Zefania 3:2 - KITABU KITAKATIFU

² Si ya hulira mwoyo yigu; si ya bugirira kwegidzwa; si ya suuvira ku Yahova; si yisunda himbi ku Nyasaye wewe.

Zefania 3:2 Iomraidhean Croise

Nehemia 9:26

Navutswa va sula kuhulira ni vebaala ku ive, nokuvika lilaga lilyo himugongo havo, na viita vaprofeti vovo ava lolekidza kuvo kuvirannya ku ive, na va kola kivihiri kinene.

Zaburi 10:4

Mudamano mu luyai lwommoni mwimwe a wla, si a la vanza mba. Tsiganagani tsitsye tsyosi tsi veye kuvola, Si ha li na Nyasaye.

Zaburi 50:17

Kigira u veye mundu u sulanga kwegidzwa, Na u teye makuva gange ha mgongo gugwo?

Zaburi 73:28

Navutswa nubulahi ku inze kwisunda himbi ku Nyasaye: Nkoli Mwami Yahova kuva kyokwivisa mu kyange, Nduke kuvola miyinzi gyigyo gyosi.

Zaburi 78:22

Kigira si va suuvira Nyasaye mba Kandi si va suuvira ubuhonnyi bwibwe

Tsing'ano 1:7

Litia Yahova li veye litanga lyelimanya; Navutswa avasiru va lega ubugeeri na lyegidzwa.

Tsing'ano 5:12

Na u la vola, Nda dunyira ndi lyegidzwa, Na mwoyo gwange gwa lega ligondokirwa;

Isaya 1:5

Kigira ki mu kyenyanga likuywa kandi, kuduka kumeda bwebaali? Mutwe gwosi gu lwala, nomwoyo gwosi gu kudzi.

Isaya 29:13

Na Yahova ya vola, Kigira avandu yava visundi ku inze, na va nzidzominya nomunwa gwavo neminya gyavo, navutswa myoyo gyavo va gyi sundi ihale kutwula ku inze, nelitia lyavo lya va tidzanga inze li veye lilaga lyavandu lya vegidzwa:

Isaya 31:1

Ubudamano bu ve ku yavo ava sulunguta Egepeti kunyola likonywa ava suuvira tsiparasi na va suuvira magari gobulwani kigira ga veye manyingi, va suuvira avanina tsiparasi kigira va veye avetsingulu, navutswa va vula kuhenza ku Uyu Mutakatifu wa Israeli, kandi si venya Yahova

Isaya 43:22

Halala na yaga ive Yakobo, si wanira inze; O Israeli, wa luha ku inze.

Isaya 9:12

Vasiria ku; luvega lwe mbiri, na Vafilisiti ku luvega lwe nvuma; na va la mira Israeli nomu nwa mwalamu. Navutswa ku yaga gosi ubutima bwibwe bu kikiri kugiru nkanywa, navutswa mukono gwigwe gu nyireywi kuduka kalunu.

Jeremia 13:25

Ikura yoyo ni yiyi, kidieli kya wa gererwa ki twulanga ku inze, Yahova a vola; kigira mwa nzivirira, na u suuviranga makuva gobubehi.

Jeremia 2:30

Likuya lya nda kuya avana venyu ni lya vutswa; si va bugirira kuhebwa mageli mba: kivavi kikyo ive mwene ki liye vaprofeti vovo, kuli king'ang'a kyononyanga.

Jeremia 22:21

Inze nda ku volera inyinga yeligasidzwa lilyo, navutswa wa vola, Si nyenya kuhulira. Yigu ni mwima gugwo kutwula bwana buke, ogwa ive u vula kuhulirira mwoyo gwange.

Jeremia 32:33

Va nkupi migongo gyavo, va vuli kumannya mmoni mwavo ku inze kali ni nda vegidza, ni mbuka mmabwebwe kuvegidza, navutswa va vula kuhulira va nyole amegidzo.

Jeremia 35:13

Yahova wa mahe, Nyasaye wa Israeli, a ku volera: Tsia, u volere avandu va Yuda, na avamenya Yerusalemi, Si mu bugirira kuvugula megidzo mu hulire amakuva gange? Yahova a vola.

Jeremia 35:17

kigira yaga Yahova Nyasaye wa mahe, Nyasaye wa Israeli, a vola: Henza, nda leta ku Yuda noku vosi avamenyi Yerusalemi ubudamano bwosi bwa nda vola kuvo; kigira mba voliye, navutswa navo si va huliye mba; mba langi navo si va bugiriye mba.

Jeremia 5:3

O Yahova, tsimoni tsitsyo si tsi henzanga ageligali? U va kuyi, navutswa si va vereranga mba; u va heridzi, navutswa va suye lihebwa mageli va kolanga mmoni mwavo kuva mudinyu kuvita lwanda; va suye kwirana kandi.

Ezekieli 22:24

Ive, mwana womundu, u volere kivala yikyo, Ive u veye kivala kya vula kutakaswa kandi imbula si ya kupidzwa ku ive mu lidiku lyelivihirirwa.

Ezekieli 24:13

Mu budamano bubwo mu veye netsiganagani tsindamano: kigira nda kwogidza na ive si wa lava mba, u la vula kulava ku budamano bubwo ligali, nduhe nduke kwigutidza ubutima bwange ku ive.

Zefania 1:6

na yavo avirana inyima ava leka kulonda Yahova; na yavo ava vula kulonda Yahova, kinga kumwenya.

2 Timoteo 3:16

Mang'oda gosi ga veye nomwika gwa Nyasaye, kandi ga veye netsingulu mu lyegidza, nomu lyeganehidza mu ageligali, nomu lilu ngikidza nomu ligerihidza mu miyinzi milahi gyosi;

Vahebraina 10:22

kwisunde himbi nomwoyo gweligali nomu lisuuvira lyobudukiru, ku veye nemyoyo gyetu gyuheywi kutwulidza mwoyo mudamano; nomubiri gwetu gwogidzwa namadzi malahi,