Yohana 1:1 - KITABU KITAKATIFU

¹ Mu litanga ya li ho Inkuva, kandi Inkuva ya li ho halala na Nyasaye, kandi Inkuva ya li Nyasaye.

Yohana 1:1 Iomraidhean Croise

Litanga 1:1

Mu litanga Nyasaye ya lomba migulu nelirova.

Zaburi 45:6

Intebe yoyo yobwami, O Nyasaye, i hindiraga mihiga nemihiga: Impimbo yobulungi i veye impimbo yobwami bubwo.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

Luka 24:53

kandi va li mu litempeli kazozo ni vidzominya Nyasaye.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Yohana 1:18

Si ha li nomundu wa lola Nyasaye inyinga kali indala; Mwana wivulwa muderwa u veye mu kiritu kya Dada, u mu vuuye.

Yohana 1:2

Wa zana ya li mu litanga halala na Nyasaye.

Yohana 16:28

Nda twula ku Dada ntsitsa mu kivala: kandi, nda leka kivala, ntsia wa Dada.

Yohana 17:5

Nive kalunu u mbuminye, Dada, halala nive mwene nobukumi bwa nda li nabwo halala nive, lirova li kikiri kuva.

Yohana 20:28

Tomasi ya mu tivula, na a mu volera, Mwami wange, kandi Nyasaye wange.

Yohana 8:58

Yesu ya va volera, Ligali, ligali, mmu volera, Abrahamu na a tivulwa, inze mbeye.

Varumi 9:5

na vaguga va veye vavo, avn Kristo ya twula kuvo ku lugano lwomubiri, u veye igulu ku vyosi, Nyasaye u veye nobugasu mihiga nemihiga. Amini.

Vafeso 3:9

nokukola vosi va duke kulola lugano lwobulindi bwagaviswa kutwula tsinyinga tsinyingi bwa viswa mu Nyasaye wa lomba vindu vyosi;

Vafilipi 2:6

uyu, wa li ku lugano lwa Nyasaye, si ya lola lile ng'ana na Nyasaye ni kindu kyokuhandwa ku,

Vakolosai 1:15

Naye a veye ligondo lya Nyasaye u ta lolekanga, watanga-kwivulwa ku vilombe vyosi;

Vakolosai 1:17

Naye a veye imbiri wevindu vyosi, kandi vyosi vi hambana halala muye.

1 Timoteo 3:16

Kandi ni likuva li ta li nelihayahayidzwa, liviswa lyelihulira Nyasaye li veye linene; Uyu ya lang'aminywa mmubiri, Nokuvolwa kuva mulungi mu roho, Nokuloleka ku tsingelosi Nokwilwadzwa mu Tsihiri Nokusuuvirwa mu lirova, Nokuvugulwa migulu mu bukumi.

Tito 2:13

ku henzerere lisuuviridzwa lyobugasu, nelilang'ama lyobukumi bwa Nyasaye munene no Muhonnyi wetu Yesu Kristo;

Vahebraina 13:8

Yesu Kristo a veye lero nolwave, yee, kuduka mihiga nemihiga, mulala mwere.

Vahebraina 7:3

si a veye na ise, si a veye na mama, si a veye nameta gavaguga, si a veye nelitanga lyamadiku gege, si a veye nekiheri kyelivamwoyo lilye, nawtswa ya fwananywa no Mwana wa Nyasaye), ya hindira kuva musalisi mihiga nemihiga.

2 Petro 1:1

Simoni Petro, mutugwa nomutumwa wa Yesu Kristo, ibaruua yange i duke ku ava nyoye lisuuvira lilala lyere lyobulahi halala nekwinye, mu bulungi bwa Nyasaye wetu, Muhonnyi wetu Yesu Kristo:

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.

1 Yohana 5:7

Kigira vavaka va ve avelolekidzi migulu, Dada ne Inkuva na Roho Mutakatifu, na yavo vavaka va veye mulala.

Likunula 1:11

gu vola, Vya u lolanga, u ng'ode mu kitabu u hilire mavugano gatano na gaviri: Efeso, na Simurina, na Perigamo, na Tuatera, na Saride, na Filadelfia, na Laodikia.

Likunula 1:17

Inyinga nda mu lola, nda gwa ha virenge vivye kuli u kudzi. Naye ya vika mukono gwigwe mulungi ku inze, na a vola, U ta tia mba; Mbeye wokutanga nowekiheri,

Likunula 1:2

wa lolekidza likuva lya Nyasaye, nelilolekidza lya Yesu Kristo, vindu vyosi vya ya lola.

Likunula 1:8

Inze mbeye Alfa na Omega Mwami Nyasaye a vola, u veye ho, nowa li ho, nu udzanga, Wanyala Vyosi.

Likunula 19:13

Kandi u vikeywi ingubo yuhirwa masahi: nelieta lilye li langwa Inkuva ya Nyasaye.

Likunula 2:8

Kandi u ng'odere ingelosi welivugana li veye mu Simurina. Yivi nivyo vya uyu u veye litanga nekiheri, wa gwa mukudzu, na a va mwoyo kandi a volanga:

Likunula 21:6

Kandi ya mbolera, Ga koleywi. Inze mbeye Alfa na Omega, litanga nekiheri. Inze nda ha wobuluhu kisenukiru kyamadzi gelivamwoyo, a nwe ku vutswa.

Likunula 22:13

Inze mbeye Alfa na Omega, wokutanga nowekiheri litanga nekiheri.

Likunula 3:14

Kandi u ng'odere ingelosi welivugana li veye mu Laodikia. Yivi nivyo vya u veye Amini, mulolekidzi musuuvirifu noweligali, mutangi welilomba lya Nyasaye, a volanga