Vafilipi 3:1 - KITABU KITAKATIFU

¹ Lwenyima, avamitu vange, mu sangale mu Mwami. Kumung'odera vindu zana, ku inze si ndola ubudinyu, navutswa ku mwinye nu bulahi.

Vafilipi 3:1 Iomraidhean Croise

1 Kyetsinyinga 15:28

Na ndiyo Israeli vosi vanegeridza lisanduku lyelilagana lya Yahova halala nelihanzuka, no mwoyo gwevisiliva, na ling'alala, nevikuli, ni va hanzuka ligali halala nobukana, nobukana bwemigoye.

1 Kyetsinyinga 16:10

Mwekuminye ku lieta lilye lita katifu; Mwoyo gwa yavo avenyanga Yahova gu sangale.

1 Kyetsinyinga 29:22

ni va lia ni va nwa imbiri wa Yahova ku lidiku yilyo nobusangali bunene. Na vamehidza Solomoni mwana womwami Daudi hali kaviri, nokumbaka maguta a ve wa Yahova a duke kuva munene, na Zadoku a ve musalisi.

Nehemia 8:10

Hene yaho ya va volera Mu tsie, mu lie kyenetu, munwe kinolu, na mu hile vidieli ku uyu wa vula kusundirwa kindu; kigira lidiku lya lero yili li veye lidiku litakatifu ku Yahova wetu: kandi mu ta vererera mba, kigira ubusangali bwa Ya hova bu veye tsingulu tsyenyu.

Ayubu 22:26

Kigira hene yaho u leyanzidza mu Wanyala Vyosi, Nokuginga mmoni mumwo kuyeka ku Nyasaye.

Zaburi 149:2

Israeli va sangale mu uyu wa va lomba: Avana va Zioni va kupe isango mu Mwami wavo.

Zaburi 32:11

Mu sangale mu Yahova, nokutsantsalika, mwinve avalungi; Kandi mu kupe isango, mwinye vosi avemyoyo milungi.

Zaburi 33:1

Mu sangale mu Yahova, O mwinye avalungi: Lidzominya li dukiranga avemyoyo milungi.

Zaburi 37:4

Weyanzidze mwene mu Yahova; Naye a la ku ha vyomwoyo gugwo gu saalanga.

Zaburi 42:4

Vindu yivi nzidzulitsa, nokutsuka mwoyo gwange mu inze, Kuli nda tsia nekiduma, nokukimirira mu inyumba ya Nyasaye, Nomwoyo gwelisangala nogwelidzominya, kiduma ki lindanga lidiku lyokusangala.

Zaburi 5:11

Navutswa vosi ava suuviranga ku ive va sangale Va kupe lwanga lwobuyanzi kazozo; kigira u va kinganga: Kandi yava ava yanza lieta lilyo va sangale mu ive.

Zaburi 97:1

Yahova yamehanga; lirova li sangale; Ubunyingi bwevisulu vi yanze.

Isaya 41:16

Na u la vi sesa, nembuudza i la vi lulukidza, na kihudzudzi ki la vi salannya; na u la sangala mu Yahova, na u lidzomi nya mu uyu Mutakatifu wa Israeli.

Isaya 61:10

Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

Isaya 65:14

henza avatumekiri vange va limba kigira ubuyanzi bwemyoyo, navutswa mwinye mu l la lira kigira liverera lyomwoyo muinye mu la kupa tsikwili kigira ubululu bwemyoyo gyenyu.

Joeli 2:23

Kunangwa mu yanze, mwinye avana va Zioni, na mu sangale mu Yaho va Nyasaye wenyu; kigira a mu hedza imbula yokutanga i duka, naye a mu kupidzira imbula, imbula yokutanga na imbula yenyima, mu mweli gwokutanga

Zefania 3:14

Wimbe, O mukana wa Zioni; kupa lwanga, O Israeli; u yanze nokusangala nomwoyo gwosi, mukana wa Yerusalemi.

Zefania 3:17

Yahova Nyasaye wowo a veye hagati hoho, wobunyali a la honnya; a la yanza ku ive nelisangala linene; a la sosa mbuyanzi bwibwe; a la sangala ku ive nelyimba.

