Juan 11:20 - U Maganda A Baheta Ni Jesu-Cristo

²⁰ Nikuna a mabaheta ni Marta a pademát ti Jesus ay tinagbu na siya pero nagwahak tu bilay ti Maria.

Juan 11:20 Iomraidhean Croise

Mateo 25:1

Kinagi pa ni Jesus “Kona he a talinghaga a mepareho u kahariyan nu Diyos: Te sapulo a mámmadiket a amigo nu ikasal hide. Ayon tu kaugalian de, tu aldew nu kasal ay tagbuwan de u lállake a ikasal a te tawed u bawat essa nide a simbuwan.

Mateo 25:6

“Pero nikuna hatinggabi dán ay te pimmakhaw ‘Atoy dán u lállake a ikasal! Tumagbu kamon!’

Juan 11:30

(Awan palla nakademát ti Jesus tu Baryo, nan katoy palla siya tu nagtagbuwan de ay ti Marta.)

Gimet 10:25

Káddemát ni Pedro ay tinagbu siya ni Cornelio sakay limmuhud tu atubang na a simmamba.

Gimet 28:15

Nikuna a mabaheta nu kákkapátkakka hide ti pánnampalataya ti Roma u tungkul nikame ay immangay hide tu Tindaan de Apio, sakay u agum ay hod tu Tállo a bilay a áupaan tanni tagbuwan di kame hod. Nikuna ketan ni Pablo u kákkapátkakka hide ay nagpasalamat siya tu Diyos sakay bimmegsák u isip na.

1 Tesalonica 4:17

Sakay hikitam a biyag palla ay maipun tu panganurin kaguman u biniyag hide tánni tagbuwán u Panginoon tu panganurin. Tánni makaguman tam siya hanggan-hanggan.