Vafilipi 4:6 - KITABU KITAKATIFU

⁶ Mu ta henda mwoyo ku kindu kali kilala; navutswa lyenya lyenyu ku vindu vyosi li mannywe ku Nyasaye mu lisaala nomu lisava halala nelisantidza.

Vafilipi 4:6 Iomraidhean Croise

1 Avami 8:28

Navutswa henzidza mmoni mumwo, u henze ku lisaala lyomutume kiri wowo, nelihomba lilye, O Yaho va Nyasaye wange, u hulire mwoyo gwelisaala lyomutumekiri wowo a saalanga imbiri wowo lero;

2 Kyetsinyinga 32:20

Na Hezekia mwami, na Isaya mwana wa Amozu muprofeti, va saala kigira yaga, ni va ginga lilira lyavo migulu.

Zaburi 51:15

O Mwami, u boholole minwa gyange; Na munwa gwange gu la lang'aminya lidzominywa lilyo.

Zaburi 55:17

Mgolova na mugamba na mbasu hagati, nda lira, na nda kenya; Naye a la hulira mwoyo gwange.

Zaburi 55:22

U vike ku Yahova ubuliduhu bubwo, naye a la ku vika tsingulu: Si a la leka avalungi va sundwe.

Zaburi 62:8

Mwinye avandu mu mu suuvire tsinyinga tsyosi; Mu tsuke mwoyo gwenyu imbiri wewe: Nyasaye a veye hokwivisa mu hetu. [Selaha

Tsing'ano 15:8

Kihaanwa kyomudamano ki veye ubuvihiriridzi ku Yahova; Navutswa lisaala lyavalungi li veye ubuyanzi bwibwe.

Tsing'ano 16:3

U vike ku Yahova miyinzi gyigyo, Na tsiganagani tsitsyo tsi la dinyiridzwa.

Lwimbu lwa Solomoni 2:14

O likuulu lyange, u veye mu tsimbwa tsyamagina, Mu lyevisa lyoku kisulungutu, Leka ndole mmoni mumwo, Leka mbulire mwoyo gugwo; Kigira mwoyo gugwo gu veye munolu, na mmoni mumwo mu veye mulahi.

Jeremia 32:16

Ma ga duka inyima wa inze nda ha Baruku mwana wa Neria ibaruwa yobuguli, nda saala Yahova, ni mbola,

Jeremia 33:3

Wanire inze, na inze nda ku tivulira, na nda ku mannya vindu vinene ni vidinyu, vya ive u ta manya.

Danyeli 3:16

Shadaraka, Meshaka, na Abedinego va tivula, ni va volera mwami, O Nebukadinezaru, Si ku veye nelyenya kukutivulira ku likuva yili.

Danyeli 6:10

Na lwa Danyeli ya manya mang'oda ga vikeywi lieta, ya tsia mu inyumba yeye (nu u manyi madirisha gege ga li malamu mu inyumba yeye kuhenza ku luvega lwa Yerusalemi); naye y a sigama hali kavaka ku lidiku, na a saala, na a santidza imbiri wa Nyasaye wewe, kuli wa ya kolanga ku matsyambiri.

Matayo 10:19

Navutswa lwa va li mu gumira, mu ta henda myoyo mba aga mu li tivula kinga aga mu li vola: kigira ku isaa yeyo mu la ka hebwe aga mu li vola.

Matayo 13:22

Na uyu wa midzwa mmafwa, uyu niye u hulira likuva, navutswa madidikano gekivala, nobugadi bwobutugi, bu kunika likuva, naye a vula kwama.

Matayo 6:34

Kunangwa mu ta henda mwoyo ku mugamba gundi: kigira mugamba gu la henda mwoyo namakuva gagwo. Ubudamano bwelidiku bu dukana nelidiku lyene.

Matayo 6:8

Mu ta fwa nana navo mba: kigira Dada wenyu a manya vindu vya mu daka, mu kikiri kumusaala.

