1 Juan 1:9 - U Maganda A Baheta Ni Jesu-Cristo

⁹ Pero ni aminán tam tu Diyos u kasalanan tam hide ay siguradu a patawadán na kitam sakay linisan na kitam tu mágkadukás tam a gimet dipo siya ay matapat sakay matuwid.

1 Juan 1:9 Iomraidhean Croise

Mateo 3:6

Intapat de u kasalanan de sakay tulos hide a binawtismuwan ni Juan tu dinom a Jordan.

Markos 1:5

Makpal a tolay tu prubinsya a Judea sakay tu banuwan a Jerusalem, u immangay tu kán Juan sakay intapat de u atanan a kasalanan de, sakay binawtismuwan hide ni Juan tu dinom a Jordan.

Lukas 22:57

Pero impamen ni Pedro, kinagi na, “Aha! Awan ko siya matengge!”

Juan 17:25

Ama, a Banal maski ni awan ka tukoy nu taga-mundu hide ay tukoy taka, sakay tukoy nu maniwala hide a hiko u nangpaangay he nikán.

Gimet 19:18

Makpal be tu mánnampalataya hide u nángtapat tu káppalan nu tolay tu mágkadukás di hide a gimet.

Roma 3:26

Pero nadid pinaangay na he ti Cristo tánni ipeta na a matuwid siya. Dipo ti iye a ginimet na, pinatunayan na a tama siya tu pangturing na a matuwid u sumampalataya hide ni Jesus.

1 Corinto 1:9

Matapat u Diyos a nangdulaw nikam tánni mákpagkaessa tu Anak na a ti Jesu-Cristo a Panginoon tam.

1 Corinto 6:11

Konna hina u agum nikam tu itod. Pero nalinis kamon tu kasalanan moy hide sakay netalaga kamon tu Diyos. Napatawad kamon tu ngahan nu Panginoon tam a ti Jesu-Cristo sakay tu Banal a Ispirito nu Diyos.

Efeso 5:26

Ginimet na iye para hikitam a mánnampalataya hide ay magin banal tu atubang nu Diyos dipo hikitam ay imbilang na a nalinisan dán tu pamamag-itan nu pánniwala tam tu upos na kanya hikitam ay nabawtismuwan dán tu dinom.

1 Timoteo 1:15

Tatahoden iye a pahayag kaya dapat a paniwalaan nu atanan: Dimmemát ti lutaáy ti Jesu-Cristo para iligtas u makasalanan hide. Sakay hikán u pinakamadukás tu atanan.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Hebreo 10:23

Magpakatatag kitam tu pag-asa tam, sakay diyan kitamon magduwwa-duwwa, dipo matapat u nagpananto nikitam.

Hebreo 11:11

Dipo tu pánnampalataya ay nagkahod ti kakayanan a magin ama ti Abraham, maski ni lakay dán siya sakay maske awan dán magenak ti Sara. Pero nanalig siya a tupadán nu Diyos u pananto na.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.

1 Juan 1:7

Pero ni mabiyag kitam ayun tu demlag a konna tu Diyos a katoy tu demlag ay tehod kitam a pákpagkaessa tu balang essa. Sakay u digi ni Jesus a Anak nu Diyos u nanglinis tu atanan a kasalanan tam.

Pahayag 15:3

Mágkansiyon hide tu kansiyon ni Moises, a tagapagserbi nu Diyos sakay kansiyon be nu Tupa: “Panginoon a Diyos a makapangyariyan tu atanan, Dakila sakay makataka-taka u gimet mo hide! Hiko u Diyos nu bansa hide, Banal sakay tama u atanan a pámmalakad mo!