Vafilipi 3:9 - KITABU KITAKATIFU

⁹ kandi ndoleke muye, nta va nobulungi bwange, obu twulanga mu lilaga, navutswa bu ve obu twulanga ku lisuuvira mu Kristo, ubulungi obu twulanga ku Nyasaye kigira lisuuvira:

Vafilipi 3:9 Iomraidhean Croise

Litanga 7:23

Na vyosi vya li nelivamwoyo ku lirova vya gotidzwa, avandu, nemitugu, nevimolanga, na manyonyi gombwerefu; vyosi vya gotidzwa ku lirova. Na Nuhu yeng'ine ya tigala, navo va li halala naye mu liatu.

1 Avami 8:46

Ni iva yavo va ku kolera ubwoni, (kigira si ha veye nomundu wa vula kukola ubwoni), na ive u va vihirirwa, nokuvavika ku vasigu, ni va va lanya, nokutsia navo mu kivala kyavasigu yavo, kivala kye ihale kinga kya ahimbi;

2 Kyetsinyinga 32:25

Navutswa Hezekia si ya kola kandi kuli ubulahi bwa ya kolerwa; kigira mwoyo gwigwe gwe ginga: kigira yaga ubutima bwa li kuye, noku Yuda na Yerusalemi.

2 Kyetsinyinga 32:31

Navutswa mu makuva yavatumwa vavanene va Babuloni va tuma kuye ku liteva lyekyokugenya kya kolwa mu kivala, Nyasaye ya mu leka, a geridzwe, a duke kumanya gosi ga veye mmwoyo gwigwe.

Zaburi 14:3

Vosi va tsia haluvega; va gwiye avekifwabwi halala; Si ha veye nokolanga bulahi, kali mulala.

Zaburi 143:2

U tingira mu lilkalagira mutumekiri wowo Kigira imbiri wowo si ha veye nomundu ku vosi va veye mwoyo, u va mulungi mwene mmoni mumwo.

Zaburi 19:12

Ibwaha u nyala kumanya mahyolo gege? U nzogidze mahyolo ga viswa.

Kohelethu 7:20

Ligali si ha veye nomundu wobu geeri mulala ku lirova, u kolanga bulahi, nokuvula kukola ubwoni.

Isaya 46:13

nda leta ubulungi bwa nge bu ve himbi; si bu la va ihale mba na ubuhonnyi bwange si bu la lindar gira; nda vika buhonnyi mu Zioni kigira Israeli ubukumi bwange.

Isaya 53:11

A la lola ubululu bwelilumwa lyomwoyo gwigwe, na a la yanzidzwa: kigira lyemanya mwene mutumekiri mulungi wange, a la ha vanyingi ubulungi; naye a la ginga ubudamano bwavo.

Isaya 53:6

Kwinye kwosi ku goti kuli magondi; ku girunkani sa mulala a londa inzira yeye; na Yahova a mu dwika ubudamano bwetu kwosi.

Isaya 6:5

Hene yaho nda vola, Budamano bu veye bu inze kigira mbweye; kigira mbeye mundu weminwa mida mano, na mmenya hagati ha avandu aveminwa midamano: netsimoni tsyange tsi loli Mwami, Yahova wa mahe.

Jeremia 23:6

Mmadiku gege Yuda a la hona, na Israeli a menya mu mirembe; na lieta lilye lya a li gulikwa ni yili: YAHOVA BULUNGI BWETU.

Jeremia 33:16

Mmadiku yago Yuda a la honnywa, na Yerusalemi li la menye mmirembe: na lieta lilue lya a li langwa ni yili: YAHOVA ubulungi bwetu.

Danyeli 9:24

Masidza makumi gatano na gaviri ga lageywi ku avandu vovo noku lidala litakatifu lilvo, kutwekidza mahyolo, nokuheridza ubwoni, nokukola kyokukunika ubwoni, nokuleta ubulungi bwemihiga nemihiga, nokuvika muhuri ku malola noku buprofeti, noku vaka maguta hatakatifu hokuvita.

Matayo 9:13

Navutswa mu tsie mweyegidze amakuva yaga; Nyenya tsimbabasi, si nyenya visyuviriru; kigira si ndadza kulanga avalungi navutswa kulanga avoni.

