni Satanas tu isip ni Judas Iscariote a anak ni Simon a itokyon na ti Jesus.

Juan 13:22

Nagilingan u disepulus na hide, sakay naguluwan hide ni ti deya u gusto na a kagiyán.

Gimet 17:16

Mentaras a maguhay ti Pablo tu duwwa ti Atenas ay netan na a makpal a diyos-diyosan tu siyudad. Kanya nalungkot siya ti husto.

1 Juan 2:19

Maski ni date tam hide a kaguman pero awan tam hide kaessa. Dipo ni talaga a kaessa tam hide ay kakaguman tam nakwa hide nadid. Pero summina hide, kanya nángpeta la a awan tam hide talaga a kaessa.