Luka 10:41

Navutswa Mwami ya tivula na a mu volera, Marita, Marita, u nyankana nokudidikana ku vindu vinyingi:

Luka 12:22

Kandi ya volera avegidzwi veve, Kigira yaga mmu volera, Mu ta henda mwoyo ku liva mwoyo lyenyu, ku vya mu li lia, kinga ku mubiri, vya mu li vika.

Luka 12:29

Kandi mu tenya vya mu li lia, kinga vya mu li nwa, kandi mu ta hayahayidza.

Luka 18:1

Ya va kupa lugano va duke kulola nu bulahi va saala tsinyinga tsyosi, va ta luha mba;

Luka 18:7

Kandi Nyasaye si a la kalagira avatovole veve, ava mwanira mbasu nobudiku, navutswa a likudzira kuvo?

1 Vakorintho 7:21

Ive nu u va ni wa langwa nu u veye mu butugwa? U ta lola bu veye budamano: navutswa ni ga duka kunyalika ku ive kuva nelibohololwa nu bulahi u li tumekire.

1 Vakorintho 7:32

Navutswa nyenya mwinye mu vule kunyankana. Uyu u kikiri kuserererwa a nyankanira vindu vyo Mwami, kuli a duke kuyanzidza Mwami:

2 Vakorintho 1:11

mwinye kandi mwa konyana halala mu lisaala lyenyu kigira kwinye; kigira vihaanwa vya kwa hebwa kigira vanyingi, avanyingi va ve nelisantidza kigira kwinye.

Vafeso 5:20

madiku gosi mu santidze Nyasaye, naye ni Dada kigira vyosi mu lieta lyo Mwami wetu Yesu Kristo;

Vafeso 6:18

nelisaala lyosi nokusaava mu lisaala tsinyinga tsyosi mu Roho, nokulinda mugeni yaga nelihongera lyosi nokusaalira avatakatifu vosi,

Vakolosai 3:15

Kandi mu leke mirembe gya Kristo gyamehe mu myoyo gyenyu, mwinye mwa langirwa mu mubiri mulala mu duke kugyinyola, kandi mu ve nelisantidza.

Vakolosai 3:17

Kandi ku vyosi vya mu kolanga mu makuva nomu likola, mu kolere vyosi mu lieta lyo Mwami Yesu, mu santidzere Nyasaye Dada ku uyu.

Vakolosai 4:2

Mu menye ligali mu lisaala mu hongere mulyo nomu lisantidza,

1 Timoteo 2:1

Kunangwa nzeganehidza imbiri wamakuva gosi, ga kolwe lisaala na lyegomba, nelisaavira, nelisantidza kigira avandu vosi;

1 Timoteo 5:5

U veye mukunzakali weligali, kandi a veye yeng'ine u veye nelisuuvira lilye ku Nyasaye kandi u menyanga mu lisaala nomu lihomba ubudiku nombasu.

1 Petro 4:7

Navutswa kiheri kyevindu vyosi ki veye himbi: kigira yaga mu ve nobugeeri ubulamu, nokulindidza myoyo kuduka mu lisaala:

1 Petro 5:7

mu vike kuye kihenda mwoyo kyenyu kyosi, kigira a lindanga mwinye.

1 Samweli 1:15

Na Hana ya tivula na a mu volera, Si ga veye ndiyo, mwami wange, inze mbeye mukali womwoyo gwobuverereri ligali: si nweye iwaini, kinga kyokunwa kihambikidzanga, navutswa nda tsuka mwoyo gwange imbiri wa Yahova.

1 Samweli 30:6

Na Daudi ya dambidzwa ligali; kigira avandu va vola, A laswe magina, kigira myoyo gyavandu vosi gya vereridzwa, sa mulala kigira avana vayai na vakana vavo: navutswa Daudi yeluviridza mwene mu Yahova Nyasaye wewe.

1 Samweli 7:12

Hene yaho Samweli ya vugula ligina, nokulisingeridza hagati ha Mizipa na Shen, na ya gulika ligina zana Ebenezeri, na a vola, kuduka kalunu Yahova u ku konyi.