1 Juan 4:5 - U Maganda A Baheta Ni Jesu-Cristo

⁵ Makamundu hide, kanya makamundu labe u itoldu de hide sakay u kapareho di labe hide a makamundu u mágsaneg nide.

1 Juan 4:5 Iomraidhean Croise

Lukas 16:8

Pinure nu amo na u katiwala a madaya dipo impeta na a mautak siya. Dipo mas malalake a maggimet ti paraan u makamundu hide a tolay tu biyag de nan u tolay hide a te ánteng tu Diyos.”

Juan 17:14

Intoldu ku dán nide u upos mo. Tunay u ingál nu taga-mundu hide nide, dipo awan dán hide makamundu a konna nikán a bakán a makamundu.

Juan 17:16

Awan hide makamundu, konna nikán a awan tagamundu.

Juan 3:31

Nadid ay kinagi pa ni Juan, “U gábwat ti langet ay kataasan ti atanan sakay u gábwat ti munduway ay magupos tungkul tu bagay hide ti munduway. Ti Jesus a gábwat ti langet ay siya u kataasan ti atanan.

Juan 8:23

Kinagi ni Jesus nide, “Hikam ay taga he ti munduwan iye, hikán ay awan. Hikam ay taga sidung, hikan ay taga ontok.

2 Timoteo 4:3

Dipo dumemát u panahun a awan dán sumaneg u tolay hide tu tama a adal; nan sunudán dilaay ay u kagustuwan de. Mággaehyukán hide ti mangtoldu nide tu gugusto dila a masaneg.

Pahayag 12:9

U dragon, a dáddulawán be a biklat tu itod a panahun, u ngahan na ay Diyablo oni Satanas. Siya u nangdaya ti buuwáy a mundu. Imbut siya ti munduway, kaguman u nasakupan na hide.