1 Juan 2:5 - U Maganda A Baheta Ni Jesu-Cristo

⁵ Pero ni u tolay ay sumássunud tu upos nu Diyos ay mángpeta iye a u págmahal nu Diyos ay nagin ganap tu biyag na. Konna he u pakatukuyan tam a atoy kitam nikuna.

1 Juan 2:5 Iomraidhean Croise

Lukas 11:28

Pero timmábbeg ti Jesus, “Mas mapalad u mágsaneg sakay sumássunud tu upos nu Diyos!”

Juan 14:21

U ti deya man a mangtanggap sakay mangsunud tu utus ko hide ay siya u mangmahal nikán. U mangmahal nikán ay mahalán be nu Ama sakay mahalán ku be siya, sakay magpakilalaák nikuna ti husto.”

Juan 14:23

Timmábbeg ti Jesus nikuna, “U mangmahal nikán ay sumunud tu upos ko. Mahalán siya nu Ama, sakay mágyan kame nikuna.

Juan 15:5

Hikán u ponan nu ubas sakay hikam u pinget hide. U tolay a manatile nikán sakay manatiliyák be nikuna ay siya u magbunga ti makpal. Dipo awan kam ti magimet ni hiwalay kam nikán.

Juan 6:56

U kuman tu bággi ko sakay uminom tu dige ko ay manatile nikán, sakay manatiliyák be nikuna.

Roma 8:1

Kanya nadid, ay awan dán mahatulan ti kaparusaan u katoy ni Cristo Jesus.

1 Corinto 1:30

Siya u naggábwatan nu biyag moy nadid dipo tu pákpagkaessa moy ni Cristo Jesus. Nikuna tam a natukuyan u karunungan nu Diyos dipo nikuna sakay tu ginimet na tu kudus ay inturing kitam nu Diyos a matuwid, dipo pinatawad na dán u kasalanan tam. Imbilang kitam nu Diyos a banal sakay pinalaya na kitam gábwat tu kasalanan sakay inligtas na kitam.

2 Corinto 5:17

Kaya ni deya man u nákpagkaessa ni Cristo ay essa dán a bigu a nilalang. Awan dán u date na a pagkatolay; siya ay binagu dán.

2 Corinto 5:21

Maski nikan ay awan nagkasala ti Cristo, pero dipo nikitam, ay nebilang siya a makasalanan tánni meturing kitam nu Diyos a matuwid tu atubang na tu pamamag-itan nu pákpágkaessa tam ni Cristo.

Santiagu 2:22

U pánnampalataya na sakay tu maganda na a gimet ay magkaguman. Dipo u pangtupad na tu kinagi nu Diyos u paketaan a tatahoden u pánnampalataya na.

1 Juan 3:24

U sumunud tu utus nu Diyos ay mákkaessa tu Diyos sakay mákkaessa be u Diyos nikuna. Tukoy tam a nákkaessa u Diyos nikitam dipo tu Banal a Ispirito a inyatád na nikitam.

1 Juan 4:17

U págmahal ay nagin ganap nikitam kanya awan tam kantingan u Aldew nu Pághukum. Dipo nabiyag kitam a konna tu kákkabiyag ni Cristo, maski katoy kitam palla ti munduway.

1 Juan 4:18

Awan ti kahalo a ánteng u págmahal, dipo u tatahoden a págmahal ay ibutan na u atanan a ánteng. Kanya ni deya man u manteng ay awan palla nikuna u tatahoden a págmahal. Dipo u ánteng ay kaguman nu parusa.

1 Juan 5:2

Sa iye u pakatukuyan tam a mahal tam u anak hide nu Diyos: Ni mahalán tam u Diyos sakay sunudán u utus na hide.

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.

2 Juan 1:6

Sakay sa iye u gusto a kagiyán nu págmahal: sunudán tam u kautusan na. Sakay sa iye u inyutus nu Diyos a natukuyan tam tu sapul pa, a magmahalan kitam tu balang essa.

Pahayag 12:17

Dipo tu iyamut nu dragon ay binalingan na a geraán u nabuhay a lahe nu bábbey. Iye u tolay hide a sumássunud tu utus nu Diyos sakay nagtulos-tulos a nagin tapat tu tatahoden a inhayag ni Jesus.

Pahayag 14:12

Kaya dapat a magpakatatag sakay magin matáttiisán u pinile hide nu Diyos, u sumássunud hide tu utus nu Diyos, sakay dapat a manatile u pánnampalataya de ni Jesus.