Vafilipi 3:10 - KITABU KITAKATIFU

¹⁰ nduke kumanya uyu, netsingulu tsyelisimuguka lilye, nelisanga lyobusaliri bwibwe, nokufwananywa nelikudza lilye;

Vafilipi 3:10 Iomraidhean Croise

Jeremia 9:23

Yahova a vola ndi, Wobugeeri a tiyidzominya ku ubugeeri bwibwe mba, kandi wobunyali a tiyidzominya ku tsingulu tsitsye mba, kandi mutugi a tiyidzominya ku butugi bwibwe mba:

Matayo 20:23

Naye ya va volera, Kikombe kyange ligali mu la nwera ku: navutswa kwikala ku mkono mulungi gwange na ku mkono mmosi gwange, si ki li kyange kuhaana Navutswa ki veye kya yava ava Dada wange ya lombera.

Yohana 10:18

Si ha veye nomundu u nyaga Ziva mwoyo, navutswa ndi haana inze mwene. Mbeye netsingulu kulihaana, kandi mbeye netsingulu kuligumira kandi. Lilago yili nda nyola ku Dada wange.

Yohana 17:3

Kandi livamwoyo li ta hera mba ni yili va duke kumanya ive, Nyasaye weligali weng'ine, na uyu wa wa tuma, Yesu Kristo.

Varumi 8:17

ni ku va ni ku veye avana, ku veye ava nyola miyandu; ava nyola miyandu gya Nyasaye, kandi ava nyola miyandu halala na Kristo; ni ku va ni ku salira halala naye, ku duke kukuminywa kandi halala naye.

Varumi 8:29

Kigira ava ya manya imbiri, yava kandi ya vaahula va fwananywe nelifwana lyo Mwana wewe, a duke kuva wokutanga kwivulwa ku vamwavo vanyingi.

Varumi 8:36

Kuli ga ng'odwa Kwiitangwa mbasu pei kigira ive; Ku volangwa ku veye magondi gokwiitwa.

2 Vakorintho 1:10

wa ku honnya mu likudza linene kuli yili, kandi a la ku honnya: ku uyu ku suuviranga a la ku honnya lwenyima;

2 Vakorintho 1:5

Kigira kuli ubusaliri bwa Kristo bwa kira ku kwinye, kandi ndiyo lileminywa lyetu li kiranga kigira Kristo.

2 Vakorintho 13:4

kigira ya bambwa mmudedekere, navutswa a veye mwoyo mu tsingulu tsya Nyasaye. Kigira kwinye kandi ku veye avadedekere muye, navutswa ku la va mwoyo halala naye ku tsingulu tsya Nyasaye itsi veye ku mwinye.

Vagalatia 2:20

Nda bambwa halala na Kristo; kandi si a li inze mwene u veye mwoyo, ni Kristo u veye mwoyo mu inze: nelivamwoyo lya mbeye nalyo mu mubiri, yili mbeye nalyo mu lisuuvira li veye ku Mwana wa Nyasaye, wa yanza inze, kandi yehaana kigira inze.

Vagalatia 6:17

Kutwula kalunu mundu a ta nkolera bubi; kigira ngingi ku mubiri gwange tsimbala tsya Yesu.

Vafeso 4:13

kwosi ku luhe ku duke ku buhambani bwelisuuvira, nobwokumanya Mwana wa Nyasaye, kali kuduka kuva mundu mudukiru, kali kuduka ku kigero kyobunene bwelizula lya Kristo:

Vafilipi 3:8

Yee kandi inze ligali ndola vindu vyosi kuva ubugoti vutswa, kigira ubulahi kuvita bwelimanya lya Kristo Yesu Mwami wange: wa nda gotidzira ku, vindu vyosi, nokuvivalidza kuva amandu vutswa, nduke kunyola Kristo,

Vakolosai 1:24

Kalunu nsangala mu busaliri bwange kigira mwinye, kandi ndukidzira mu mubiri gwange kya gehera ku busaliri bwa Kristo kigira mubiri gwigwe, ogu veye livugana;

Vakolosai 2:13

Mwinye mwa li mwa kudzera mu lihyola lyenyu, nomu livula kukevwa lyemibiri gyenyu, vee, ya mu ha livamwoyo halala naye, lwa ya mala kukusameha mahyola getu gosi;

Vakolosai 3:1

Kunangwa ni mu va ni mwa simugukidzwa halala na Kristo mwenye vindu vi veye igulu, ha Kristo a veye, wikaye ha mukono mulungi gwa Nyasaye.

1 Petro 1:3

A gasidzwe Nyasaye Dada wo Mwami wetu Yesu Kristo, u kwivuye hali kaviri, kuli tsimbabasi tsitsye tsinene, ku duke ku lisuuviridzwa li veye mwoyo, ku lisimugukidzwa lya Yesu Kristo kutwula mu vakudzu,

2 Petro 1:13

Kandi ng'anagana nu bulahi, inyinga ya mmenya mu lihema yili, kumuvukidza nokumwidzulitsa;

1 Yohana 2:3

Ku yaga ku manya, ku mu manya, ni ku gumira amalago gege.

1 Yohana 2:5

ku vosi u gumira likuva lilye ubuyanzi bwa Nyasaye bu dukidzeywi muye ligali. Ku yaga ku manya ku veye muye.

Likunula 1:18

na Uveye Mwoyo; kandi na li mukudzu, kandi henza, mbeye mwoyo mihiga nemihiga, kandi mbeye netsifunguo tsyelikudza netsye Kihadisi.