1 Juan 2:1 - U Maganda A Baheta Ni Jesu-Cristo

¹ Anak ko hide, insulat ko iye hide nikam tánni awan kam magkasala. Pero ni magkasala man u deyaman ay te mángsuhog nikitam, u Ama. Siya ay ti Jesu-Cristo, u Matuwid.

1 Juan 2:1 Iomraidhean Croise

Lukas 10:22

Sakay kinagi na nide, “Inyatád dán nikán nu Ama ko u atanan a bagay. Awan ti makatukoy ni deya u Anak ni awan la u Ama. Sakay awan ti makatukoy tu Ama ni awan u Anak la, sakay u pinile hide nu Anak a pángpakapospusan na tungkul nikuna.”

Juan 10:15

A konna bihod u Ama ko tukoy-tukuyák na sakay tukoy-tukoy ko be siya. Handa ko a iyalay u biyag ko para tu tupa hide.

Juan 13:33

Kinagi pa ni Jesus, “Anak ko hide, sabaditák moy dálla a odas a makaguman. Ehyukánnák moy, pero konna tu kinagi ko tu pinuno nu Judio hide, awan kam makaangay tu angayan ko.

Juan 14:16

Sakay magdasalák tu Ama a atádden nakam ti Banal a Ispirito, siya u Tagagiyya nikam, kaguman moy siya a hanggan-hanggan.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Juan 21:5

Kinagi nide ni Jesus, “Amigu ko hide, te nalap kam?” Timmábbeg hide, “Awan.”

Juan 5:14

Káttapos ay netan ni Jesus u lállake tu disalad nu templo sakay kinagiyan na, “Nadid dipo nagpiyya ka dán, dyan ka dán nakwan magkasala, ta bakay te mangyare pa niko a mas lalo a madukás.”

Juan 5:36

Pero tehhod a mángpatunay tungkul nikán a mas higit tu patunay ni Juan, u gimet hide a ipagimet nikán nu Ama, sakay siya be u gággimitán ko. Ina u mangpatunay a pinaangayák na he.

Juan 6:27

U makan ay masida, kanya diyan moy iye sikapan a ehyukan. U sikapan moy a ehyukan ay u makan a awan masisida sakay makapangatad ti biyag a awan ti kahad. Hikán a Anak nu Tolay u makapangatad ti biyag a hanggan-hanggan, dipo hikán u inatádden nu Ama ko ti kapangyariyan.”

Juan 8:11

Timmábbeg u bábbey, “Awan Panginoon,” Kinagi ni Jesus nikuna, “Ni konna hod awan taka be parusaan. Maare ka dán a lumakad, pero diyan ka dán magkasala a huway.”

Gimet 7:52

Ti deya beman a prupeta i awanay pinahirapan nu nunu moy hide? Binunu de u nánghula tu káddemát nu Banal a intokyon moy be sakay impabuno.

Roma 5:10

Tu itod ay kadima kitam nu Diyos, pero nadid ay tinanggap na kitamon a kaibigan na tu pamamag-itan nu kákkatay nu Anak na. Kanya nadid a tehhod kitamon a maganda a relasyon tu Diyos siguradu dán a iligtas na kitam tu pamamag-itan nu biyag ni Cristo.

Roma 6:15

Nadid, maggimet kitam pa beman ti kasalanan dipo awan kitamon sakup nu kapangyariyan nu Kautusan, nan sakup dán nu kapangyariyan nu habag nu Diyos? Awan!

Roma 8:34

Awan be ti makahatul nikitam a dapat kitam a maparusaan dipo ti Cristo Jesus dán a mismo u hinatulan a matay para nikitam. Sakay bakán la a ina; nan biniyag siya a huway sakay nadid ay hod dán siya tu kawanan nu Diyos sakay siya u mamagitan para nikitam.

1 Corinto 15:34

Magpakatino kam sakay adággen moy dán u kasalanan. U agum nikam ay liwat u pákkatukoy na tu Diyos; kagiyán ko iye tánni mepasanike kam.

2 Corinto 5:21

Maski nikan ay awan nagkasala ti Cristo, pero dipo nikitam, ay nebilang siya a makasalanan tánni meturing kitam nu Diyos a matuwid tu atubang na tu pamamag-itan nu pákpágkaessa tam ni Cristo.

Galacia 4:19

Anak ko hide, dipo nikam kaya magdanasák dámman ti hirap a konna tu magenak a bábbey. Gimitán ko iye hanggan pumareho ni Cristo u biyag moy.

Efeso 2:18

Dipo ni Cristo ay pari-pareho kitamon a makaadene tu Ama tu pamamag-itan nu mággeessa a Banal a Ispirito.

Efeso 4:26

Ni mágngál kamman ay diyan kam magkasala. Sakay dyan moy dán paalayán u ingál moy,

1 Timoteo 2:5

a tehhod a eessa a Diyos sakay tehhod be a eessa a mángtaknág tu tolay tu Diyos, u tolay a ti Jesu-Cristo.

1 Timoteo 3:14

Umasaák a awan magmalay ay magketa kitamon. Pero insulat ku padi i bilinan hidenye niko ta

Hebreo 9:24

Dipo ti Cristo ay awan simmáddáp tu Lugar a Kabanalan a ginimet ni tolay, sakay mageletrato la nu tatahoden, nan tu lugar a kabanalan ti langet. Nadid ay katoy dán siya tu atubang nu Diyos a mamag-itan para nikitam.

Santiagu 1:27

U ibilang nu Diyos a Ama tam a makidiyos ay u tumulung tu ulila sakay tu bábbey hide a bilo tu kahirapan de, sakay awan mák-aheg tu mágkadukás hide a gimet ti munduway.

Santiagu 3:9

U dila tam u gággamitán tam tu págpure tu Panginoon a Ama tam. Pero ni agum iye labe u gággamitán tam tu págsumpa tam tu kapareho tam a tolay a linalang nu Diyos a kahupa na.

1 Pedro 2:22

Maski nikan ay awan siya nagkasala sakay nagbule-bule.

1 Pedro 3:18

Dipo ti Cristo ay natay a pumensan para tu atanan. Siya ay awan ti kasalanan pero natay siya para nikitam a atanan a makasalanan tánni iyadene nakitam tu Diyos. Natay u bággi na, pero u Ispirito na ay biyag.

1 Juan 3:18

Anak ko hide, u págmahal tam ay dapat bakán la atu upos, nan ipeta tam tu pamamag-itan nu gimet tam a ayun tu tatahoden.

1 Juan 3:5

Tukoy moy a ti Cristo ay awan ti kasalanan sakay kaya he siya a immangay ay para ibutan u kasalanan tam hide.

1 Juan 3:7

Anak ko hide dyan kam paloko maski ni deya man. U maggimet ti maganda ay essa a matuwid a tolay, konna ni Cristo.

1 Juan 4:4

Anak ko hide, kao kamon nu Diyos sakay napagtagumpayan moy dán u liwat hide a prupeta. Dipo u Ispirito a katoy nikam ay mas makapangyariyan nan u ispirito a katoy ti munduway.

1 Juan 5:17

U atanan a madukás a gimet ay kasalanan pero te kasalanan a awan humayun ti kákkatay.

1 Juan 5:21

Anak ko hide, umadeyo kam tu diyos-diyosan hide.

3 Juan 1:4

Awan dán ti agum a mas makapangpasaya nikán ni mabaheta ko a nabiyag a ayun tu tatahoden u anak ko hide ti pánnampalataya.