Yohana 1:12 - KITABU KITAKATIFU

¹² Navutswa vosi ava mu bugirira, ya va ha tsingulu kugwa avana va Nyasaye, va zana ava suuvira lieta lilye:

Yohana 1:12 Iomraidhean Croise

2 Samweli 7:24

Na wesingeridzira avandu vovo Israeli va ve avandu ku ive mihiga nemihiga; na ive, Yahova, wa duka kuva Nyasaye wavo.

Isaya 56:5

Nda haana kuvo lidzulitsa na ameta mu inyumba yange, mu madigi gange ga li va malahi kuvita kuva navayai navakana; nda va ha lieta lyemihiga nemihiga, li la vula kutwulidzwa.

Jeremia 3:19

Navutswa nda vola, Nyala ndi kuvika ive halala na avana, nokuha ive kivala ki yanzidzanga miyandu milahi gyamahe ge tsihiri? Na nda vola, Mu la nanga Dada Wange, na si mu la girunkana kuleka kulonda inze.

Hosea 1:10

Navutswa livalidzwa lyavana va Israeli li la duka kuva kuli muyeke gwomunyanza, gu ta nyala kugerwa kinga kuvalidzwa; kandi ga la va, ha makuva yaga ga volwa, Mwinye si mu veye avandu vange, va la volerwa ho, Mwinye mu veye avana va Nya saye welivamwoyo.

Matayo 10:40

U bugirira mwinye a bugirira inze, u bugirira inze a bugirira wa ntuma.

Matayo 12:21

Ku lieta lilye Tsihiri tsi la suuvira.

Matayo 18:5

Ku vosi u bugirira mwana mulala mkekeke kuli uyu kigira lieta lyange, a bugirira inze:

Yohana 1:11

Yadza kuvyo vivye, navo aveve si va mu bugirira mba.

Yohana 1:7

Uyu yadza ku lilolekidza, a lolekidze ubulavu yibu, vosi va duke kusuuvira kigira niye.

Yohana 11:52

kandi si ya kudzera ihiri yeng'ine, navutswa a duke kusannya halala avana va Nyasaye vosi ava salana.

Yohana 2:23

Lwa ya li mu Yerusalemi ku lipasaka, inyinga yelilia vanyingi va suuvira ku lieta lilye, va lola vilolekidzu vya ya kola.

Yohana 20:31

navutswa yivi vi ng'odwa mu duke kusuuvira Yesu a veye Kristo, Mwana wa Nyasaye; kandi ku lisuuvira lyenyu mu ve nelivamwoyo mu lieta lilye.

Yohana 3:18

U mu suuvira si a kalagirwa: u vula kumusuuvira u mali kukalagirwa kigira a vula kusuuvira lieta lya Mwana muderwa wa Nyasaye.

Vikolwa 3:16

Kandi lieta lilye, ku lisuuvira ku lieta lilye, li mali kuha mundu uyu tsingulu, wa misuuvira lola nowa mu manya: ligali, lsuuvira li veye ku lieta lilye li mali kumuha ubulamu yibu ubwere imbiri wenyu mwosi.

Varumi 8:14

Kigira ku vosi ava Roho wa Nyasaye yimirira, yava nivo avana va Nyasaye.

Varumi 8:16

Roho mwene a lolekidza halala na roho gyetu ku veye avana va Nyasaye:

Varumi 8:19

Kigira lihenzerera lyevilombe li linda lila ng'aminywa lya avana va Nyasaye.

Vagalatia 3:26

Kigira mwinye mwosi mu veye avana va Nyasaye, kigira lisuuvira mu Kristo Yesu.

Vagalatia 4:6

Kandi kigira mu veye avana, Nyasaye ya tuma Roho wo Mwana wewe yingire mu myoyo gyetu nokulira, Abba, Dada.

Vakolosai 2:6

Kunangwa kuli mwa vugula Kristo Yesu Mwami, mu gende ndiyo muye,

2 Petro 1:4

ku yaga ya ku ha lisuuviridza lilye lilahi nelinene ligali; ku yilyo mu duke kuva avasangi aveliva lyo Bunyasaye, kigira mu hononoki ku bwoneku bu veye mu lirova kigira likayirwa.

1 Yohana 3:1

Henza ubuyanzi lugano ki bwa Dada ya kuha, ku langwe avana va Nyasaye; kandi ku veye ndiyo. Kigira yaga avomkivala si va ku manya, kigira si va mu manya.

1 Yohana 3:10

Ku yaga avana va Nyasaye va loleka, na vana va Setani: ku vosi u ta kola ubulungi si a veye ku Nyasaye, kandi u vula kuyanza amwavo wewe.

1 Yohana 3:2

Avayanze, kalunu ku veye avana va Nyasaye, kandi ki kikiri kulolekidzwa kya ku la va, navutswa ku manya, lwa a li lolekidzwa ku la fwanana naye; kigira ku la mu lola kuli a veye.

1 Yohana 3:23

Yili ni lilaga lilye, ku suuvire lieta lyo Mwana wewe Yesu Kristo, kandi ku yanzane kwinye avene, kuli ya ku ha munwa.