2 Juan 1:8 - U Maganda A Baheta Ni Jesu-Cristo

⁸ Magingat kam tánni awan mawanan ti kabuluhan u pinaghirapan me nan maalap moy u kabuuwan nu gantimpala moy.

2 Juan 1:8 Iomraidhean Croise

Mateo 24:4

Timmábbeg ti Jesus, “Mag-ingat kam a awan kam metawtaw ni ti deya man!

Markos 13:23

Kanya magingat kam. Dipo impáppadipalongo ku dán nikam a ingkagi u atanan a bagay bagu a mangyare iye hide.”

Markos 13:9

“Humanda kam! Dipo dumemát u panahun a itokyon dikam, sakay bálbággán dikam tu sinagoga hide. Imbistigaan dikam tu atubang nu gubernador hide sakay tu hare hide dipo tu kássunud moy nikán. Iye u págkakataun moy para mángkagi nide tungkul nikán.

Lukas 19:19

Kaya kinagi na nikuna, ‘Pamunuwan mo u limma a banuwan.’

Lukas 21:8

Timmábbeg ti Jesus, “Magingat kam tánni awan kam metawtaw nu agum a tolay! Makpal u dumemát a magkagi a hide u Mesias sakay magkagi, ‘Hikán u Cristo,’ sakay ‘Dummemát dán u panahun!’ Dyan kam maniwala nide.

Juan 4:36

U tolay a mággane ay makatanggap ti bayad. Konna bihod u tolay a magtoldu tu upos ko tu kapareho na a tolay ay makatanggap ti gantimpala a gábwat tu Diyos. Sakay u magtiwala hide nikan ay atádden na ti biyag a awan ti kahád. Hide ay kuman a áaniyan a aniyan nu mággane. Kanya magkaguman a masaya u nagmula tu upos nu Diyos sakay u nag-ane tu bunga na.

1 Corinto 15:8

U kadimodyanan ay nikuna pummeta siya nikán. Kumánnák a neenak tu awan tama a panahun dipo awanák nakaguman ni Jesus pero nagin apostolák napade maski konnaák tu essa a anak a neenak tu awan tama a panahun.

1 Corinto 3:14

Ni awan natutod u netaknág tu dibbew nu pundasyon ay makatanggap ti gantimpala u nángpataknág hod.

1 Corinto 3:8

U mágmula sakay u mágdilig ay pareho la a mágtarabaho sakay balang essa ay tumanggap ti gantimpala ayun tu pagud na.

Galacia 3:4

Awan dán beman ti halaga nikam u bagay hide a pinagtiisan moy? Tehhod palla wad.

Galacia 4:11

Mabalisaák bakay ni masayang la i pagud kuwáy para nikam.

Filipos 3:16

U mahalaga ay magtulos-tulos kitam a sumunud tu tatahoden a natukuyan tam.

Hebreo 10:32

Isipán moy u nangyare nikam tu itod, nikuna a pákkatanggap moy tu Maganda a Baheta. Nagdanas kam ti makpal a kahirapan pero awan kam natalo.

Hebreo 10:35

Kanya diyan kam mawanan ti pánnalig tu Diyos, dipo tehhod a dakál a piremyo a nakalaan para nikam.

Hebreo 12:15

Pakabantayan moy a awan adággen nu deya man nikam u pagmahal nu Diyos. Dyan kam magmula ti saket ni isip a makapangpadukás tu agum.

Pahayag 3:11

Adeniyák dán a sole. Kaya itulos-tulos moy u mágkaganda moy a gimet, tánni awan ti makapang-agew tu piremyo moy a kurona.