Zekaria 10:7

Na yavo va Efiraim va la va kuli mundu wobunyali, myoyo gyavo gyi la sangala kuli gyi veye newaini; yee, avana vavo va la lola inkuva yiyi, na va la sangala; myoyo gyavo gyi la sangala mu Yahova.

Matayo 5:12

Mu yanze, mu sangale ligali: kigira madanyi genyu ga veye manene migulu: kigira ni ndiyo va kupidza kivi avaprofeti ava li imbiri wenyu.

Luka 1:47

Roho gwange gu yanza ku Nyasaye Muhonnyi wange.

Varumi 5:11

Kandi si ga li yaga geng'ine, navutswa kandi ku sangalira mu Nyasaye kigira Mwami wetu Yesu Kristo, wa ku mali kunyola kuye lihambanywa kalunu.

2 Vakorintho 13:11

Inyima, avamitu, mu gase. Mu dukire; mu leme mwoyo; mu ve nomwoyo mulala; mu menye mu mirembe: kandi Nyasaye wobuyanzi nemirembe a la va nemwinye halala.

Vafeso 6:10

Agekiheri, avamitu vange, mu ve avanyala mu Mwami, kandi mu bunene bwetsingulu tsitsye.

Kwidzulitsa 12:18

navutswa u la vi liira imbiri wa Yahova Nyasaye wowo ha Yahova Nyasaye wowo a la tovola, ive, navayai vovo, navakana vovo, navatugwa vovo vayai, navakana, no Mulevi u veye mu viribwa vivyo: u la va u sangale imbiri wa Yahova Nyasaye wowo mu vyosi vya u vika ku mukono gugwo.

Kwidzulitsa 16:11

na u sangale imbiri wa Yahova Nyasaye wowo, ive, nomwana wowo, nomukana, nomutugwa muyai wowo, nomukana, no Mulevi u veye mu viribwa vivyo, nomugeni, nombisandu, nomukunzakali, ava veye hagati hoho, ha Yahova Nyasaye wowo a la tovola, kuvika lieta lilye li menye ho.

Vafilipi 3:3

kigira ku veye avakevwa, ava sigama na Roho wa Nyasaye, kandi kwidzominya mu Kristo Yesu, kandi si ku suuvira mubiri.

Vafilipi 4:4

Mu sangale mu Mwami kazozo: kandi nda vola, Mu sangale.

Vafilipi 4:8

Agatigaye, avamitu, gosi aga veye ageligali, gosi aga veye agelidzominywa, gosi aga veye gobulungi, gosi aga veye manifu, gosi aga yanzidzanga, gosi aga gohangwa; ni bu veye ho bulahi, ni li veye ho lidzominya, mu ganagane vindu yivi.

1 Vatesalonike 4:1

Inyima yaga, avamitu, ku mu goonya nokumweganehidza mu Mwami Yesu, kuli mwa vugula ku kwinye nu bulahi mu gendere nokuyanzidza Nyasaye, kuli mu gendanga, mu duke kukira ligali.

1 Vatesalonike 5:16

Mu sangale kazozo;

Yakobo 1:2

Mu lole bu veye ubuyanzi bwere, avamitu, inyinga mu gwa mu ligeridzwa tsing'ano netsing'ano.

1 Petro 3:8

Agekiheri, mu ve nomwoyo mulala, ava koleranira tsimbabasi, ava yanzana kuli avamwavo navamwavo, nayetsimbabasi tsyomugati, navemyoyo myegehidzu:

1 Petro 4:13

navutswa kuli mu veye avasangi mu busaliri bwa Kristo, mu sangale; mu lilang'aminya lyobukumi bwi bwe mu duke kusangala nobusangali ubunene.

2 Petro 3:1

Avayanze, ibaruwa yiyi yange ni ya kaviri ya nng'odera mwinye; mu tsyombi mbukidzanga myoyo gyenyu gyeligali ku limwidzulitsa;

1 Samweli 2:1

Na Hana ya saala, na a vola: Mwoyo gwange gwidzominyanga mu Yahova; Lwiga lwange lu nenehidzangwa mu Yahova Munwa gwange gu vambalalidzeywi ku vasigu vange; Kigira nsangalanga mu buhonyi bubwo.