1 Juan 2:4 - U Maganda A Baheta Ni Jesu-Cristo

⁴ Ni ti deya man u magkagi a “Kilala ko siya” pero sumuway labe tu utus na hide ay mabule sakay awan nikuna u tatahoden.

1 Juan 2:4 Iomraidhean Croise

Juan 8:44

Ti Satanas u ama moy. Sakay ni ánya u gusto na ay itod u gusto moy be a gimitán. Mágbabono siya sapul pa tu sapul, sakay umád na u tatahoden dipo awan u tatahoden nikuna. Dipo ugale na dán a mágbabuli-buliyán dipo mabule siya, sakay siya u naggábwatan nu atanan kakabuliyan.

Tito 1:10

Dipo makpal a tolay lalu dán u sumássunud hide tu kaugaliyan nu Judio hide, u mangkontara ti adalan iye. Dáddayaán de u agum tu pamamag-itan nu toldu hide a awan ti kabuluhan.

Tito 1:16

Kákkagiyán de a tukoy de u Diyos, pero awan labe ketan tu gimet de. Awan hide ti pinagseserbiyan a tolay sakay masássuwayán hide, kaya awan de tukoy a maggimet ti maganda.

1 Juan 1:10

Pero ni kagiyán tam a awan kitam nakagimet ti kasalanan ay ginimet tam a mabule u Diyos sakay awan ketan tu biyag tam u Upos na.

1 Juan 1:6

Kaya ni kagiyán tam a nákpágkaessa kitam nikuna pero mabiyag kitam palla tu kadiklámman ay nagbuli-bule kitam sakay awan mabiyag ayun tu tatahoden.

1 Juan 1:8

Ni kagiyán tam a awan kitam ti kasalanan ay lállokuwán tam la u sadile tam sakay awan nikitam u tatahoden.

1 Juan 2:3

Nakasigudu kitam a kilala tam u Diyos ni sássunudán tam u utus na hide.

1 Juan 2:9

U magkagi a katoy siya tu demlag pero maiyamut labe tu kapatkákka na ay atoy padla tu kadiklámman.

1 Juan 3:6

U nákpagkaessa nikuna ay awan dán magtulos-tulos tu kasalanan. Ni ti deyaman u tulos-tulos a maggimet ti kasalanan ay awan palla tumenggi oni summampalataya ni Cristo.

1 Juan 4:20

Ni ti deya man u magkagi a “Mahal ko u Diyos” pero maiyamut labe tu kapatkákka na ay mabule. Dipo ni u kapatkákka na a ketan na dán ay awan na pa mamahal, kodya na a mamahal u Diyos a awan na ketan?

1 Juan 4:7

Mahal ko hide a kákkapatkákka, magmahalan kitam dipo gábwat tu Diyos u págmahal. U magmahal tu kapatkákka na ay anak nu Diyos sakay tumengge tu Diyos.