Vafilipi 4:9 - KITABU KITAKATIFU

⁹ Vindu vya mwega ku inze nokuvugula kandi vya mwa hulira nokulola ku inze, mu kole vindu yivi: na Nyasaye wemirembe a la va halala nemwinye.

Vafilipi 4:9 Iomraidhean Croise

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 8:10

Mu lomba makuva ha lala, na ga la kolwa kuva vutswa; mu vole likuva, na li la vula kusingira: kigira Nyasaye a veye halala ne kwinye.

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Matayo 7:21

Si va lingira vosi mbwami bwomigulu ava mbolera, Mwami, Mwami, navutswa uyu u kola ubulaliri bwa Dada u veye migulu.

Luka 6:46

Kandi kigira ki mu nanga, Mwami, Mwami, navutswa si mu kola ga mbola?

Luka 8:21

Navutswa ya tivula na a va volera, Mama wange navamwavyo vange ni yava ava hulira likuva lya Nyasaye, ni va li kola.

Yohana 13:17

Mwinye ni mu manya vindu yivi, mu veye nobugasu ni mu vi kola.

Yohana 15:14

Mwinye mu veye avalina vange, ni mu kola vindu vya mmu laga.

Yohana 2:5

Mama wewe ya volera avatumekiri, Aga a mu volera, mu kole.

Vikolwa 9:6

Navutswa vuka, wingire mu lidala, na ive u la volerwa amakuva ga ku dukira u kole.

Varumi 15:33

Kalunu Nyasaye wemirembe a ve halala nemwinye mwosi. Amini.

Varumi 16:20

Nyasaye wemirembe a la syonola Setani isi wevirenge vyenyu kalunu ndi. Tsimbabasi tsyo Mwami wetu Yesu Kristo tsi ve nemwinye.

1 Vakorintho 10:31

Kunangwa ni mu va ni mu lia naho ni mu nwedzanga, naho ni mu kola ku vindu vyosi mu kole vindu vyosi mu kuminye N; asaye.

1 Vakorintho 14:33

kigira Nyasaye si a li Nyasaye wekivihiri, navutswa wemirembe; kuli ga veye mu mavugano gosi ga vatakatifu.

1 Vakorintho 4:16

Kigira yaga ngoonya mwinye, mwege ku inze.

2 Vakorintho 13:11

Inyima, avamitu, mu gase. Mu dukire; mu leme mwoyo; mu ve nomwoyo mulala; mu menye mu mirembe: kandi Nyasaye wobuyanzi nemirembe a la va nemwinye halala.

Kwidzulitsa 5:1

Na Musa ya langa Vaisraeli vosi, na a va volera, Mu hulire, Israeli, amalago nelikalaga lya mbolanga mmatu genyu lero, mu duke kweyegidza, nokuhenza, mu ga gumire.

Vafilipi 3:17

Avamitu, mu ve avegi ku inze halala, kandi mu henze ligali yava ava gendanga kuli ku lugano lwa mweganga ku kwinye.

Vafilipi 4:7

Nemirembe gya Nyasaye, gyi vitanga limanya lyosi, gyi la linda myoyo gyenyu netsiganagani tsyenyu mu Kristo Yesu.

1 Vatesalonike 1:6

Kandi mwinye mwa gwa avegi ku kwinye noku Mwami, mu mali kunyola likuva mu busaliri bunyingi, halala nelisangala lya Roho Mutakatifu;

1 Vatesalonike 2:14

Kigira mwinye avamitu, mwa gwa avegi ku mavu gano aga Nyasaye ga veye mu Kristo Yesu ge Buyuda: kigira mwinye kandi mwa nyola vindu yivi vyekivi mu mikono gya yavo avehiri yenyu, kuli yavo va vi nyola ku Vayuda:

1 Vatesalonike 5:23

Nyasaye mwene wemirembe a mu takase ligali; na mwinye mu sidzwe roho nomwoyo nomubiri bugira kindu kidamano, mu lidza lyo Mwami wetu Yesu Kristo.

2 Vatesalonike 3:4

Na kwinye ku veye nelisuuvira ku Mwami kigira mwinye, mu kolanga kandi mu la kola vindu vya ku laga.

2 Timoteo 4:22

Mwami a ve na roho gugwo. Tsimbabasi tsi ve na ive.

Yakobo 1:22

Navutswa mu ve avakoli velikuva, mu ta va avahuliri vutswa navigadi avene.

2 Petro 1:10

Kigira yaga, avamitu, mu kole ubugulu kuvita mu duke kukola lilangwa lyenyu nelitovolwa lyenyu li ve netsingulu ligali: kigira ni mu kola yaga mu la vula kwikigitala hosi:

1 Yohana 3:22

ku vyosi vya ku saala ku vugula kuye, kigira ku gumira amalago gege, kandi ku kola vindu vi yanzeka imbiri wewe.