Hebreo 1:2 - U Maganda A Baheta Ni Jesu-Cristo

² Pero nadid a dimodyan a aldew, ay nákpágguhon siya nikitam tu pamamag-itan nu Anak na a tagapagmana tu atanan a bagay. Sakay tu pamamag-itan na ay ginimet nu Diyos u buo a mundu sakay tu atanan a katoy he.

Hebreo 1:2 Iomraidhean Croise

Mateo 13:39

U kadima a nagmula tu madukás a kalase nu halaman ay ti Satanas. U pággani ay u katapusan nu mundu sakay u magani hide ay u anghel hide.

Mateo 17:5

Nagupos padi siya nikuna a bigla a liniduman hide nu essa a makasili a diklam. Sakay gábwat hod ay te nagkagi, “Siya u pinakamahal ko a Anak a kinasayaan ko a tahod. Sanigan moy siya!”

Mateo 21:38

Pero nikuna netan nu magtrabaho hide u anak ay namagguhon hide, ‘Iye u tagapagmana. Kamon dán! Bunuwán tamon tán makao tam u mana na.’

Mateo 26:63

Pero awan ti kákkagi ti Jesus. Sakay kinagi nikuna nu pinakapuno a saserdote, “Iyutos ko niko: kagiyan mo nikami, tu ngahan nu Diyos a biyag, ni hiko beman u Mesias, u Anak nu Diyos?”

Mateo 28:18

Ummadeni ti Jesus sakay kinagi na nide,” Inyatád dán nikán u atanan a kapangyariyan ti langit sakay ti lutaáy.

Mateo 3:17

Tapos te boses a nasaneg a gábwat ti langet a nagkagi a “Siya u Anak ko a mahal ko. Masayaák a tahod nikuna.”

Markos 1:1

Nadid, iye u Maganda a Baheta tungkul ni Jesu-Cristo, u Anak nu Diyos.

Markos 12:6

Hanggan a awan dán ti nabuhay nan u eessa na dálla a anak a pinakamamahal na. Kanya pinaangay na u anak na tu uma na. Ta u akala na ay igalang de siya.

Markos 12:7

Pero nikuna a ketan nu mágmula hide u anak na ay kinagi de, ‘Sa itona u tagapagmana. Kamon he, bunuwán tam siya para me angay nikitam u atanan a manaán na.’

Juan 1:10

Ti Jesus unanggimet ti munduway, pero nikuna immmangay he siya ti munduway, ay awan siya natenggi nu tolay hide.

Juan 1:14

Nagin tolay u Upos sakay nákpágyan siya nikitam. Netan me u kapangyariyan na sakay kadakilaan na, bilang kaessa-essa a anak nu Ama. Hod nikuna u págmahal sakay u katapatan, sakay atanan nu kinákkagi na ay tatahoden.

Juan 1:3

Tu pamamag-itan na ay nalalang u atanan a bagay, sakay awan ti ányaman a nalalang ni awan tu pamamag-itan na.

Juan 13:3

Tukoy ni Jesus a inyatád dán nikuna nu Ama u atanan a kapangyariyan. Sakay tukoy na be a gábwat siya tu Diyos sakay sole siya tu Diyos.

Juan 13:32

Ni mehayag u karangalan nu Diyos dipo nikán ay ihayag be a pagdaka nu Diyos u karangalan tu Anak sakay gimitán na itod a pagdaka.”

Juan 15:15

Awan takamon ibilang a alipin, dipo awan tukoy nu alipin ni ánya u gággimitán nu amo na. Nan, inturing takamon a amigu ko, dipo kagiyán ko nikam u atanan a nasaneg ko tu Ama.

Juan 16:15

U atanan a kao nu Ama ko ay kao ku be, kanya kinagi ko a gábwat nikán u atanan a ikagi nu Banal a Ispirito nikam.

Juan 17:2

Dipo inatáddinák mo ti kapangyariyan tu atanan a tolay para maatádden ko ti biyag a awan ti kahád u atanan a tolay a inyatád mo nikán.

Juan 3:16

Dipo mahal a tahod nu Diyos u tolay hide ti munduway, kanya inyatád na u kaessa-essa na a Anak, para ni ti deya man u sumampalataya nikuna ay awan matay nan magkahod ti biyag a awan ti kahád.

Juan 3:25

Nadid ay nagkatábbegan u disepulus hide ni Juan ay tu essa a Judio tungkul tu páglinis ayun tu relihiyon de.

Juan 5:26

U Ama mismo u pinaggabwatan nu biyag. Sakay u Anak ay inatádden na be ti kapangyariyan a paggabwatan nu biyag.

Juan 5:27

Inatádden be siya ti kapangyariyan a maghatul, dipo siya u Anak nu Tolay.

Juan 9:29

Tukoy me a nagupos u Diyos ni Moises, pero u tungkul ti tolayan itona ay awan me tukoy ni hádya siya a gábwat.”

Gimet 10:36

Nadid inpakapospos nu Diyos tu Israelita hide u Maganda a Baheta tungkul tu pákpágkasundu tu pamamag-itan ni Jesu-Cristo, u Panginoon nu atanan!

Gimet 2:17

Kinagi nu Diyos, ‘Tu dimodyan a aldew, ay iyatád ko u Banal a Ispirito ko tu atanan a klase ni tolay. Ibaheta nu anak moy hide a lállake sakay bábbey u upos ko; sakay maketa ti pangitain u anak moy hide a ulito; sakay u mágkatanda hide a lállake ay magkahod hide ti tagináp.

