1 Pedro 1:8 - U Maganda A Baheta Ni Jesu-Cristo

⁸ Maski ni awan moy siya netan ay minahal moy dán siya. Sakay maski ni awan moy palla siya netan hanggan nadid ay naniwala kamon nikuna. Kaya awan masukat u kasayaan moy sakay awan mepaliwanag tu pamamag-itan nu pággupos.

1 Pedro 1:8 Iomraidhean Croise

Mateo 10:37

Ni ti deya u mas magmahal tu ama na sakay tu ina na nan nikán ay awan karapatdapat a magin disepulus ko. Sakay ni ti deya be u mas magmahal tu anak na hide nan nikán ay awan karapatdapat a magin disepulus ko.

Juan 14:15

Kinagi na tu disepulus na hide, “Ni mahalák moy ay sunudán moy u utus ko.

Juan 14:21

U ti deya man a mangtanggap sakay mangsunud tu utus ko hide ay siya u mangmahal nikán. U mangmahal nikán ay mahalán be nu Ama sakay mahalán ku be siya, sakay magpakilalaák nikuna ti husto.”

Juan 14:24

U awan mangmahal nikán ay awan sumunud tu upos ko. Sakay u upos a nasaneg moy ay awan gábwat nikán nan gábwat tu Ama a nangpaangay he nikán.

Juan 16:22

Konna kam bi hod. Malungkut kam nadid, pero masaya kam tu aldew a mamágketa kitam a huway. Sakay awan ti maskin ti deya a makaagew tu kasayaan moy.

Juan 20:29

Kinagi ni Jesus nikuna, “Maniwala ka beman dipo netanák mo? Mapalad u maniwala hide maski ni awanák de netan.”

Juan 8:42

Kinagi ni Jesus nide, “Ni u Diyos u Ama moy, mahalánnák moy nakwa, dipo hikán ay gábwat tu Diyos. Awanák immangay he tu sadile ko la a kagustuwan, nan pinaangayák na he.

Gimet 16:34

Káttapos ay ingkuyog na hide tu bilay na sakay pinakan. Tunay u saya na sakay u pamilya na dipo summampalataya hide tu Diyos.

Roma 14:17

Dipo u kahariyan nu Diyos ay awan tungkul tu pagkain oni áinumán, ni awan tungkul tu matuwid a kákkabiyag, maganda a rilasyon tu balang essa, sakay kasayaan a gábwat tu Banal a Ispirito.

Roma 15:13

Nakwa u Diyos a mangatád nikitam ti pag-asa ay siya u mangatád nikam ti kasayaan sakay kapayapaan dipo tu pánnampalataya moy nikuna, tánni tulos-tulos a lumagu u pag-asa moy tu pamamag-itan nu Banal a Ispirito.

1 Corinto 16:22

Parusaan nakwa nu Panginoon u awan magmahal nikuna! Dumemát ka dán nakwan, Panginoon me!

2 Corinto 1:22

Tinatakan na kitam bilang kao na tu pamamag-itan nu pángkaluub na nikitam tu Ispirito na. Iye u patunay a matanggap tam u atanan a impanantu na.

2 Corinto 12:4

Sakay nakasanigák hod ti bagay hide a awan kaya a mepaliwanag sakay awan maare a kagiyán tu maskin deya.

2 Corinto 4:18

Kaya awan me pahalagaan u bagay hide a ketan nan tu bagay hide a awan ketan. Dipo pansandaliyan la u bagay hide a ketan, pero awan ti kahád u bagay hide a awan ketan.

2 Corinto 5:7

Dipo mabiyag kitam ayun tu pánnampalataya tam tu Diyos, bakán a tu bagay hide a ketan.

2 Corinto 9:15

Salamat tu Diyos dipo tu kaluub na a awan ti kapareho!

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

Efeso 3:19

tánni u ugali moy ay magin konna tu ugale nu Diyos, kapag matukuyan moy u awan masukat a págmahal ni Cristo, maski ni awan kitam ti kakayahan para ganap a maintendiyan iye.

Efeso 6:24

Pagpalaán nakwa nu Panginoon a ti Jesu-Cristo u atanan a magmahal nikuna ti tapat.

Filipos 1:25

Dipo ti iye ay nakasiguduwák a mabiyagák palla sakay makaguman moy palla a atanan, tánni matulungan kam a magtulos-tulos a te kasayaan tu pánnampalataya tu Panginoon.

Filipos 3:3

Alalahanán moy a bakán a hide u tatahoden a ture nan hikitam, dipo u Banal a Ispirito u mánggiya nikitam tu págsamba tam tu Diyos sakay ipagmadakál tam u ginimet ni Cristo Jesus a siya u kasayaan tam. Awan kitam manalig tu pangluwas a seremonya a ipáppasunud de.

Filipos 4:4

Magsaya kam a pirme tu Panginoon. Huwayán ko dámman a kagiyán: magsaya kam!

Hebreo 11:1

U pánnampalataya ay u págtiwala a mangyare u áasaan tam hide, sakay tehhod kitam a kasiguraduwan tu bagay hide a awan ketan.

Hebreo 11:27

U pánnampalataya be u nánggiya ni Moises a lakaden na i Egipto maski ni magingál u hare. Mabegsák u isip na dipo kumán na a ketan u Diyos.

1 Pedro 1:6

Dipo ti iye dapat kam a magsaya, maske ni magdanas kam pa ti iba-iba a pagsubuk ti sabadit a panahun.

1 Pedro 2:7

Kanya i bituwan itod ay mahalaga nikitam a maniwala hide. Pero tu awan hide maniwala ay hide u mangpatunay tu Kasulatan, “U bito a inumádden nu mágbilay hide ay siya bál u mahalaga a mangtággád tu bilay.”

1 Pedro 5:4

Sakay káddemát nu kapunuwan nu Pastol hide ay makatanggap kitam ti magkislap-kislap a kurona a awan masisida.