1 Juan 5:6 - U Maganda A Baheta Ni Jesu-Cristo

⁶ Ti Jesu-Cristo ay immangay ti munduwáy, nabawtismuwan tu dinom sakay timmuhog u digi na tu kákkatay na. Bakán la siya a nabawtismuwan tu dinom nan timmuhog pa u digi na. U Banal a Ispirito u mangpatunay a tatahoden iye, dipo u tatahoden la u katoy tu Banal a Ispirito.

1 Juan 5:6 Iomraidhean Croise

Mateo 26:28

“dipo iye u digi ko a mangpatibay tu uhunan nu Diyos, u digi ko a mebuhos para mapatawad u kasalanan nu tolay hide.

Mateo 3:16

Káttapos a nabawtismuwan ti Jesus ay inumawas siya tu dinom. Pagdaka a binumukas u langet sakay netan na u Ispiritu nu Diyos a inumogsad a kumán a kalapate sakay inumapon nikuna.

Markos 14:24

Kinagi ni Jesus nide, “Iye u dige ko a nebuhus para tu makpal a tolay. Iye u mangpatunay a tehhod dán a bigu a kasunduwan u Diyos sakay u tolay.

Lukas 22:20

Sakay konna bi hod u ginimet na tu tasa a te alak, sakay kinagi na, “I mainuman iye ay tanda nu bigu a kasunduwan nu Diyos a pinatibay nu dige ko a mebuhus dipo nikam.

Juan 14:17

Sa itod u Banal a Ispirito a magtoldu nikam ti tatahoden. Awan siya matanggap nu taga-mundu hide dipo awan siya ketan oni makilala nu tolay hide. Pero tukoy moy siya, dipo siya ay kakaguman moy a hod nikam a hanggan-hanggan.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Juan 15:26

Káttapos ay kinagi ni Jesus, “Paangayán ko nikam u Banal a Ispirito a gábwat tu Ama. Siya u mánggiya nikam, sakay itoldu na nikam u tatahoden. Káddemát na ay siya u mángpatunay ni ti deyaák a talaga.

Juan 16:13

Pero káddemát nu Banal a Ispirito a tagapagtoldu tu tatahoden ay tulungan nakam para maintendiyan moy u atanan a tatahoden. U itoldu na ay bakán a gábwat nikuna, nan u nasaneg nala tu Diyos u kagiyán na. Sakay kagiyán na be nikam u tungkul tu bagay hide a dumemát.

Juan 3:5

Kinagi ni Jesus, “Kagiyan ko niko u tatahoden: Awan ti maski ni deya man u makasáddáp tu kaharian nu Diyos ni awan siya meenak tu pamamag-itan nu dinom sakay tu Banal a Ispirito.

Juan 4:10

Kinagi ni Jesus nikuna, “Ni tukoy mo la ni ánya u inyatád nu Diyos, sakay ni deya i mák-enomáy niko ay hiko pa u mák-enom nikuna tán painumán na ka tu dinom a makapangatád ti biyag.”

Juan 4:14

pero u uminom tu dinom a iyatád ko ay awan dán mauwa-uwaw. Dipo u dinom a iyatád ko ay konna tu essa a hábwayan a awan makakatiyan. Sakay u tolay a tumanggap ti iye ay magkahod ti biyag a awan ti kahád.”

Juan 6:55

Dipo u bággi ko, u tunay a makan sakay u dige ko u tunay a áinumán.

Gimet 8:36

Nagtulos-tulos hide tu páglakbay de hanggan nakademát tu lugar a tehhod a dinom. Kinagi nu pinuno, “Tehhod he a dinom, maariyák mu dán beman a mabawtismuwan?”

Roma 3:25

Ti Jesu-Cristo u pinaangay he nu Diyos ti munduwáy tánni iyalay na u biyag na, para maibut u iyamut nu Diyos nikitam, sakay tu pamamag-itan nu dige na ay napatawad dán u kasalanan tam ni sumampalataya kitam nikuna. Ginimet iye nu Diyos tánni ipeta na a siya ay matuwid, dipo tu purumero ay nagpasensiya siya sakay pinalipas na la u kasalanan a nagimet nu tolay hide a nakwa pinarusaan na dán hide.