Roma 1:4

Sakay ti Jesu-Cristo ay napatunayan a siya u Anak nu Diyos nikuna a biniyag siya a huway ayun tu kapangyariyan nu Banal a Ispirito.

Roma 8:17

Sakay bilang anak hide nu Diyos, hikitam ay tagapagmana nu Diyos sakay kaguman ni Cristo a magmana tu págpapala hide a inhanda na. Dipo ni magtiis kitam a konna ni Cristo tu itod ay dumemát u aldew a parangalan na kitam a kaguman na.

1 Corinto 2:7

Pero u ipáppangaral me ay u lihim a karunungan nu Diyos a nelihim tu itod pero intalaga na iye para tu kapuriyan tam, bagu pa a lalangán i munduwáy.

1 Corinto 8:6

para nikitam ay eessa la u Diyos, u Ama a nanglalang tu atanan a bagay, sakay biyag kitam para nikuna. Eessa u Panginoon, ti Jesu-Cristo: tu pamamag-itan na ay nilalang u atanan a bagay sakay tu pamamag-itan na ay biyag kitam.

Galacia 4:4

Pero nikuna a dimmemát u takda odas ay pinaangay nu Diyos ti lutaáy u Anak na. Inyenak siya nu essa a bábbey sakay nagpasakup tu Kautusan ni Moises,

Efeso 1:10

káddemát nu netakda a panahun. U plano nu Diyos ay pagessaan na u atanan a bagay a katoy ti langet sakay ti lutaáy sakay ipasakup na ni Cristo.

Efeso 3:9

Sakay ipaliwanag tu atanan ni kodya a mangyare u plano nu Diyos. Iye a sekreto ay nalay a panahun a inlihim nu Diyos a nanglalang tu atanan a bagay,

Hebreo 1:5

Dipo maski nikan, ay awan ti maski ni essa a anghel u kinagiyan nu Diyos ti konna he, “Hiko u anak ko! Sapul nadid ay hikán dán u Ama mo.” Sakay awan na be kinagi tu maskin deya a anghel a, “Hikán u magin Ama na, sakay siya u magin Anak ko.”

Hebreo 1:8

Pero iye u kinagi na tungkul tu Anak na, “U kahariyan mo, O Diyos, ay awan ti kahád, u pághare mo ay tehhod a katarungan.

Hebreo 11:3

Dipo tu pánnampalataya ay naintendiyan tam a nilalang u mundu tu pamamag-itan nu upos nu Diyos sakay u bagay hide a ketan ay gábwat tu awan hide ketan.

Hebreo 2:3

Konna bi hod, awan kitam makaiwas tu parusa ni awan tam pahalagaan u dakila a kaligtasan. U Panginoon u dipalongo a nángkagi ti kaligtasanan iye, sakay u nakasaneg hide nikuna u magpatunay nikitam a tutuhanan iye.

Hebreo 3:6

Pero ti Cristo ay matapat bilang Anak a namahala tu pinili hide nu Diyos. Sakay hikitam u pamilya na hide ni tulos-tulos kitam a magin tapat tu pag-asa tam nikuna.

Hebreo 4:14

Kanya magpakatatag kitam tu pánnampalataya tam, dipo tehhod kitam a dakila a Pinakapuno a Saserdote, simmáddáp dán siya ti langet tu atubang nu Diyos. Siya ay ti Jesus a Anak nu Diyos.

Hebreo 5:8

Maski Anak siya nu Diyos ay natukuyan na a sumunud tu pamamag-itan nu pághirap na.

Hebreo 7:28

U napile hide tu itod a saserdote a ayun tu Kautusan ay palagi a te kahinaan dipo tolay labe hide. Pero ayon tu pananto nu Diyos kinagi na a u mismu na a Anak u magin pinakapuno a saserdote hanggan-hanggan. Sakay awan siya ti kahinaan. I panantuwan iye nu Diyos ay dimodyan a dimmemát nan u Kautusan.

Hebreo 7:3

I Hariyan iye ay awan ti ama sakay ina kanya awan bi siya neenak sakay awan ti kamatayan. Konna siya tu Anak nu Diyos a saserdote hanggan-hanggan.

Hebreo 9:26

Dipo ni bakán a konna hod ay kailangan a pahuway-huway siya a matay sapul nikuna a lalangán i munduway. Pero pumensan la siya a immangay he, nadid a katapusan dán nu panahun tán buhaán na u kasalanan tu pamamag-itan nu pág-alay na tu sadile na.

1 Pedro 1:20

Bagu a linalang nu Diyos i munduway ay inlaan na dán ti Jesus para mangtubus nikitam tu kasalanan tam. Kanya nadid a dimodyan a aldew ay immangay he siya ti lutaáy tánni iligtas na kitam.

2 Pedro 3:3

Dipalongo tu atanan, ay dapat moy a matukuyan a tu dimodyan a aldew ay dumemát u magseste hide sakay sunudán de u mágkadukás de a kagustuwan.

Judas 1:18

Kinagi di dán nikam tu itod pa a, “Tu dimodyan a aldew ay te dumemát a tolay, pagtawaan de u upos nu Diyos, sakay u sássunudán di la ay u mágkadukás a kagustuwan nu bággi de.”