Yohana 3:3 - KITABU KITAKATIFU

³ Yesu ya tivula na a mu volera, Ligali, ligali, nku volera Mundu na a tivulwa livulwa lyomigulu, si a nyala kulola ubwami bwa Nyasaye.

Yohana 3:3 Iomraidhean Croise

Jeremia 5:21

Mu hulire likuva yili, mwinye avandu avasiru, ava ta li nelimanya; ava veye netsimoni, na si mu lolanga; ava veye namatu, na si mu huliranga:

Ezekieli 36:26

Kandi nda mu ha mwoyo muhya, na nda vika mu mwinye roho muhya; nda twulidza umwoyo gweligina gu veye mu mubiri gwenyu, na nda mu ha mwoyo gwenyama.

Matayo 16:17

Yesu ya tivula, na a mu volera, U veye nobugasu, Simoni wa Jona: kigira inyama namasahi si ga ku vuulira mba, navutswa Dada wange womi gulu.

Matayo 19:24

Kandi mmu volera, Nu bwangu ing'amia kuvita muluhu gwesindani, kusira mutugi kwingira mu bwami bwa Nyasaye.

Matayo 21:31

U li ha ku vaviri yava wa kola ubulaliri bwa ise? Va vola, Wambiri. Yesu ya va volera, Ligali mmu volera, avasololi vobushutu navaheyi vingira mu bwami bwa Nyasaye imbiri wenyu.

Matayo 5:18

Kigira ligali mmu volera, Ku duka ku kiheri kyeligulu nelirova, induguta kinga nta kali indala yamalago si vi nyala ligali kugota, vi luhe vi kolwe vyosi.

Marko 10:14

Navutswa Yesu lwa ya lola, ya vihirirwa, na a va volera, Mu leke avana vakekeke vadze ku inze; mu ta vambakannya mba: kigira ubwami bwa Nyasaye bu veye bwa va li ndi.

Marko 9:47

Imoni yoyo ni kwikigitalidza, u gi twulidze: ubulahi bwokwingira mu bwami bwa Nyasaye nemoni indala bu vita kuva netsimoni tsiviri, na u sikiswe mu gehena;

Yohana 1:13

ava masahi ga tivula mba, kinga ubulaliri bwo mubiri kinga ubulaliri bwomundu, navutswa ubulaliri bwa Nyasaye.

Yohana 1:5

Ubulavu bu lava mu kisundi; na kisundi si kya bu gumira mba.

Yohana 1:51

Kandi ya mu volera, Ligali, ligali, mmu volera, Mu la lola ligulu ligulika, netsingelosi va Nyasaye va nina ni vika ku Mwana wa Adamu.

Yohana 12:40

Ya va fuma tsimoni tsyavo, kandi ya dinnya mwoyo gwavo; Gase va la lola netsimoni tsyavo, ni va manya nomwoyo gwavo, Ni veganira, Na inze mba honnye.

Yohana 3:4

Nikodemo ya mu teva Mundu a nyala ndi kwivulwa na a veye mukulundu? A nyala kwingira munda mwa mama wewe hali kaviri yivulwe kandi?

2 Vakorintho 4:4

avomunyasaye welirova yili u vakulidzi muvo tsiganagani tsyavo ava vula kusuuvira, ubulavu bwevangeli yobukumi bwa Kristo, u veye ligondo lya Nyasaye, ubulavu yibu bu ta ng'ereng'ana kuvo.

2 Vakorintho 5:17

Kunangwa ku vosi mundu na a veye mu Kristo a veye kilombe kihya: vindu vyosi vya kale vi viti, henza, vindu vyosi vi gwiye vihya.

Vagalatia 6:15

Kigira likevwa si li veye kindu, kandi livula kukevwa, navutswa kilombe kihya.

Vafeso 2:1

Kandi mwinye, lwa mwa li avakudzu kigira lihyola lyenyu nobwoni bwenyu,

Kwidzulitsa 29:4

navutswa Yahova si ya mu ha mwoyo kumanya, kinga tsimoni kulola, kinga amatu kuhulira, kuduka lero.

Tito 3:5

si ku li ku miyinzi gyobulungi gya kwa kola kwinye avene, navutswa ya ku honnyira ku tsimbabasi tsitsye, nelyogidza lyelivulwa lihya nokukolwa ubuhya kigira Roho Mutakatifu,

Yakobo 3:17

Navutswa ubugeeri bu twulanga igulu, mu litanga bu veye buniiu, nobwemirembe, nobwobuhokya, nobwobuhuliridzi, nobwezuye tsimbabasi na makuyu malahi, obu ta li nelyahulannya, obu ta li nobugadi.

1 Petro 1:3

A gasidzwe Nyasaye Dada wo Mwami wetu Yesu Kristo, u kwivuye hali kaviri, kuli tsimbabasi tsitsye tsinene, ku duke ku lisuuviridzwa li veye mwoyo, ku lisimugukidzwa lya Yesu Kristo kutwula mu vakudzu,

1 Yohana 2:29

Ni mu manya a veye mulungi, mu manya kandi ku vosi u kolanga ubulungi yivulwa kutwula kuye.

1 Yohana 3:9

Ku vosi wivulwa kutwula ku Nyasaye si a kola ubwoni, kigira bugutsa bwibwe bu menya muye: kandi si a nyala kukola ubwoni, kigira yivulwa kutwula ku Nyasaye.

1 Yohana 5:1

Ku vosi u suuvira Yesu ni Kristo, yivulwa kutwula ku Nyasaye: kandi u yanza wa mwivula, a yanza kandi wivulwa kutwula kuye.

1 Yohana 5:18

Ku manya, ku vosi wivulwa kutwula ku Nyasaye si a kola ubwoni; navutswa wivulwa ku twula ku Nyasaye yelinda, na mudamano si a mu dira mba.

1 Yohana 5:4

Kigira ku vyosi kivulwa kutwula ku Nyasaye ki guuta vyomkivala: yili ni liguuta lya guuta vyomkivala, lisuuvira lyetu.

Likunula 3:14

Kandi u ng'odere ingelosi welivugana li veye mu Laodikia. Yivi nivyo vya u veye Amini, mulolekidzi musuuvirifu noweligali, mutangi welilomba lya Nyasaye, a volanga