Juan 12:28 - U Maganda A Baheta Ni Jesu-Cristo

²⁸ Káttapos ay kinagi ni Jesus tu Ama, “Amáng ipeta mo u kapuriyan mo tu tolay.” Nikuna a nakagi na itod ay essa a boses u timmábbeg, “Impeta ku dán tu pamamag-itan mo, sakay huway ko iye a ipeta.”

Juan 12:28 Iomraidhean Croise

Mateo 11:25

Sakay ti itona be a panahun ay nanalangin ti Jesus “Amáng, u Panginoon ti langet sakay ti munduway, magpasalamaták niko dipo awan mo impakapospos u kalooban mo tu mágkalalake hide pero impakapospos mo tu mapagpakumbaba hide.

Mateo 11:26

On Amáng dipo ina i kagustuwan muway.”

Mateo 17:5

Nagupos padi siya nikuna a bigla a liniduman hide nu essa a makasili a diklam. Sakay gábwat hod ay te nagkagi, “Siya u pinakamahal ko a Anak a kinasayaan ko a tahod. Sanigan moy siya!”

Mateo 26:42

Huway siya a ummadeyo sakay nagdasal “Ama ko, ni awan maari ibutan i pághirapan iye ni awan ko magimet ay sunudán ko u kagustuwan mo.”

Mateo 3:17

Tapos te boses a nasaneg a gábwat ti langet a nagkagi a “Siya u Anak ko a mahal ko. Masayaák a tahod nikuna.”

Markos 1:11

Sakay nasaneg na u boses a gábwat ti langet, “Hiko u pinakamamahal ko a anak, masayaák niko a tahod.”

Markos 14:36

Impagdasal na, “Ama, Ama ko! Tukoy ko a magimet mo u atanan a bagay. Ni maare ay diyanák mo ped pabayan a maghirap. Pero bakán a u kagustuwan ko u masunud nan u kagustuwan mo.”

Markos 9:7

Nadid ay tinaklábben hide nu diklám sakay tehhod hide a nasaneg a boses a gábwat tu diklám, kinagi na “Sa iye u pinakamamahal ko a Anak. Sanigán moy siya!”

Lukas 3:22

sakay ummogsad nikuna u Banal a Ispirito a konna tu kalapate. Essa a boses u gábwat ti langet u nasaneg de a nagupos, “Hiko u pinakamamahal ko a anak; masayaák niko a tahod.”

Lukas 9:35

Sakay te boses a nagupos tu panganurin, “Iye u Anak ko a pinile ko, sanigán moy siya!”

Juan 11:4

Nikuna a masaneg iye ni Jesus ay kinagi na, “Awan siya matay tu saket na. Nagkasakit siya para maparangalan u Diyos, sakay tu pamamag-itan ni iye ay puriyán nu tolay u Anak nu Diyos.”

Juan 18:11

Kinagi ni Jesus ni Pedro, “Isahungan mo i áttak muwe. Tu ileng mu beman ay awan ko tiisán u pághirap a iyatad nikán nu Ama?”

Juan 9:3

Timmábbeg ti Jesus, “Neenak siya a buhák bakán a dipo tu kasalanan na oni kasalanan nu dáddakál na hide. Nangyari iye para mepeta u kapangyariyan nu Diyos nikuna.

Efeso 2:7

Ginimet na iye para tu dumemát a panahun ay mepeta na u awan masukat sakay awan mapantayan a habag sakay págmahal nu Diyos nikitam tu pamamag-itan ni Cristo Jesus.

Efeso 3:10

tánni tu pamamag-itan nu mánnampalataya hide ay mepatengge nadid tu pinuno hide sakay tu te kapangyariyan hide ti langet u awan ti kahád a karunungan nu Diyos a nehayag ti iba-iba a paraan.

Efeso 3:21

Papuriyan tam siya magpakahanggan, atanan tam a mánnampalataya a konna tu págparangal nikuna ni Cristo Jesus! Amen.

2 Pedro 1:17

Dipo nikuna a parangalan sakay papuriyan nu Diyos Ama ti Jesu-Cristo, ay nasaneg me u boses nu Makapangyariyan a Diyos a nagupos, “Iye u pinakamahal ko a anak, sakay masayaák nikuna a tahod.”