1 Juan 2:7 - U Maganda A Baheta Ni Jesu-Cristo

⁷ Mahal ko hide a kákkapatkákka, bakán a bigu a utus u insulat ko nikam nan u date dán a utus a katoy dán nikam tu itod pa. Iye a mensahe ay nasaneg moy dán.

1 Juan 2:7 Iomraidhean Croise

Mateo 5:43

Kinagi pa ni Jesus “Nasaneg moy a intoldu de tu nunu moy hide a ‘Mahalán mo u kaibigan mo sakay kaiyamutan mo u kadima mo.’

Juan 13:34

Kanya essa a bigu a utus u iyatád ko nikam. Magmahalan kam, ni kodya takam a minahal ay konna bi hod u dapat moy a gimitán a págmahal tu bawat essa.

Gimet 17:19

Kanya kinuyog di siya sakay inyatubang tu pággipun-ipunan tu Areopago sakay tinanung a, “Maare mi beman a matukuyan ni ánya i bigu muwe a itáttoldu?

Hebreo 6:9

Mahal me hide a amigu, maski ni konna he u kákkagiyán me, ay tukoy me a katoy kam ti maganda a kalagayan tungkul tu kaligtasan moy.

1 Juan 2:24

Pakaingatan moy tu puso moy u nasássaneg moy tu sapul nikuna summampalataya kam ni Jesus. Ni gimitán moy iye ay manatili kam a kaessa nu Anak sakay tu Ama.

1 Juan 3:11

Sa iye u adal a nasaneg moy dán sapul nikuna a simmampalataya kam ni Jesus: Magmahalan kitam.

1 Juan 3:2

Mahal ko hide a kákkapatkákka, anak kitamon nadid nu Diyos. Pero awan padla ketan ni ánya u magin kalagayan tam. Tukoy tam a tu káddemát a huway ni Cristo ay magin konna kitam nikuna dipo ketan tam a talaga siya.

1 Juan 3:21

Mahal ko hide a kákkapatkákka, ni awan kitam balisaán nu konsensiya tam, ay mapayapa u isip tam a umadene tu Diyos.

1 Juan 3:23

Sa iye u utus na: Maniwala kitam tu Anak na a ti Jesu-Cristo sakay magmahalan kitam konna tu inyutus nikitam ni Cristo.

1 Juan 4:1

Mahal ko a kákkapatkákka, dyan moy paniwalaan u balang magkagi a katoy nide u Ispirito nu Diyos. Nan subukán moy pa hide ni talaga a gábwat tu Diyos u Ispirito a katoy nide. Dipo makpal dán a liwat a prupeta ti munduwáy.

1 Juan 4:11

Mahal ko hide a kákkapatkákka, dipo konna hod ti kadakál u págmahal nikitam nu Diyos, dapat magmahalan kitam be.

1 Juan 4:21

Sa iye u utus a inyatád nikitam ni Cristo: ni ti deya man u magmahal tu Diyos ay dapat be a magmahal tu kapatkákka na.

1 Juan 4:7

Mahal ko hide a kákkapatkákka, magmahalan kitam dipo gábwat tu Diyos u págmahal. U magmahal tu kapatkákka na ay anak nu Diyos sakay tumengge tu Diyos.