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Colosas 1:4

dipo nabaheta me u pánnampalataya moy ni Cristo-Jesus sakay u págmahal moy tu atanan a pinile nu Diyos,

1 Timoteo 3:16

Tunay ngane a maganda u impakapos-pos nu Diyos nikitam a tama a pannampalataya: Ti Jesus ay nehayag nikitam nikuna nagin tolay siya, sakay pinatunayan nu Banal a Ispirito a siya ay matuwid sakay netan nu anghel hide. Sakay nadid ay nepahayag dan tu buo a mundu u tungkul nikuna sakay tehhod a simmampalataya. Sakay siya ay inyontok ti langet ni hadya siya a maghare.

Tito 3:5

ay inligtas na kitam, bakán a dipo tu mágkaganda tam hide a gimet nan tu kagbi na la nikitam. Inligtas kitamon nu Diyos a kuman a neenak kitam a huway tu pamamag-itan nu Banal a Ispirito, dipo siya u nanglinis sakay nangatád ti bigu a biyag nikitam.

Hebreo 10:29

Sakodya ti kadágge tu palagay moy u parusa nu tolay a awan mángpahalaga tu Anak nu Diyos, sakay u awan mángpahalaga tu digi na a nangpatibay tu kasunduwan sakay nángpabanal nikuna, sakay u awan mánggalang tu makákkagbiyán a Banal a Ispirito?

Hebreo 12:24

Sakay umadene kitam ni Jesus, u tagasuhog tu bigu a kasunduwan. Sakay nákkaguman kamon tu kapatawaden nu kasalanan dipo tu nebuhus a dige ni Cristo. Awan iye kapareho nu kákkebuhus nu dige ni Abel a mangaged ti katarungan.

Hebreo 13:20

U Diyos a ginábwatan nu kapayapaan, sakay nangbiyag a huway tu Panginoon Jesus, a nagin Dakila a Pastol nu tupa hide dipo tu dige na a nangpatibay tu awan ti kahád a kasunduwan,

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.

Hebreo 9:7

Pero u makasáddáp la tu kaduwwa a bahagi ay u pinakapuno a saserdote sakay pumensan na la iye a gimitán ti sataon. Te tawed siya a dige a iyalay na tu Diyos, para tu kasalanan na hide sakay tu katolayan, tu nagimet de hide a kasalanan a awan de namalayan.

1 Pedro 1:2

Pinile kamon nu Diyos a Ama sapul pa tu sapul dipo itod u kagustuwan na. Sakay u Banal a Ispirito u nangpabanal nikam. Kanya magpasakup kamon ni Jesu-Cristo, tánni malinisan kam tu kasalanan moy tu pamamag-itan nu kákkatay na tu kudus. Magkahod kam nakwa ti págpapala sakay kapayapaan.

1 Pedro 3:21

I dinuman itod a lonso ay sa itod u mage letrato nu págbautismo a mángligtas nikam. Tu pamamag-itan nu kákkabiyag a huway ni Jesu-Cristo. U págbawtismo a iye ay bakán a para linisán u dangát nu bággi tam nan iye ay tanda a nagsise kitamon tu kasalanan tam hide. Dipo ti iye ay maare kitamon a iligtas nu Diyos dipo ti Cristo ay huway a nabiyag.

1 Juan 1:7

Pero ni mabiyag kitam ayun tu demlag a konna tu Diyos a katoy tu demlag ay tehod kitam a pákpagkaessa tu balang essa. Sakay u digi ni Jesus a Anak nu Diyos u nanglinis tu atanan a kasalanan tam.

1 Juan 4:10

Iye u tatahoden a págmahal: bakán a minahal tam u Diyos, nan hikitam u minahal na. Iye u dahilan kanya na he a pinaangay u Anak na tánni magin alay para tu kapatawaden nu kasalanan tam hide.

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.

Pahayag 5:9

Sakay mágkansiyon hide ti bigu a kansiyon, “Hiko u karapat-dapat a mangalap tu kasulatan a nalukot. Sakay mangibut tu selyo na hide. Dipo nabuno ka sakay tu pamamag-itan nu digi mo, ay tinubus mo para tu Diyos u atanan a tolay, gábwat tu kada lahe, upos, banuwan, sakay bansa.

Pahayag 7:14

Timmábbegák, “Awan ku ben tukoy. Hiko i makatukuyay.” Kaya kinagi na nikán, “Hide u nagtagumpay tu mahigpit a hirap. Mapudew dán nadid u badu de kumán a linabaan tu dige nu Tupa.