Yakobo 1:3 - KITABU KITAKATIFU

³ Kigira mu manya ligeridzwa lyelisuuvira lyenyu li letanga ubwikudziri.

Yakobo 1:3 Iomraidhean Croise

Luka 21:19

Ku bwikudzihidzi bwenyu mu la nyola myoyo gvenyu.

Varumi 15:4

Ki gira vindu vyosi vya tanga kung'odwa kale vya ng'odwa kigira lyegidzwa lyetu, ku lyekudzira kandi ku lilemeridza lyamang'oda ku duke kuva nelisuuviridzwa.

Varumi 2:7

yavo avikudziranga mu miyinzi milahi venya ubukumi, nelidzominywa, nevya vula ubwoneku, va la hebwa livamwoyo lyemihiga nemihiga:

Varumi 8:25

Navutswa ni ku henzerera kya ku ta lolanga, ku ki lindirira nobwikudziri.

Varumi 8:28

Kandi ku manya vindu vyosi vi yinzira halala kuletera ava yanza Nyasaye ubulahi, kali yava ava langwa kuli ubulaliri bwibwe.

2 Vakorintho 4:17

Kigira lidambidzwa lyetu lyangu li veye lyenyinga inkekeke vutswa, li ku kiridzira ligali ligali musigo gwobukumi gwemihiga nemihiga;

Vakolosai 1:11

Mu dinyeridzwe netsingulu tsyosi, kuli ubunene bwobukumi bwibwe, kuduka ku buhokya bwosi nobwikudziri bwosi halala nobusangali;

2 Vatesalonike 1:4

kuduka kwinye avene kwidzominya kigira mwinye mu mavugano ga Nyasaye, kigira ubwikudziri bwenyu nelisuuvira lya mu veye nalyo, mu lidambidzwa lyenyu lyosi, nomu kivi kya mwikudzira mu.

2 Vatesalonike 3:5

Mwami yimirira myoyo gyenyu gyingire mu buyanzi bwa Nyasaye, nomu bwikudziri bwa Kristo.

Vahebraina 10:36

Kigira mu veye nelyenya lyobwikudziri, inyinga mu mali kukola aga Nyasaye yenyanga, mu nyole lisuuviridzwa.

Vahebraina 12:1

Kunangwa kigira yaga, kwinye kandi kigira ku lola ku kumbiridzeywi nelilesi linene lyavalolekidzi, ku vike ha luvega imisigo gyosi miliduhu, nobwoni bu ku kumbiridza ligali, ku nyagule nobwikudziri ku ligerana li vikeywi imbiri wetu,

Vahebraina 6:12

mu ta va avagata, navutswa mu ue avegi ku yavo ava lia miyandu gyelisuuviridzwa kigira lisuuvira nobwikudziri.

1 Petro 1:7

ligeridzwa lyelisuuvira lyenyu li veye lilahi kuvita ithahabu i gotanga, kali ni i geridzwa nomuliru, li lolwe kuduka ku lidzominya noku bukumi noku lidzominywa mu lilang'aminywa lya Yesu Kristo.

2 Petro 1:6

nomu limanya lyenyu mu tese mu lyelinda, nomu lyelinda mu tese mu lyekudzira; nomu lyekudzira lyenyu mu tese mu litibwa lya Nyasaye;