Vafilipi 4:11 - KITABU KITAKATIFU

¹¹ Si mbola yaga kigira ubudaka bwange: kigira inze mwene mmali kwega mu liva lyosi lya mbeye nalyo mbugirire kuva ndiyo.

Vafilipi 4:11 Iomraidhean Croise

Litanga 28:20

Na Yakobo ya singeridza lilagana, na vola Nyasaye na a va na a veye halaia na inze, nokuninda mu inzira ya ntsitsanga, nokumpa ubukima bwokulagira, ne tsingubo tsyokwivika,

Kutwula 2:21

Na Musa ya manya, na a menya halala na mundu uyu: na ya ha Musa Zipora mukana wewe.

Luka 3:14

Navasikari kandi va mu teva, ni va vola, Na kwinye ku kola ndi? Naye ya va volera, Mu ta nuula mundu kindu, kandi mu ta gina mundu; kandi mu bugirire madanyi genyu.

2 Vakorintho 11:27

mu miyinzi nomu busaliri, mu lihenzerera hali kanyingi, mu inzala nomu buluhu, mu lihonga lilia hali kanyingi, mu bukindu nomu kyahonyo.

2 Vakorintho 6:10

kuli ava verera, navutswa ava sangalanga kazozo; kuli avadaka, navutswa ku kolanga avanyingi avatugi; kuli ava ta li nekindu, navutswa ku veye nevindu vyosi.

2 Vakorintho 8:9

Kigira mu manya tsimbabasi tsyo Mwami wetu Yesu Kristo, kali ya li mutugi ya gwa mudaka kigira mwinye mwinye mu duke kuva avatugi kigira ubudaka bwibwe.

2 Vakorintho 9:8

Kandi Nyasaye a nyala kuleta ku mwinye tsimbabasi tsyosi kukira; mu dukire ligali vindu vyosi madiku gosi, mu duke kukira mu miyinzi milahi gyosi.

Vafilipi 3:8

Yee kandi inze ligali ndola vindu vyosi kuva ubugoti vutswa, kigira ubulahi kuvita bwelimanya lya Kristo Yesu Mwami wange: wa nda gotidzira ku, vindu vyosi, nokuvivalidza kuva amandu vutswa, nduke kunyola Kristo,

Vahebraina 10:34

Kigira mwa salira mu myoyo halala na yavo ava li mu buhambe, kandi mwa bugirira nobuyanzi kunuulwa vindu vyenyu, kigira mu manya mwinye avene mu veye nevindu vilahi kuvita yivyo navyo vi ta hera mba.