Juan 13:18 - U Maganda A Baheta Ni Jesu-Cristo

¹⁸ Awan ko makagi iye para nikam a atanan, dipo tukoy ko u pinile ko hide pero kailangan a matupad u kinagi tu Kasulatan a, ‘Intokyunák nu tolay a páppakanán ko.’

Juan 13:18 Iomraidhean Croise

Mateo 10:36

U magin kalaban nu essa a tolay a naniwala ay u kasabilay na labe.

Mateo 26:21

Alay de a kuman, kinagi ni Jesus “Kagiyan ko nikam: essa nikam u mángtokyon nikán.”

Mateo 26:23

Timmábbeg siya, “U kasabay ko a sumawsaw tu baso ay siya u mángtokyon nikán.

Markos 14:17

Nikuna a gibi dán ay dimmemát di Jesus, sakay u sapulo ay ti duwwa a disepulus na.

Markos 14:18

Mentaras a kuman hide ay kinagi ni Jesus: “Tandaan moy iye: te essa he nikam a katubang ko a kuman u mángtokyon nikán.”

Markos 14:20

Kinagi ni Jesus nide, “U essa nikam a sapulo ay ti duwwa a kasabay ko a mángsawsaw ti tinapayáy ti malukungáy ay siya u mángtokyon nikán.

Lukas 22:21

Pero kaatubang ku nadid u mángtokyon nikán.

Juan 13:21

Tu pákkakagi he ni Jesus ay nabalisa siya, “Kagiyan ko nikam u tatahoden: U essa nikam u mángtokyon nikán.”

Juan 13:22

Nagilingan u disepulus na hide, sakay naguluwan hide ni ti deya u gusto na a kagiyán.

Juan 13:26

Timmábbeg ti Jesus, “U atádden ko ti tinapay, káttapos ko a ilábláb ay siya itod.” Kanya nangalap ti Jesus ti tinapay sakay pángllábláb na ay inyatád na ni Judas a anak ni Simon Iscariote.

Juan 15:16

Bakán a hikam u nangpile nikán, nan hikán u nangpile nikam, tán maglakad kam sakay magbunga tu bunga hide a manatile a hanggan-hanggan. Ni konna hod, ánya man u agidán moy tu Ama tu ngahan ko ay iyatád na nikam.

Juan 15:19

Ni kaguman kam tu taga-mundu hide ay mahalán dikam. Pero awan di kam kaguman, dipo pinile takam he ti munduway para awan kamon magin konna nide. Kanya u mundu ay maiyamut nikam.

Juan 15:25

Ti ginimet diyan iye ay natupad u nesulat tu Kasulatan a, ‘Maiyamut hide nikán a awan ti rason.’”

Juan 17:12

Mentaras a kagumanák de ay iningatan ko hide tu kapangyariyan a inyatád mo nikán. Iningatan ko hide sakay awan ti nepahamak nide, puwera la tu tolay a nagehyok tu kákkepahamak na para matupad u kinagi tu Kasulatan tungkul nikuna.

Juan 18:32

Nangyari iye para matupad u kinagi ni Jesus, tungkul tu kákkatay na a danasán na.

Juan 19:24

Kinagi nu essa a sundalo, “Diyan tamon iye pamághatiyán. Mamágbunutan kitam dálla ni ti deya keangayanay ni iye.” Nangyare iye para matupad u kinagi tu Kasulatan a, “Pinamághate-hati de u damit ko, sakay namágbunutan hide tu damit ko a pangdisalad.” Sakay iye ngane u ginimet nu sundalo hide.

Juan 19:36

Nangyare i bagayan iye hide para matupad u kinagi na tu Kasulatan, “Awan ti mapuseng maski ni essa tu tulang na hide.”

Juan 21:17

Tu katállo a beses ay kinagi ni Jesus, “Simon a anak ni Juan, mahalák mu beman a talaga?” Nalungkut ti Pedro dipo tállo na dán siya a beses a tanungán ni mahal na be man siya. Kanya timmábbeg siya, “Panginoon, tukoy mo u atanan a bagay. Tukoy mo a mahal taka.” Kinagi ni Jesus nikuna, “Pakanán mo u tupa ko hide.”

Juan 6:70

Kinagi ni Jesus nide, “Awan beman pinile takam a sapulo ay ti duwwa? Pero u essa nikam ay dimonyo!”

Gimet 1:16

“Kákkapatkákka ko hide, u nakasulat tu Banal a Kautusan nikuna a pinagupos nu Banal a Ispirito ti David tungkul ni Judas a nánggiya tu nangdakáp hide ni Jesus ay natupad dán.

Gimet 1:2

hanggan tu aldew a simmole siya ti langet. Bagu siya a simmole ti langet ay binilinan na u pinile na hide bilang apostol tu pamamag-itan nu Banal a Ispirito. Káttapos nu pághirap na ay pimmeta siya nide ti sangan a beses, tánni patunayan na a biyag siya. Pimmeta siya nide tu alay nu kuwarenta a aldew sakay nagtoldu tungkul tu pághare nu Diyos.

2 Corinto 4:5

Bakán a u sadile me u ipáppangaral me nan ti Cristo Jesus a Panginoon tam. Nagserbi kame nikam dipo tu págmahal me ni Cristo Jesus.

Hebreo 4:13

Awan ti metagu tu Diyos, áelingán na a atanan. Sakay tábbegan tam nikuna u atanan a ginimet tam.

Pahayag 2:23

Sakay pati be u immunonod hide tu toldu na ay parusaan ko ti kamatayan tu pamamag-itan nu peste, tánni matukuyan nu atanan a mánnampalataya a hikán u makatukoy tu puso sakay tu isip nu tolay. Premyuwan ko u balang essa nikam ayun tu ginimet moy.