Efeso 6:8 - U Maganda A Baheta Ni Jesu-Cristo

⁸ Dipo átádden nu Panginoon ti gantimpala u balang essa ayun tu ginimet na a maganda, alipin man oni bakán a alipin.

Efeso 6:8 Iomraidhean Croise

Colosas 3:24

Tukoy moy labe a te gantimpala kam tu Panginoon; tanggapán moy u inhanda na tu anak na hide. Dipo ti Cristo a Panginoon u págserbiyan moy.

Lukas 14:14

Ni konna he u gimitán mo ay pagpalaan ka, dipo maski ni awan hide makagante niko, u Diyos u mangatád niko ti piremyo tu kákkabiyag a huway nu tolay hide a sumunud nikuna.”

Colosas 3:11

Kanya awan dán ti pagkakaiba u Griego sakay u Judio, u ture sakay u awan ture, ute nagadalan sakay oni awan ti nagadalan, u alipin sakay tu tolay a malaya. Para ni Cristo, awan ti pagkakaiba u atanan, dipo siya ay para tu atanan.

2 Corinto 5:10

Dipo atanan tam ay umatubang ni Cristo, sakay hatulan na u ginimet tam hide maganda man oni madukás, mentaras biyag kitam palla he ti munduáy. Tanggapán nu balang essa u karapat-dapat a hatul ayun tu ginimet na.

Mateo 16:27

Dipo pademát u Anak nu Tolay a te kapangyariyan a gábwat tu Ama na sakay kaguman na u anghel hide. Ti panahunan itona ay hatulan na u kada tolay ayun tu ginimet na.

Mateo 6:4

Gimitán moy la iye a sekreto sakay gantimpalaan kam nu Ama moy ti langet a naketa nikam.”

Hebreo 10:35

Kanya diyan kam mawanan ti pánnalig tu Diyos, dipo tehhod a dakál a piremyo a nakalaan para nikam.

Hebreo 11:26

Imbilang na a mas mahalaga u magtiis para tu Mesias kasera tu kayamanan hide ti Egipto. Dipo nakatuun u isip na tu gantimpala hide a pademát.

Galacia 3:28

Awan dán ti pagkaibaan u Judio hide sakay u Griego hide, u alipin sakay u malaya hide, u lállake sakay u bábbey hide. Eessa kamon a atanan dipo tu pákpagkaessa moy ni Jesu-Cristo.

Mateo 6:1

Kinagi pa ni Jesus “Siguraduwán moy a dyan kam la maggimet ti maganda para la ipeta tu tolay tánni puriyán di kam. Dipo awan kam ti gantimpala a maalap tu Ama moy ti langet.

Mateo 5:12

Konna labi hod u ginággimet nu tolay hide tu propeta ko hide tu itod. Magkasayaan kam a tahod dipo dakál u gantimpala moy ti langet.”

Lukas 6:35

Nan mahalán moy u kadima moy hide. Mággimet kam ti maganda nide sakay magpaáddem kam a awan dán umasa ti ánya pa man a bayad. Tánni dakál u piremyo a matanggap moy. Tán hikam u magin anak nu Dakila a Diyos. Dipo siya ay makákkagbiyan tu mágkadukás sakay tu awan hide tumáttenggi ti utang a luub nikuna.

1 Corinto 12:13

Dipo atanan tam, maskin Judio oni ni Griego, alipin man oni malaya, ay nabawtismuwan tu eessa a Ispirito tánni magin essa a bággi. Sakay atanan tam ay nakatanggap tu eessa a Ispirito.

Colosas 3:25

U makasalanan be hide ay parusaan na ayun tu kasalanan de hide dipo u Diyos ay awan ti kampiyan.

Mateo 20:7

‘Awan be ti mangatád nikami ti trabaho,’ tábbeg de. Sakay kinagi na, ‘Ni konna hod, angay kam magtrabaho tu ubasan ko. Upaan ta kam.’