Juan 1:4 - U Maganda A Baheta Ni Jesu-Cristo

⁴ Hod nikuna u biyag, sakay u biyag a iye u mangatád ti demlag tu isip nu tolay.

Juan 1:4 Iomraidhean Croise

Mateo 4:16

Hikam a mágyan tu kadiklámman nu kasalanan ay maketa ti dakál a demlag. U demlag u mángpeta tu dilan nu kaligtasan tu mágyan hide tu lugar nu kamatayan.”

Lukas 2:32

siya u mangdemlag tu Hentil hide, sakay siya be u mangatád ti karangalan tu pinile mo a lahe ni Israel.”

Juan 11:25

Kinagi ni Jesus nikuna, “Hikán u mangbiyag tu patay hide, sakay hikán be u mangatád ti biyag. U maniwala nikán, maski ni matay ay huway a mabiyag.

Juan 12:35

Timmábbeg ti Jesus nide, “Sabadit dálla a panahun a makaguman moy u demlag. Kanya mabiyag kam tu demlag mentaras a hod palla he u demlag, para awan kam abután nu diham. Dipo awan tukoy nu maglakad tu kadiklámman ni hádya siya angayan.

Juan 12:46

Immangayák he para demlag ni munduway, tan deya man u maniwala nikán ay awan manatili tu kadiklámman.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Juan 3:19

Nahatulan hide dipo ummangay dán ti munduway u Anak nu Diyos bilang demlag tu mundu, pero mas ginusto pa nu tolay hide a manatile tu kadiklámman nan tu demlag, dipo madukás u gággimitán de hide.

Juan 5:21

Ni kodya a biyagán nu Ama u patay hide ay konna bi hod a biyagán nu Anak u deyaman a gusto na a biyagán.

Juan 5:26

U Ama mismo u pinaggabwatan nu biyag. Sakay u Anak ay inatádden na be ti kapangyariyan a paggabwatan nu biyag.

Juan 8:12

Nadid ay huway a nagupos ti Jesus tu tolay hide, “Hikán u demlag ni munduway. U sumunud nikán ay awan mabiyag tu kadiklámman, nan magkahod ti demlag tu biyag na.”

Juan 9:5

Mentaras a hodák ti munduwáy ay hikán u demlag ti munduway.”

Gimet 26:23

a kailangan a maghirap ti Cristo, sakay siya u kadipalonguwan a mabiyag a huway para mángligtas tu kabanuwan na hide a Judio sakay tu Hentil hide.”

1 Corinto 15:45

Konna he u nakasulat tu Kasulatan, “U kadipalonguwan a tolay a inatádden ti biyag ay ti Adan.” Pero u kadimodyanan a Adan ay ti Cristo a Ispirito a mángngatád ti biyag.

Efeso 5:14

Sakay melantad u atanan dipo tu demlag. Kaya kinagi nu Kasulatan, “Lumukag ka hiko a tidug, Umikat ka a gábwat tu patay hide tánni demlagan ka ni Cristo.”

Colosas 3:4

Ti Cristo u tatahoden a biyag moy, ni mehayag dán siya, ay mehayag kambe a kaguman na sakay mákbahagi kam tu karangalan na.

1 Juan 1:1

Summulat kame nikam tungkul nikuna a tu sapul pa ay átna dán, u Upos a Makapangatád ti Biyag. Nasaneg mi siya, sakay netan me, namámmalas sakay natawiden.

1 Juan 1:2

Nikuna a mehayag dán siya a makapangatád ti biyag ay netan mi siya, pinatunayan me sakay inpangaral me nikam a hod nikuna u biyag a awan ti kahád. Sapul pa tu sapul ay kaguman dán siya nu Diyos Ama sakay pimmeta siya nikame.

1 Juan 5:11

Sa iye u patunay nu Diyos: Inyatád na nikitam u biyag a awan ti kahád, sakay matanggap tam iye tu pamamag-itan nu Anak na.

Pahayag 22:1

Nadid, impeta be nikán nu anghel u konayan a makapangatád ti biyag. Tunay a lekmang u dinom a kumán a bubug. Gábwat iye a konayan tu trono nu Diyos sakay nu Tupa.

Pahayag 22:16

“Hikán ti Jesus, u nangutus tu anghel ko para ipakapospos nikam a grupo nu mánnampalataya hide iye hide a bagay. Gábwaták tu lahe ni David sakay hikán u mademlag a biton ti dimadimang.”