1 Juan 4:12 - U Maganda A Baheta Ni Jesu-Cristo

¹² Maski nikan ay awan palla ti naketa tu Diyos, pero ni magmahalan kitam ay katoy siya nikitam sakay magin ganap nikitam u págmahal na.

1 Juan 4:12 Iomraidhean Croise

Juan 1:18

Maski nikan ay awan palla ti naketa tu Diyos Ama, pero impakilala siya nikitam nu Diyos Anak, u kaessa-essa a Anak a minahal nu Ama.

1 Corinto 13:13

Kaya i tálluwan iye ay manatile: u pánnampalataya, pag-asa, sakay págmahal; pero u pinakamahalaga ti tálluwan iye ay u págmahal.

1 Timoteo 1:17

Nadid, U Diyos a Hare a awan ti kahad, awan ti kamatayan, awan ketan sakay maggeessa a Diyos siya u puriyán tam sakay parangalan hanggan-hanggan Amen!

1 Timoteo 6:16

Siya la u awan mata-matay, sakay mágyan tu demlag a awan maláttángngan. Awan ti tolay a naketa oni maketa nikuna. Kao na u karangalan sakay u awan ti katapusan a kapangyariyan. Amen.

Hebreo 11:27

U pánnampalataya be u nánggiya ni Moises a lakaden na i Egipto maski ni magingál u hare. Mabegsák u isip na dipo kumán na a ketan u Diyos.

1 Juan 2:5

Pero ni u tolay ay sumássunud tu upos nu Diyos ay mángpeta iye a u págmahal nu Diyos ay nagin ganap tu biyag na. Konna he u pakatukuyan tam a atoy kitam nikuna.

1 Juan 3:24

U sumunud tu utus nu Diyos ay mákkaessa tu Diyos sakay mákkaessa be u Diyos nikuna. Tukoy tam a nákkaessa u Diyos nikitam dipo tu Banal a Ispirito a inyatád na nikitam.

1 Juan 4:16

Tukoy tam a mahal kitam nu Diyos, sakay pinagtiwalaan tam iye a tatahoden. U Diyos ay págmahal. U tolay a pirme a magmahal ay nákpagkaessa tu Diyos sakay nákpagkaessa be u Diyos nikuna.

1 Juan 4:20

Ni ti deya man u magkagi a “Mahal ko u Diyos” pero maiyamut labe tu kapatkákka na ay mabule. Dipo ni u kapatkákka na a ketan na dán ay awan na pa mamahal, kodya na a mamahal u Diyos a awan na ketan?

1 Juan 4:6

Pero kao kitamon nu Diyos kanya ni ti deyaman u tumenggi tu Diyos ay mágsaneg nikitam; pero awan mágsaneg nikitam u awan kao nu Diyos. Hed tam he a matukuyan ni tideya u magtoldu ti tatahoden a gábwat tu Ispirito nu Diyos sakay nitideya u magtoldu ti kakabuliyan a gábwat ni Satanas.