Hebreo 1:3 - U Maganda A Baheta Ni Jesu-Cristo

³ U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

Hebreo 1:3 Iomraidhean Croise

Mateo 22:24

“Maisto, intoldo ni Moises a ni matay a awan ti anak u essa a lállake, u kapatkaka na u dapat mangkabanga tu bilo para magkaanak hide para tu natay.

Markos 16:19

Nadid káttapos ni Jesus a nagupos nide ay inyontok siya ti langet sakay nággetnod tu kawanan nu Diyos.

Juan 1:14

Nagin tolay u Upos sakay nákpágyan siya nikitam. Netan me u kapangyariyan na sakay kadakilaan na, bilang kaessa-essa a anak nu Ama. Hod nikuna u págmahal sakay u katapatan, sakay atanan nu kinákkagi na ay tatahoden.

Juan 1:29

Nadid, tu essa a aldew ay netan ni Juan ti Jesus a paadene nikuna, kanya kinagi na tu tolay hide, “Atoy dán u Tupa nu Diyos a iyalay para mangibut tu kasalanan nu tolay ti munduway!

Juan 1:4

Hod nikuna u biyag, sakay u biyag a iye u mangatád ti demlag tu isip nu tolay.

Gimet 2:33

Pinággetnod siya tu kawanan nu Diyos sakay natanggap na u nepananto a Banal a Ispirito tu Ama. Iye u inyatád na nikame konna tu áelingán sakay masássaneg moy nadid.

Gimet 7:56

Kinagi ni Esteban, “Netan ko a nakabukas ti langet, sakay netan ko ti Jesus a anak nu Tolay a katoy tu kawanan nu Diyos.”

Roma 1:16

Awanák masanike a mángbaheta tu Maganda a Baheta tungkul ni Cristo, dipo sa iye u kapangyariyan nu Diyos tánni maligtas u atanan a mánnampalataya, dipalongo tu Judio hide sakay tu Griego hide.

Roma 8:34

Awan be ti makahatul nikitam a dapat kitam a maparusaan dipo ti Cristo Jesus dán a mismo u hinatulan a matay para nikitam. Sakay bakán la a ina; nan biniyag siya a huway sakay nadid ay hod dán siya tu kawanan nu Diyos sakay siya u mamagitan para nikitam.

2 Corinto 4:4

Awan hide summampalataya, dipo u isip de ay binuhák nu diyos ni munduwáy. Binuhák na hide tánni awan de ketan u demlag nu Maganda a Baheta tungkul tu demlag ni Cristo a kapareho nu Diyos.

Colosas 3:1

Nadid, dipo nebilang kamon a nabiyag a huway a kaguman ni Cristo, ituun moy u isip moy tu bagay hide a katoy ti langet tu páppágyanan ni Cristo a mággetnod tu kawanan nu Diyos.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Hebreo 1:13

Maski nikan ay awan kinagi nu Diyos tu maskin deya a anghel a, “Mággetnod ka ti kawanan kuwáy mentaras a awan ko niko mapasuko u kadima mo hide.”

Hebreo 10:12

Pero ti Cristo ay pumensan la a nag-alay para tu kasalanan tam, káttapos ay nággetnod dán siya tu kawanan nu Diyos.

Hebreo 12:2

Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.

Hebreo 4:14

Kanya magpakatatag kitam tu pánnampalataya tam, dipo tehhod kitam a dakila a Pinakapuno a Saserdote, simmáddáp dán siya ti langet tu atubang nu Diyos. Siya ay ti Jesus a Anak nu Diyos.

Hebreo 7:27

Awan siya kapareho nu agum hide a pinakapuno a saserdote a kailangan pa a magalay kada aldew. U purumero de a iyalay ay para tu sadile de a kasalanan, sakay káttapos ay para tu kasalanan nu katolayan. Pero ti Jesus ay pumensan la nagalay sakay awan dán kailangan a huwayán, itod ay nikuna a inyalay na u sadile na.

Hebreo 8:1

Iye u gusto me a kagiyán: tehhod kitam a pinakapuno a saserdote a mággetnod tu kawanan nu trono nu Kataas-taasan a Diyos ti langet.

Hebreo 9:16

Mara ni kasunduwan ay kailangan a mapatunayan a patay dán u nanggimet.

Hebreo 9:26

Dipo ni bakán a konna hod ay kailangan a pahuway-huway siya a matay sapul nikuna a lalangán i munduway. Pero pumensan la siya a immangay he, nadid a katapusan dán nu panahun tán buhaán na u kasalanan tu pamamag-itan nu pág-alay na tu sadile na.

1 Pedro 1:21

Dipo ni Cristo ay naniwala kamon tu Diyos a nangbiyag a huway nikuna, sakay nangatád nikuna ti kapangyariyan. Kanya u pánniwala moy sakay u pag-asa moy ay katoy tu Diyos.

1 Pedro 3:22

Ti Cristo ay katoy dán ti langet sakay mággetnod dán tu kawanan nu Diyos. Maghare siya hod nadid tu anghel hide sakay tu agum pa hide a tehhod a kapangyariyan ti langet.

2 Pedro 1:16

U impakapospos me nikam a tungkul tu kapangyariyan sakay tu káddemát a huway nu Panginoon tam a ti Jesu-Cristo ay bakán a bida a ginimi-gimet la nu tolay. Nan netan me a mismo u kapangyariyan na.

2 Pedro 1:17

Dipo nikuna a parangalan sakay papuriyan nu Diyos Ama ti Jesu-Cristo, ay nasaneg me u boses nu Makapangyariyan a Diyos a nagupos, “Iye u pinakamahal ko a anak, sakay masayaák nikuna a tahod.”

1 Juan 1:7

Pero ni mabiyag kitam ayun tu demlag a konna tu Diyos a katoy tu demlag ay tehod kitam a pákpagkaessa tu balang essa. Sakay u digi ni Jesus a Anak nu Diyos u nanglinis tu atanan a kasalanan tam.

1 Juan 3:5

Tukoy moy a ti Cristo ay awan ti kasalanan sakay kaya he siya a immangay ay para ibutan u kasalanan tam hide.

Judas 1:25

Siya la u eessa a Diyos a Tagapagligtas tam tu pamamag-itan ni Jesu-Cristo a Panginoon tam, para la nikuna u kapuriyan, karangalan, kaluwalhatian, sakay kapangyariyan, sapul pa tu itod, nadid sakay hanggan-hanggan! Amen.

Pahayag 3:21

U magtagumpay ay paetnudán ko a kasadát nu trono ko. Konna nikán a nagtagumpay, kaya nadid ay mággetnudák tu sadát nama ko tu trono na.

Pahayag 4:11

“Karapat-dapat ka a tumanggap ti papure, pággalang, sakay kapangyariyan, Panginoon me a Diyos; Dipo hiko u nanglalang tu atanan a bagay. Sakay ayun tu kagustuwan mo ay nilalang mo hide sakay pinanatile ti iye.”