Zefania 2:3 - KITABU KITAKATIFU

³ Mwenye Yahova, mwinye vosi avahokya velirova, ava gumiranga likalaga lilye; mwenye ubulungi, kandi mwenye ubuhokya: namusia mu la viswa mu lidiku lyobutima bwa Yahova.

Zefania 2:3 Iomraidhean Croise

2 Samweli 12:22

Naye ya va volera, Lwa mwana ya li na a kikiri mwoyo, nda honga lilia nokusyoma: kigira nda vola, Ni bwaha u manya Yahova a la mbererera, ku mwana a hone?

Zaburi 105:4

Mwenye Yahova netsingulu tsitsye; Mwenye mmoni mwimwe kazozo.

Zaburi 149:4

Kigira Yahova yeyanzidza mu avandu veve: Naye a la siaha avahokya nobu honnyi.

Zaburi 22:26

Avahoma va la lia ni viguta; Yavo avenyanga Yahova va la mwidzominya: Mwoyo gwenvu gu ve neliva mwoyo mihiga nemihiga.

Zaburi 31:20

U la va visa mu livisiru lilyo ku ligenderera lyavandu: U la va visa makiriri mu lihema ku lihangalana lyetsinimi.

Zaburi 45:4

Na mu bunene bubwo u gende nobugasu, Kigira ageligali na ubuhoma na ubulungi: Na mukono mulungi gugwo gu la ku mannya vindu vyokutihidza.

Zaburi 57:1

U mbere tsimbabasi, O Nyasaye, u mbere tsimbabasi; Kigira mwoyo gwange gwivisa mu ive: Yee, mu kiriri kyetsimbaha tsitsyo ndivisa, Kuduka kivi yiki ki heri.

Zaburi 76:9

Inyinga Nyasaye ya singira mu likalaga Kuhonnya avahoma vosi avelirova [Selaha

Zaburi 91:1

Uyu u menyanga mu likingwa lya Weigulu Ligali A la menya mu kiriri kya Wanyala Vyosi.

Kutwula 12:27

Hene yaho mu la vola, I veye isadaka yelipasaka lya Yahova, wa vita ku tsinyumba tsya avana va Israeli mu Egepeti, lwa ya kuya Avaegepeti, nokuhonya tsinyumba tsyetu. Na avandu vinaminya mutwe nokusigamira.

Tsing'ano 18:10

Lieta lya Yahova li veye impinga yetsingulu; Mulungi yirukira muyo ma a hona.

Isaya 1:17

mwege ku kola bulahi; mwenye likalaga lilungi, mu konye uyu u dambidzangwa, mu kalagire avabisandu, mu vere vaku nzakali.

Isaya 11:4

navutswa a la kalagira avadaka nageligali, navegehidzi velirova a la va kalagira nobulungi; na a la kuya lirova nempi mbo yomunwa gwigwe; nokwiita avadamano nomwika gwomu minwa gyigye.

Isaya 61:1

Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

Jeremia 39:18

Kigira inze ligali nda honnya ive, na ive u la vula kugwa ku kivavi, navutswa livamwoyo lilyo u la va nalyo kuva kilanye ku ive: kigira wa suuvira inze, Yahova a vola.

Jeremia 45:5

Na ive weyenyeranga mwene vindu vinene? U ta vyenya mba; kigira, henza, nda leta buda mano ku mibiri gyosi, Yahova a vola; navutswa nda ku ha livamwoyo lilyo li ve vilanye ku ive hosi ha u tsitsanga.

Ezekieli 13:5

Mwinye mwa vula kusingira ha sasugulwa, kandi si mwa lomba lugaga ku inyumba ya Israeli, ra duke kusingira mu bulwani mu lidiku lya Yahova.

Hosea 10:12

Mwimidzere avene mbulungi, mu gese kuli tsimbabasi; mu lime mulimi gwenyu gu ta limangwa; kigira niyo inyinga yokwenya Yahova, a duke kukupidza ubulungi ku mwi nye.

Hosea 7:10

Na uluyai lwa Israeli lu lolekidzanga imbiri wetsimoni tsitsye: navutswa va kikiri kwirana ku Yahova Nyasaye wavo, kandi si va mwenyanga, ku yaga gosi.

Jona 3:9

Ni bwaha u manya, mbula Nyasaye a la girunkana nokweganira, nokuleka ubutima bwibwe bululu, kwinye ku vule kudividzwa?

Zekaria 8:19

Yahova wa mahe a vola: Lihonga lilia lyomueli gwe gyine nelihonga lilia mu mweli gwe gyitano, nomu mweli gwe gyitano na gyiviri, nomu mweli gwelikumi, ga la va ubuyanzi nobusangali bwenyumba ya Yuda, na malia gokuleminya mwoyo; kigira yaga mu yanza geligali nemire mbe.

Matayo 5:5

Va veye nobugasu ava veye nobuhooma: kigira va la va nemiyandu gyelirova.

1 Vatesalonike 4:1

Inyima yaga, avamitu, ku mu goonya nokumweganehidza mu Mwami Yesu, kuli mwa vugula ku kwinye nu bulahi mu gendere nokuyanzidza Nyasaye, kuli mu gendanga, mu duke kukira ligali.

1 Vatesalonike 4:10

kigira mwinye mu kola likuva yili ligali ku vamwavo vosi va veye mu Makedonia. Navutswa kwinye ku mu tsuva mu kole kukira ligali;

1 Petro 1:22

Kigira mu mali kwitakasa myoyo gyenyu mu lihulira ageligali, kuduka ku liyanza avamitu li ta li nobugadi, mu yanzane avene navene ligali mu mwoyo.

1 Petro 3:4

navutswa li ve lyomundu mwevisu womwoyo, mu lyevika li vula kwoneka, livola li veye, ni lya roho gwobuhokya nobuhooma, ogu veye nobuguli bunene imbiri wa Nyasaye.

2 Petro 3:18

Navutswa mu kulire mu tsimbabasi nomu limanya lyo Mwami wetu Muhonnyi Yesu Kristo. Ubukumi bu ve kuye kalunu imihiga nemihiga. Amini.