2 Corinto 1:17 - U Maganda A Baheta Ni Jesu-Cristo

¹⁷ Dipo beman a konna he u plano ko ay makagi moy dán a pabagu-baguwák ti isip? Akala moy beman a pabagu-bagu u plano ko konna tu gággimitán nu tolay a makamundu, a kagiyán na nadid a, “On” sakay mamaya-maya ay “Awan?”

2 Corinto 1:17 Iomraidhean Croise

Mateo 1:19

Nikuna natukuyan iye nu magin kabanga ni Maria a ti Jose, ay nagplano siya a uhunán sakay hiwalayan ti Maria ti lihim dipo umád siya a mapasanike ti Maria tu kakpalan. Ginimet iye ni Jose dipo essa siya a malinis a tolay.

Mateo 5:37

Mas maganda a kagiyán mu dálla a ‘O’ ni kaya mo o ni ‘Awan’ ni awan mo kaya a gimitán. Dipo u págsumpa ay gábwat ni Satanas.”

Juan 8:15

Maghatul kam a ayun tu pághatul la nu tolay, pero awanák ti hatulan maskin ti deya.

2 Corinto 1:12

Essa a bagay u mepagmadakál me: nabiyag kame ti matuwid sakay tapat tu atubang nu atanan a tolay, lalu dán nikam. Nagimet mi iye dipo tu kagbi nu Diyos bakán a tu pamamag-itan nu karunungan nu mundu. Sakay mapatunayan nu isip me a tatahoden u ipagmadakál me.

2 Corinto 11:18

Nadid, dipo makpal u magmadakál tungkul tu bagay hide a makamundu, hikán be ay dapat a magmadakál.

Galacia 1:16

Nikuna ipakapospos nikán nu Diyos u Anak na para mebaheta ko tu Hentil hide ay awanák nák-aged ti payo tu maskin ti deyaman.

Galacia 2:2

Simmoliyák dipo kinagi nikán nu Diyos a dapaták a angay hod. Nákpágguhunák ti sadiliyan tu puno hide nu mánnampalataya hide, sakay inpakapospos ko nide u Maganda a Baheta a ibábbaheta ko tu Hentil hide. Ginimet ko iye tán masigudu ko a awan masayang u pinagpaguden ko tu nakalipas hanggan tu kasalukuyan.

1 Tesalonica 2:18

Sakay tunay u pagkasoh me a makasole hina. Bakán la a pumensangan a beses a binalak ko a bumisita hina nikam. Pero pirme kame a páppugáddan ni Satanas.

Santiagu 5:12

Higit tu atanan kákkapatkákka ko hide, dyan kamon sumumpa, ni magpangako kam. Dyan moy kagiyán a, “Tistigu ko u langet!” oni “Tistigu ko u luta,” oni ánya paman a kabagay. Kagiyán moy dálla a “on ni on,” oni “awan ni awan,” tánni awan kam hatulan nu Diyos.