Varumi 1:17

Kigira kuyo ubulungi bwa Nyasaye bu lang'aminyangwa kutwula ku lisuuvira kuduka ku lisuuvira: kuli ga ng'odwa, U veye nobulungi a hindiranga kigira lisuuvira.

Varumi 10:10

Kigira mundu a suuvira nomwoyo a duke ku bulungi; ni yeyama nomunwa a duke ku buhonnyi.

Varumi 16:7

Mu nchelidzire Anderoniko na Junia, aviko vange, kandi va veye vahambe halala ninze, ava manyekana ku vatumwa, ava li mu Kristo imbiri wange.

Varumi 5:21

kuli ubwoni bwameha mu likudza, kandi ndiyo tsimbabasi tsi nyala kwameha mu bulungi kuduka ku livamwoyo lyemihiga nemihiga mu Yesu Kristo Mwami wetu.

Varumi 8:1

Kunangwa kigira yaga kalunu si ha veye nelikalagirwa lidamano ku yavo ava veye mu Kristo Yesu, ava ta genda kuli liva lyomubiri, navutswa kuli liva lya Roho.

Varumi 8:3

Kigira agelilaga lya vula kunyala kukola, kigira lya li lidede kere kigira liva lyomubiri, Nyasaye ya tuma Mwana wewe ligali na a fwana mubiri gwobwoni, kandi kigira ubwoni, na a kalaga ubwoni mu mubiri:

1 Vakorintho 1:30

Navutswa mwinye mu twulanga kuye mu Kristo Yesu, wa Nyasaye a kola kuva ubugeeri bwetu, kandi ubulungi, nobutakatifu, nobuhonnyi:

2 Vakorintho 5:17

Kunangwa ku vosi mundu na a veye mu Kristo a veye kilombe kihya: vindu vyosi vya kale vi viti, henza, vindu vyosi vi gwiye vihya.

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

Vagalatia 2:16

ni ku ma nya mundu si a volangwa kuva mulungi ku vikolwa vyelilaga, navutswa ku lisuuvira ku Yesu Kristo kali kwinye kwa suuvira Kristo Yesu ku duke kuvola kuva avalungi ku lisuuvira Kristo, si ga li vikolwa vyelilaga: kigira si ha veye nowomubiri u li volwa kuva mulungi ku vikolwa vyelilaga.

Kwidzulitsa 27:26

A laamwe u vula kudinyeridza amakuva gelilaga yili nokugakola. Navandu vosi va vole, Amini.

Vafilipi 3:6

ku miima gyembodoka nda dambidza livugana; ku miima gyobulungi bwelilaga, si nda nyolwa nekindu.

2 Timoteo 1:9

wa honnya kwinye na a ku langa nelilanga litakatifu, si ga li kuli miyinzi gyetu navutswa kuli ubulaliri bwibwe nelivererera lilye lya kwa hebwa mu Kristo Yesu imbiri wetsinyinga tsya kale,

Tito 3:5

si ku li ku miyinzi gyobulungi gya kwa kola kwinye avene, navutswa ya ku honnyira ku tsimbabasi tsitsye, nelyogidza lyelivulwa lihya nokukolwa ubuhya kigira Roho Mutakatifu,

Vahebraina 6:18

ku vindu viviri vi ta nyala kugirunkana, mu yivi si ga nyalika Nyasaye a vole ububehi, ku duke kunyola ubukonyi bwetsingulu, kwinye ava kwirukanga kunyagula kugumira lisuuviridzwa li vikeywi imbiri wetu.

Yakobo 3:2

Kigira kwosi kwikigitala ku vindu vinyingi. Mundu u tikigitala ku livola a veye mudukiru, u nyalanga kwigalira nelijamu, mubiri gwosi.

2 Petro 1:1

Simoni Petro, mutugwa nomutumwa wa Yesu Kristo, ibaruua yange i duke ku ava nyoye lisuuvira lilala lyere lyobulahi halala nekwinye, mu bulungi bwa Nyasaye wetu, Muhonnyi wetu Yesu Kristo:

1 Yohana 3:4

Ku vosi u kola ubwoni a kola kirage; kandi ubwoni bu veye kirage.